علي بن عبدالرحمن ( ابو ماجد )

السلام عليكم ,,


القصيده للشاعر علي يحث ابنه ماجد للعوده الى بيته واهله


[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
قالوا بكيت وقلت ضيق وحماقه "=" ابكي وانادي بالبكا من غدابي

ابكي شره وابكي محبه وفاقه "=" وابكي هلع وابكي ولع من اهبالي

ابكي وخودر من نظيري غلاقه "=" ماهو بودي بس طار طرى لي

ابكي وانا بالدمع مابي لياقه "=" مليت منديلي وثوبي وشالي

ابكي على حي صعيب فراقه "=" الاول التالي شريدة اعيالي

ماجد ترى امك ماخذيته عشاقه "=" اخذتها من شان تربة خوالي

ابيك تعرف بالوفا والطلاقه "=" تاقف اقبال امك وتاقف اقبالي

ماجد تراك ادعيت قلبي حراقه "=" وانا احسبنك بالوفا راس مالي

خدعتني وانا لحمتي ارقاقه "=" ليتك كبير انساك لو انت غالي

تركتني في هالظروف الدقاقه "=" ماكن الك في مهبط الوحي والي

ما يمكن ارضى انك تقص العلاقه "=" قدام يظهر في شعرك الموالي

اخشى على عقلك بسن الرهاقه "=" توك بسن ما ينفه حبالي

حاربتني من شان عشق السياقه "=" الله عسى حظك بها مثل مالي

خف من جليل الملك ياها الشفاقه "=" يكفين منك اني بمكه لحالي

ارسلت لك خط والاخر لحاقه "=" والثالث اللي جاك بالظرف خالي

ابيك تزعل كان عندك حذاقه "=" تكتب بدال الظرف خط اهلالي

خط يجيني منك كبر البطاقه "=" يسوى جميع اللي معي من حلالي

ماجاك مني شي يضر الصداقه "=" اسألك عن حالك وبلغك حالي

هذا وانا يا بوك ماني بعاقه "=" الحمد للمولى طوال احبالي

لا شك ماودي تتم انفهاقه "=" ما ظن تلقى والد لك بدالي

درع حصين موثقات حلاقه "=" ياقف بصفك عند طامن وعالي

ان طعت شوري خل عندك لباقه "=" لامك تراها من بنات الرجالي

واعرف ترى حقه ابمتنك او ساقه "=" ولا ينطح الثقلات كود الجمالي

اكتب ردود الخط وابرق براقه "=" ترى الورق والحبر ماهو بغالي
[/poet]



تحياتي لكم

بو عرب

لاهنت يا سعود




وصح لسان راعيها