الشـاعــره (ريــم الصحــراء)

[poet font="Simplified Arabic,14,white,normal,normal" bkcolor="" bkimage="http://nadawi.com/bg/images/back-226.gif" border="double,5,deeppink" type=0 line=200% align=center use=sp char="" num="0,black"]
يامرحبا عدت نجوم المجره=واعداد مارش المطر وادلق سهيل
واعداد من يمشي ابحره وبره=واعداد ماراح الضحى واقبل الليل
جيّتك في روحي تزيد المسره=وبعدك ترى يازين يورثني الويل
حلاوة أيامي بفرقاك مره=في غيبتك والدمع يجري كما السيل
في غربتك قلبي عنا الشوق ضره=وحسيت بالغربه عن الناس بالحيل
حبك معاليق الضماير يجره=يسطي بسيف الموت من دون تعليل
مسكين ياقلبٍٍّ هوى الحب فره= من مر كاس البعد زوّد له الكيل

[/poet]

الله لا يهينك يا بن هضيبان

طال عمرك لون شوي يتعب النظر وأخوك الصغير مايشوف عدل

بيض الله وجهك

والله لا يهينك

سامحني ياحمد ذوقي بالألوان لك عليه

شوفها الحين انشالله تكون واضحه

ابروح اغيّر لون الثانيه قبل يجي السحيمي

بيض الله وجهك وماقصرت


وجعلك ذخر

الحين فوق الممتاز

الدحابيب


والله اني اغليك خلقه من ربي