مبارك بن شحيمان

السلام عليكم


هذه احدى روائع الشاعر مبارك بن شحيمان .....وقصيده مميّزه بالوصف وحبكة شاعرها لكل بيت وتعد من افضل قصايد الوصف بـ ( الجمس )


[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
قال اللذي بالشعر بيطار وسياسي = لاقال قولٍ جميع الناس يمضونه

شرّاي اربع سلندر صابه افلاسي = تقزر سنينه وهو مايوفي اديونه

ياراعي الجمس خذت الفوز بالكاسي = لله درّ اللذي بالدين يشرونه

لاروّح الليل بردٍ والهوى قاسي = فاركب على الجمس خلّه يلعب افنونه

ياسايقه شيّكه من غير وسواسي = ودورية الطرق ماوالله يجيبونه

انا مجرّب وانا بالعلم حساسي = ولا قيل لي كلمةٍ بالجمس مضمونه

والجمس لامن ركبته طار عوماسي = لو طال ممشاه مايتعب دركسونه

مضبوط في هيكله والقير والشاسي = وكنها تروسه مع التعشيق مدهونه

خبّ الصلف بالحموله يفرس افراسي = ولاداس ربع السليتر جاب طبلونه

ردوّ سلامي وانا باكشف لكم راسي = وشكري على مصنعه واللي يجيبونه



[/poet]

الله الله يابو محمد


اختيار موفق


ومبارك بن شحيمان شاعر كبير وغني عن التعريف

صح لسانه وتسلم يمينك يافالح

تقبل تحياتي

الله الله يابومحمد

صحيح لاقالوا من طول الغيبات جاب الغنايم وانت جبت قصيد ابن شحيمان

الشاعر المعروف والغني عن التعريف....

صح الله السانه وسلمت اناملك ويمناك مليووووووووووون مره......

لاهنت لاهنت لاهنت لاهنت

اررررحب


يبو محمحد


سبقتني عليهااااااا




لاهنت

بيض الله وجهك


وصح لسان ابن شحيماااااان


شاعر ومعررررروف

ارحب يابو محمد

تسلم يد الناقل وصح الله لساااان القااايل
وابن شحيمان شاعر بني هاجر


ولاهنت وبيض الله وجهك


اخوووووووووك فهد بن صلبوخ