وش كمالة البيت؟؟؟؟؟؟؟؟؟؟

مرررررررررحبا يا النداوية


شطر بيت سمعته وأبي عجز البيت ومن هو له00


شطر البيت يقول


النوم ساس اللوم لو يدري الفتى



ولكم التحية00

مرحبا ومسهلا بك أخوي العزيز:مبارك بن محيا,,,,

تكملة البيت طال عمرك:

النوم ساس اللوم لو يدري الفتى *** ربيع العذارى والرجال الهلايم

أما لمن البيت والله البيت متداول بين الناس كذا بدون ذكر راعيه,,,

وبسأل ولو عرفت أبشر بسعدك يا مبارك,,,,

وسلامتك أخوك:سعد بن كاظم الفهيدي المري,,,,

يامرحبا يابن محيّا
البيت على ماعتقد انه لـ راشد الخلاوي ... وراح ابحث عنه بأذن الله
دمت يالسنافي

مشكووووووووور يا النشاما


والبيت حسب عرفي له

النوم ساس اللوم لو يدري الفتى
0 ريف العذارى والرجال الهلايم


بس بغيت أتأكد


ولكمممم تحياتي

الاخ مبارك

اللبيت اللى اعرفه هو :

النوم ساس اللوم لو يدري الفتى ** وان النوم قطاع الفتي من مراجله

والبيت متداول بين العامه ولا اعرف من له

تحياتي
الامل

الاخ مبارك ابن محيا

البيت حسب علمي ان تكملته /

النوم راس اللوم لو يدري الفتى ............. كم فات رقّــاد الضحى من غنيمه




وبالنسبه لقائله لا ادري بالتحديد


وتحياتي للجميع

والله ياجماعه احترت في مداخلاتكم واحترت في عجز البيت اللذي اتى على اكثر من نص

والحقيقه مااقدر ابت بالموضوع وكنت اتوقع غير كذا بكثير ولكن مداخلاتكم زادت من حيرتي

والله يالربع المتناقل في منطقتنا عن هذا الموضوع

اولا البيت

النوم ساس اللوم بان الردابه 0 0 0 ورجلٍ يبا الطولات نومه شلافيح


القائل /// شليويح العطاوي
علما انني لم انقل لكم ذلك من مرجع اساسي يستند عليه فقط هو المتداول بين الناس في منطقتنا ولااعلم ن مصداقيته والله اعلم

دمتم بخير وتقبلو الف تحية وتحية من اخيكم

السنعوســــــــــــي

الأمل
مشكووووووور يا الغالية

ولا هنتي
أخوك

اخوي جمعان





الله يعطيك العافية




مرورك أسعدني



بس




أنت جبت أول شطر من قصيدتين مختلفتين



أكيد قصدك الدعابة


بس اذا تتكلم جد



أتمنى ترجع لمصادرك




وهلا بك والله وغلا




أخوك

مبارك بن محيا

مساك الله بالخير

تكملة البيت : الــنــوم ســاس الـلـوم لــو يــد ري الــفـــتـــى
كـــم فـــات رقـــاد الــــضـــحـــى مــن غـــنـــيـــمــــه

تقبل تحياتي

ناصر الهاجري

مبارك بن محيا

النوم رأس اللوم بان الردا به === واللي يبى الطولات نومه شلافيح
الذيب ما يرقد ورزقه نهابه === يدوّر الغرات عند المصاليح
واللي يبى الطولات يتعب ركابه === والعز بأكوار النضا ياهل الفيح


وهذه الأبيات للشاعر المعروف مريبد العدواني


أما هذا البيت

النوم راس اللوم لو يدري الفتى ............. كم فات رقّــاد الضحى من غنيمه

فقد سمعته كثيرا ولكني لا أعرف قائله وأعتقد أنه لراشد الخلاوي ولست متأكد

تحياتي

أخواااااني المشاركييييين

مشكووووووووووووور على الفززززززعة


أما البيت فقد وجدته لعمر أبا الخساير البجيدي ووجدت معه فقط 8 أبيات مع مناسبة القصيدة وحااضر لذكرها لمن طلب ذلك مني

الشاعر يقوول وأعماركم تطول
النوم ساس اللوم اللوم لو يدري الفتى 000 ريف العذارى والرجال الهلايم
واللي يدور الهون والكن والذرى000 يموت ما حاشت يديه الغنايم

النوم ساس اللوم لو يدري الفتى0000 والنوم قطاع الفتى من مراجله


متداول بشكل كبير في المنطقه الجنوبيه اما من القائل فلا ادري

مرحبا بالجميع0
كم فات رقاد الضحى من غنيمه -- فاته وهو راقد مادرابها ؟!


والله ا علم دمتم0

وصلتني هذه الليله رساله من زائره ومتابعه للنداوي رمزت لإسمها بــ " عبير", تقول فيها


هذا هو النص مدار الجدل ولقد وردفي كتاب عبدالله بن خميس "من القائل" الجزء الرابع"

ونحن بدورنا نشكرها على حسن المتابعه والحرص علي إثراء المنتدى وتعميم الفائده للجميع .


[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
النوم راس اللوم بان الردى به = عين تبا النوماس نومه شلافيح
الذيب مايرقد ورزقه نهــابه = يدور الغرات عند المصاليـح
إلى ذكر له نشــر بدو عدابه = عقب العشا يوم الأثاني مدابيح
اللي يبا الطولات يتعب ركابـه = العز بكوار النضا ياهل الفيـح
الا على اللي كن سايج حقابـه = سوجة قطاة وردت للجوابيح
إلى عدو المرقاب مثل الذيابـه = وتقابلوا مثل الحرار المفاليـح
وشافوا جنوب البل تسلل حرابه = وبغو طعمها عاشقين الطماميح
وكثرت مناجيهم وصارت طلابه =الله يلوم اللي هروجه تصافيـح
الله يلــــوم اللي يبا الانقلابه = ما ولعه كسب الوجب والتماديح
وثور صليب الرأي ثم اعتدابــه = ووردوا كما ذود لحوض مشاويح
وراجوا وداجو وودعوا له ضبابه = شقح يتلى للقعد بالمساريـــح
إلى انتصف مثل الرعد في عقابه = من ايمان عوران العيون الذوابيح
من كل مسلوب يوكد صوابــه = خجم الفرنجي موميات المطاويح


مريبد العدواني
[/poet]