اعطي عطا واعرف من القائل والتكمله .

اخواني واخواتي النداويه
السلام عليكم ورحمة الله

هذه البيتن التاليين قاطعة ن قلبي وابغا من يعرف منكم تكملتها لا يبخل علي وايضا راعيها او بالمعنى الاصح قايلها .

سقا الله زمان فاتني عادني بزر *** وانا جاهل فالحب ياللي تعرفونه
انا دمع عيني كل ما فات من شهر *** هماليل واغظي عن هلي لا يشوفونه


ولكم خالص التحيه ..

مرحبا يا مسفر ال رشيد
ايدك على العطيه

القصيده طال عمرك حسب ما نقله احد المعارف ويقول انها لجده

وجده اسمه على ما اعتقد : حمير بن مسفر الفهادي اليامي

والقصيده بقولك اللي حافظه منها وحسب ما سمعتها بالضبط



[poet font="Simplified Arabic,14,black,normal,normal" bkcolor="" bkimage="" border="double,2,gray" type=1 line=200% align=right use=ex char="" num="0,black"]
ألا واهني اللي إلى من بلي صبر = صبورٍ على الدنيا وعلى فراق مضنونه

سقا الله زماني يوم انا دالهٍ بزر = ولا اعرف طروق الحب والغي وشلونه

انا دمع عيني كل ما فات من شهر = هماليل واغظي عن هلي لا يشوفونه

ومرٍّ اهل دموع ومرٍّ دمٍ حمر = ومرّ كما عدّ هل الطرش يردونه

ألا يا هل المجمول ما عاد بي صبر = وذي بندقي في ما تقولون مرهونه
[/poet]

هذا حسب ما سمعته واعتقد انها اطول من ذلك وبسأل عنها

تقبل تحياتي

حسن العرجاني

الله لايهينك يا حسن
وابشربالعطيه.

عطيتك في البل رفيق وابن عم .

لا عدمتك يا حسن .

اجمل تحيات اخوك ابو عايض .

اليامي + حسن

وهذا بويت زود وحسن ماقصر:

ابو لبة بيضاء وطوق على النحر ... يا مهبلك يا عاذل القلب من دونه


الولهان