الشاعر محمد الطنباوي يمدح بن شويه

هذه القصيده قالها الشاعر محمد الطنباوي السبيعي

في مدح الشيخ والفارس وليد بن شويه السبيعي رحمهم

الله جميعآ واموات المسلمين ،،،.

[poet font="Simplified Arabic,4,black,normal,normal" bkcolor="white" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياراكـبٍ فـرتٍ يخفـق تخافـيـق=تخفيـق كـدريٍ تنـشـه حمـايـم
راعيـه منجـوبٍ يـدل الطواريـق=مشغول بالمطـراش ماهـوب نايـم
ملفاك ابو نايـف زبـون المشافيـق=فـي ساعـةٍ فيهـا تطيـر العمايـم
لاجاء نهار الكون والدرب جاء ضيق=يردهـا مابـيـن طـايـح وقـايـم
له موقفٍ يرتاح لـه يابـس الريـق=فعلٍ لابوه مـن العصـور القدايـم
كم واحـدن حقـة عليـه التحاقيـق=ودخـل وذرعانـه عليهـا الحزايـم
وانجاه ابو نايف من الحبس والضيق=بجاهـه ومعروفـه وقـو العزايـم
وربعه هل الغلبـا سيـوفٍ دواليـق=عدوهـم يبطـي بحزنـه مهـايـم
سبعان وان ركبوا طوال السماحيـق=لاقطبـوا صـم الرمـك بالشكايـم
عنـا يفكـون الحـلاق المغالـيـق=ونثـور بالملحـه ونـدرى اللوايـم
نشرب بهم صاف الجمام الغداريـق=وناطا بهـم روس السبـاع الهوايـم
وقصيرهم كنه بـروس الشواهيـق=يمشي وينزل فـي وسيـع الخرايـم
وفعولهـم تشهـد عليهـاالمطاليـق=ولانيـب كسـار العظـام الصمايـم

الشـاعـر محـمـد الطـنـبـاوي
[/poet]

سبعان وان ركبوا طوال السماحيـق @@ لا قطبـوا صـم الرمـك بالشكايـم

ونعم ياشبيب .....لجواد تعطا حقها وتزاد ....
وافين اول وتالي من غير قصور في القبايل
قصيدة وافيه في من يستاهلونها .... (( تقبل خالص التقدير والاحترام ..))

سبعان وان ركبوا طوال السماحيـق @@ لا قطبـوا صـم الرمـك بالشكايـم

ونعم ياشبيب .....لجواد تعطا حقها وتزاد ....
وافين اول وتالي من غير قصور في القبايل
قصيدة وافيه في من يستاهلونها .... (( تقبل خالص التقدير والاحترام ..))



-