قصيده مندبه,,,,

هذه القصيده قديمه وهي للشاعر المرحوم بإذن الله علي بن حمد آل لعويدي الفهيدي المري وقد كان من سكان دولة

الكويت الشقيقه وقد أرسلها لخالي المرحوم بإذن الله حمد بن خربوش آل كاظم الفهيدي المري وكان آنذاك في منطقة

الظهران,ووصلت القصيده لخالي ولكنه توفي قبل رده عليها:



[poet font="Simplified Arabic,14,black,bold ,normal" bkcolor="" bkimage="http://www.nadawi.net/vb/images2/22.gif" border="double,4,seagreen" type=0 line=200% align=center use=sp char="" num="0,black"]
راكب الي ما غشا ويله عجاجه=عقب تمرينه مشى وقم شهريني
لو يمر السوق ماله فيه حاجه=قد قضا اللازم على الممشى حزيني
كنه يزفن عقب ما حاسب وعاجه=مع ملف(ن)عافي(ن)والخط زيني
نصه الي ينصا في كل حاجه=يلطم العايل وهيف(ن)للسميني
ذاك ابن خربوش مره في مداجه=طيب(ن)من روس ربع(ن)طيبيني
عقب ما رحب بيضحك لك حجاجه=ما تغيره الليالي والسنيني
جعل يفداه الذي كثر احتجاجه=ويتقعد بالردا للمستحيني
من نسل عرفه على لنبة سراجه=اتركه والمرجلة دنيا وديني
نظهر الطيب من الي به عواجه=والردي ما حن عليه بشامتيني
[/poet]

وسلامتكم,,,

وتقبلوا أجمل التحايا,,,

أخوكم / سعد بن كاظم,,,

مرحبا ياسعد

رحم الله الشاعر على ال لعويدي ورحم الله خالك حمد وجعلهم في جنات الفردوس ,,,امين


تسلم ياسعد وتشكر على المشاركات الرائعه .

والى الامام......................

الله يرحبك على فضله,,,,

والله يجزاك خير,,,

ولاهنت يالغالي على الرد,,,,

لك مني أعذب وأرق تحيه,,,

أخيك / سعد بن كاظم,,,