والله ما طيحنا في يدك الا ذا

كان هناك امراة من الاسلم من شمر وليس لها اخوان وقد حجرها ولد عمها وهي لا ترغب به ,, فسمعت الرياجيل يتكلمون في انهم يريدون الغزو على مطير [gl] ( وكان ذلك الوقت وقت غزو ووقت جهل القوي ياخذ الضعيف ويوم الغلبه لذولا ويوم لذولا وهكذا,وذلك لقلة المعيشه وقلة الكسب اما الان ولله الحمد وقت رخاء ووقت عدل )),, [/gl] فسالت من اقرب مطير من ديار شمر فقالوا لها : اقرب مطير لديارنا هو ابن معلث،

وكان المعاليث ذاك الوقت في اطراف القصيم ـ في شمال القصيم عند الطعمية وحواليها ـ فاستقبلت القبلة وشقت جيبها ودعت الله سبحانه وقالت الا يالله ياربي حيثهم ظلموني وظاموني واوقفوا نصيبي ضعفةٍ مني وقوةٍ منهم انك تحطهم في يد ابن معلث
ثم ان شمر شالوها على مطير وحط الله في نحرهم ابن معلث اقرب مطير منهم فلما جاءوهم واذا الاخوان لافي وعيد موجودان فقال لافي : عند ابن معلث ياعيال
فقالوا : وش انت يا ابن معلث ؟؟
فقال لافي :انت يا راعي الصفراء تبيها براسك والا بغربة الشداد؟ وهو يرمي غربة الشداد و الا هي حطب,, وعيد يرمي غزالة شداد الثاني والا هو مطيرها فقالوا عند ذلك : عندك يابن معلث 0 وامتنعوا له0

عند ذلك قال واحد منهم ــ يابن معلث والله ما طيحنا في يدك الا هذا المقرود ودعوة بنت عمه عليه،، يقصد ابن عم البنت وهو راعي الصفراء وهو من اشجعهم ،،
فقال لافي : وليه تدعي عليه بنت عمه ؟ فقال له القصة ..

فلما سمع لافي القصة وانها تتمناه ان يفكها قال له : اطلع اطلع لحالك , فطلع الحجيّر لحاله وقال له لافي : والله ان ما فكيت حجارتها هالحين انك لتموت ,

فلما رأى الجد منه قال : اشهدوا يا شمر اني فكيت حجارتها
فقال له لافي : سمّع الله ـ وهذه صيغة عندهم سابقا المقصود منها تغليظ الحلف ـ فقال الشمري :اسمع يالله 0

فعند ذلك اخذوهم الى البيوت وعطوهم اكل وزملوهم اردى جيشهم وعبروهم حدود مطير0 على حسب عادات البدو هاكالحين
ولما رجعوا الى شمر واخبروهم قال اخوه: يا هو ملاليّ ،، وشنهو ابن معلث واحد من مطير يتحكم فينا ، انا محجرها عقب اخوي0

وتمر الايام و يشيلونها شمر على مطير ومعهم الحجير الثاني واقرب مطير منهم ابن معلث ، ويجيب الله الاخوان الاثنين موجودين لافي وعيد،، ويقسم الله ويغـلـّبون عليهم المعاليث ويمنعونهم ،
لاوالله هاك الشمري ممن كان مع الغزو الاول اللي طرحوهم العام ، فقال : يابن معلث انت اخذتنا اول وتالي مير هذا تراه السبب بعد اخوه الاول ،،

ويسال ابن معلث الحاضرين من شمر فقالوا أي بالله صحيح هذا حجّرها بعد اخوه،، وهو يسوي فيه سواته باخوه ويطلعه شنق ويحلفه انه يطلق أوسار هالمسكينة0

ويوم رجعوا وعلموها قالت : تراي مرة ابن معلث كان يبيني ،، فقال لافي : حنا كافيتنا بنات مطير مير اليوم يوم الله أطلق وسارها خلوها تتخير من بني عمها اللي تبي 0


منقول,,,,,,,

المري مساك الله بالخير ياوجه الخير


دائما وانت تأتي بالجزلات ياباالجزلات


الله يعطيك العافيه

لاااهنت

جزله بجزااالتك فديتك

لاهنت

ابن هضيبان وناصر الهاجري


تسلمون جميعا والله لايهينكم