قصيده قديمه لابوي...

اخواني النداويه اخواني الزوّار

قصيده لأبوي حمد بن سعود الدهيمي البقمي
عسى الله يطوّل عمره ويمدّه بالصحه والعافيه...
قالها في شبابه قبل اكثر من خمسين سنه عندما كان في الشمال واراد ان يعود الى ديرة ربعه وجماعته في

(حضن) لنهم كانوا في ذلك الوقت بدو في شرقي جبل حضن يتبعون مشهاة البل.....

[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/13.gif" border="groove,7,gray" type=0 line=200% align=center use=sp char="" num="0,black"]
اونست في جوفي سواة الجهادي=بيّن على الاضلاع ماهوب ملفوف
كن الدبا جوفي عيال الجرادي=كنّه على عوج الاضاليع وصفوف
باركب على اللي ربعّت فالحمادي=فيها ثلاثٍ سقتهن عصر مااشوف
اليا مشت بالهون كنّه ادادي=واليانهضت الها الرسن تقل خاطوف
اسبق من النادر ليالي الهدادي=اليا انطلق من راس رجمٍ على شوف
الشوف جول وفي قرارات وادي=وسميةٍ قفرٍ على راس قفقوف
حرّه يلوق الها الرسن والشدادي=ودويرعه والمسنده حشوها صوف
ايضاً ولايركب عليها الربادي=ليلة ثلاثٍ يم حايل من الجوف
ومع مثلها يم الديار البعادي= على (حراضه) نوّخت ختمت الشوف
مدهال قطعانٍ عليها العضادي=مرتاعها (سلوان) لاصار مصيوف
بالآد (داهم) مكرمين الحدادي=تجسر بهم عوج التوادي من الخوف
والآد(سامي)سم كبد المعادي=لاجا نهارٍ فيه دقلات ودفوف
والآد (الكريزي)يوم مد الأيادي=اهل مهارٍ فوقها شلف وسيوف
وسلام ياكلّ البقوم البوادي=عقب التغرّب جالكم عندنا نوف
اخص اميراً هو مضنة فوادي=(نهار ابن قطنان)بيّن ومعروف
لاجيت في بيته لقيت السنادي=وتلقى الصحن لااصبحت ماهوب ملفوف
نطل الشحم فوقه سوات الهوادي=يشبع بها الجيعان والجار مكلوف
**وسلامتكم**



[/poet]
تشمل القصيده بعض الأسماء والمفردات سأوضح منها بعضها:
حراضه:كانت بير في حضن ولاتزال موجوده الى الآن
سلوان :شعيب نبته ينفع البل شرقي حضن
نهار ابن قطنان شيخ قبيلة الدهمه وهو ولد الفارس المعروف قطنان ابن خشيبان اللذي يقول عنه بخيت العطاوي
الله لايسقسي جوانبك وادي***وادٍ حمى جالك محمد (وقطنان)

الله يطوّل بعمره

والنعم والله ياســعود وكفو

قصيده غاليه

بلغ الوالد والأخوان سلامنا الله لايفرقكم

ونعم والله



ياسعود الدهيمي


الله يطوّل بعمر الوالد











سلام

الله الله ياسعود اثر الشبل من الاسد اثر القصيد والجزاله والعلوم الطيبه من تحت راس العود
الله يطول لكم في عمره ولا يفرقكم كفو كفو ...
بلغه السلام وصح لسانه مليارررررر ولاهنت وانا اخوك ياسعود..
وتقبل خالص التقدير والاحترام..!!

صح السانك والسان الشايب

وجعل يبطي حي على طاعته

الاخ سعود الدهيمي

صح لسان ابو سعود وصح لسانك قصيدةٍ طيبه في طيبين والله ونعم بكم

لاهنت ياسعود والله يطول في عمر والدك ولا تخلينا من قصايده


تحياتي
شبيب

محمد بن هضيبان


سلامك وصل يابو سلطان

عسى عمرك طويل دايم تشرفني بمتابعتك

لاهنت

ونعم ياسعود بك وبالشايب وبالقبيله .........لاهنت على اتحافنا بقصيدة الوالد اطال الله في عمره ....ونتمنى منك المزيد يابو مشاري

تحياتي لك

يا سلالالالالالام


صح لسااانك ولسان الوالد


والله يطول بعمره


ولاهنت

هلا وغلا ياعبد الله بن محمد

الله يقبل منك ويعطيك العافيه

وصح بدنك.........