من الشاعر؟؟؟ والتكمله يا الربع

السلام عليكم

ومساكم الله بالخير

فيه بيت يقول شاعره

سرى البارق اللي له زمانين ما سرا0000 حقوقٍ خياله بارقه يجذب الساري


ما اسم شاعرها؟؟؟
ومن يعرف تكملتها؟؟؟

ارجو رجاء خاص من يعرفها يكتبها كامله فضلا لا امرا

وتقبلوا تحياتي

حسن العرجاني

ارحب يالعرجاني

القصيده للشاعر / سليمان بن شريم

وتكملتها باذن الله بجيبها عن قريب ....صبرك علي شوي


تحياتي لك

الله يعطيك العافيه يا بومحمد

وبانتظار التكمله

خذ راحتك يا بومحمد

لاهنت يا السنافي

حسن العرجاني

يا مرحبا يا حسن العرجاني,,

البيت كما قال الأخ فالح بن قشعم هي للشاعر الكبير / سليمان بن شريم

وأنا بأذكر الي انا حافظه من القصيده وهي:

[poet font="Simplified Arabic,14,black,bold ,normal" bkcolor="" bkimage="http://www.nadawi.net/vb/images2/6.gif" border="double,4,purple" type=0 line=200% align=center use=sp char="" num="0,black"]
سرى البارق الي له زمانين ما سرى=حقوق المخايل بارقه يجذب الساري
على فرعة الوادي وسيله تحدرى=تغني طيور الما على حاير الجاري
مرابي غزالٍ عقب عرفه تنكرى=عليه الله أكبر كل ما حل له طاري
برى الجرح منه ومني الجرح ما برى=هو يحسبنه يوم طال المدا باري
نطحني بعرض الهيل تحت المشجرى=جميل المحاسن لاظخيمٍ ولاعاري
[/poet]

والقصيده أطول من ذلك,,,

أخوكم / سعد بن كاظم المري,,,

اخواني الاعزا الله لا يهينكم جميع .
واسمحوا لي اشارككم بما جادت به معرفتي ..


القصيده لها قصه وهي ابن شريم يحب له وحده وكتب الله انهم يفترقون لسنين طويله فبعد ما نفد صبره ذهب هائما على وجهه في البيد يدور على عربها الى ان مر به الطريق على جماعة عندهم عرس واذا والله انه يشبه عليهم انهم عربها او انه عرف بعض منهم وهم ما عرفوه واخذ يستفسر بطريقته الخاصه وعرف ان الزواج زواج صحيبته وانا في اعتقادي ان هذا الخبر اسوى خبر مر عليه في حياته وبدا الزواج في الليل وعاد تعرفون سلوم العرب من اولا بعد المغرب يتعشون ويقومون يلعبون استمروا في اللعب (الغناء) ولكن هذا الشخص الغريب رفض ان يقوم معهم لظروفه الخاصه ولكن اصروا على ان يقوم معهم وبعد اصرار شديد منهم قام وقال امسكوا الصفين وصار يبدع لهم ما سبق ان ذكره اخوي سعد سابقا واعتقد ان ما ذكره هي القصيده كامله حسب ما سمعنا من الرواه وعندما سمعت المعرسه القصيده استوحت ان هذا هو الشخص اللي غاب عنها طويلا اللي قضت السنين اللي فاتت تنتظره ولكن لسو الحظ ما جا الا على اخر وهله على العموم مالنا في طويل ن فايده وهي والله اللي تطلع من الحجبه (المكان المعد للعروسين ) وتنصاه وترد الشان فيه حسب ما سمعت من الراوي انها قالت ذا الرقبه دخيلت ذا الرقبه وهو والله اللي يرد الشان بها عند كبير الجماعه .
ارتجوا الناس ولا دروا ويش السالفه ولكن العرب سلومهم طيبه وفيهم نخوه وشيمه واستفسروا عن الموضوع وعاد شرح لهم الرجال الغريب القصه كامله وانه ما جا من ديرته الا يدور عليها بعد ما اطناه الطنا في فرقاها بعد ذلك قام المعرس وقال انتي طالق من رقبتي في رقبة الرجال هذا اللي هو صحيبها وما دفعت من مهر ومن زهاب وكل ما جيت به صدقة وجه الله عليكم . واكملوا مراسيم الزواج وكل ن راح في فاله .

هذا ما حصلت عليه من الرواه فان نقص او تقصير فسامحوني يالربع .

وتقبلوا خالص التحيه من اخوكم ......

ابوعايض......

مرحبا يابو نافل ..........استلم القصيده كامله ..وهي كالتالي :


[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
سرى البارق الليّ له زمانين ماسرى = صدوق المخايل بارقه يجذب الساري

على فرعة الوادي وسيله تحدرى = وغنّت طيور الما على حايرٍ جاري

مرابي غزالٍ بعد عرفه تنكرى = عليه الله أكبر كل ما حلّ له طاري

نطحني بثوبٍ الغز فوق المشجرى = جميل المحاسن لا بضخمٍ ولا عاري

أرى سلبة العاتق إلى صدّ مادرى = مثل سلبة العرجون في صفحة الذاري

أبو لبةٍ مثل القمر ضاح واسفرا = والى غابت القمرى تقدّى بها الساري

صويب الهوى مسكين يمشي على ورى = ترى النفس فيه وحيله أقوى من الضاري

برى الجرح منه ومنيّ الجرح مابرى = وهو يحسب إنيّ يوم طال المدى باري


[/poet]


وسلامت عمرك


تحياتي

الاخوان00

سعد بن كاظم000 ومسفر ال رشيد0000 وفالح بن قشعم

لاهنتوا على بحثكم 00وتكملة القصيده

الله لا يهينكم
ولاهنت يا بومحمد على ايرادها كامله000يامال العافيه انت والاخوان سعد ومسفر

تقبلوا تحياتي جميعا

حسن العرجاني