مرثية العجمي بعيال عمي الله يرحمهم

السلام عليكم ورحمة الله وبركاته

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين


هذه القصيدة مرثية قالها :

الشاعر ( حمد بن قريان العجمي ) وهي في رثاء كل من

الشيخ / فيصل بن عجران الخالدي
الاخ / حسين بن دغيم الخالدي
الاخ / منصور بن محمد الخاطر

رحمه الله عليهم واسكنهم فسيح جناته

وكان موتهم فاجعه للجميع....

وماقصر العجمي ...

وأشكر الأخ الذي أعطانيها بعد أن كانت معي وفقدتها....

الله يجزاه خير,,,
............................................................ ......

[poet font="Simplified Arabic,4,black,normal,normal" bkcolor="transparent" bkimage="backgrounds/19.gif" border="none,4,gray" type=0 line=200% align=center use=ex length=0 char="" num="0,black" filter=""]
علـم لفانـي فجـر القلـب تفجـيـر=" جو الحفر " ضاقت بعينـي ركونـه

لا عـود الله علـم بعـض المساييـر=لا واسفـا قولـة هــلا والمعـونـه

جابو من الديـره صـدوق التقاريـر=علـم النكـد جابـوه لـى ينقلـونـه

كنهم خذوه بسمـر الافـلام تصويـر=نهـار رابــع عـنـدي يحللـونـه

عن حـادث قفـا بـروس المناعيـر=من دون "ابو سمـره" يقولـون دونـه

"جفرة نكد " لأ مطر ثراهـا شخاتيـر=جعل الولي منهـا يصاغـي مزونـه

عوض مطرهـا جعلـه الله معاصيـر=يقفـاه زلــزال تـهـاوا بطـونـه

بيـن المراكـز مـا تمـر السياييـر=عشريـن عـام دربـهـم يخلفـونـه

" جفرة نكد " شـر علينـا بـلا خيـر=فيهـا جـرا الجـاري بكافـه ونونـه

لاوالله الأ مــات فيـهـا مشاهـيـر="ثلاثـة " سلـم الـوفـاء يدركـونـه

وافيـن فـي عينـي بكـل المعاييـر=ومـن قـاس بقياسـي تدلـه عيونـه

كرمـان ظفريـن زحـول مصاطيـر=كـل يلـم المرجلـه فـي زبـونـه

كعـام الضديـد ومرتكـا للمخاسيـر=فيهـم عـن الباقيـن عنـدي نمونـه

مركـا لزنـدي لا تـردو المعاثـيـر=أخـوان لا شكـه ولا بـاب خـونـه

صحبه سنيـن مـع طـوال التشابيـر=روحـي بهـم بيـن العبـاد مغبونـه

الشاهـد الله مابهـم ربـع تقصـيـر=ايشرفـون المجلـس اللـي يجـونـه

لا جيت جوني مـن بعيـد المشاويـر =وأن غبت عنـي مـن لفـا ينشدونـه

واشفق لشيفتهـم قبـل شيفـة الغيـر=ولكـل طيـر مثـل مـا قيـل لونـه

مافيهـم اللـي يتـقـي بالمعـاذيـر=الـيـا بـدالــي لازم يـدركـونـه

ون جالهـم لازم نسـوق التباشـيـر=يـدرك بجـاه الله كــوده وهـونـه

أقفـا بهـم هـدام روس الطوابـيـر=عـزران تمضغهـم نواجـد سنونـه

وذي قـدرة الله مـن يـرد المقاديـر=بقعـا رحاهـا للخـلايـق طحـونـه

اقفت " ببن عجران فيصل " علي السير" =وابن دغيم " مـا تقضـت شطونـه

" والخاطري منصور " ريف المعاسير=غناة من رزقـه علـي بـاب شونـه

كسرة عصا راحو كما انجاية الطيـر=ولكـل منـهـم لابـتـه يرتجـونـه

خلـو بحلتهـم صـغـار مقاصـيـر=بعـض الحكـي لا واسفـا يجهلونـه

وعجزن تخطيهـن بـروس البواكيـر=لا واسفـا بالوقـت مقـوي طعونـه

يجبر عزاهن رازق الحوت في الهيـر=من يلتجـي لـه مـا يخيـب ظنونـه

يا قلـب هـود مـن كثيـر التفاكيـر=حل القضـا والحبـل جافيـه غونـه

ويالعين وشلـش بالبكـا عينـي خيـر=ماشي براجـع لـو بكيتـي محزونـه

نرجي لهم رحمـة حسيـن التدابيـر=في جـاه مـن يعلـم خفيـات كونـه

تنشـر صحايفهـم مـع الله مغاتـيـر=آ ميـن يامـن يرجـي العبـد عونـه

ترزقهـم الجنـه وحـور غنـاديـر=واللـي بقـا مـن طارفتهـم تصونـه

[/poet]


الشاعر ( حمد بن قريان العجمي )

قصيدة لم تنشر بالصحف أو بالمنتديات

والحادث قديم والله يسكنهم مساكن الصالحين

عزالله انها من أصدق المرثيات لطيب المتوفين

تحياتي

محبكم: احمد بن مبارك

والله يرحمهم

الله يرحم اموات المسليمن انشلله

ولااهنت يابو مبارك

احمد الخالدي

الله يرحمهم ويرحم موتى الملسمين اجمعين


ومنصور ابن قريان شاعر ومن رياجيل طيبين والله لا يهينه على ذا القصيده وصح السانه



ولاهنت على النقل

اخي الغالي / احمد الخالدي

الله يبيض وجهك

وصح السان ابن قرياان

والله يرحمهم ويرحم اموات المسلمين اجمعين

لااااهنت يابو مبارك

^
^
^

ارحب يابو سعيد

ولاانت يابو حمد

مشكور لمرورك

شبيب الشبنان

ياهلا بك

ونعم ببن قريان

ورحم الله الجميع الأحياء والأموات

تقبل تحياتي

الشاعر الكبير هادي بن سعيد

حي هالجيه ولاانت ورحم الله الجميع

مشكور لمرورك الكريم

ثامر اهجد اكلمك جد

هذي مرثية ماني قاعد اضحك

اهجد

^^
^
^
^

حااول تهد

^^
^
^
^

هد اعصابك لا ينقطع فيك عرق

احمد الخالدي

لاهنت
والله يرحمهم ويرحم اموات المسلمين اجمعين