محمـد بـن خربـوش العضيانـي[poet font="Simplified Arabic,14,crimson,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يازين سج القدم والارض ممطـوره = مع درب نوقٍ يهيض القلب ممشاها
ترعى من الريم والحيران مقهـوره = عقب السحايب عليها نثـرت ماها
أخير ياصاحبي من لعبـت الكوره= واخير من كلمةٍ في الكتـب تقراها
عيني بشوف البدو ياخوك مسروره = في فيضةٍ للدبش يازيـن مرعاهـا
لامن شيخ البدو كوع علـى كـوره = والقهوجي دلتـه بالنـار يصلاهـا
اهب وقتٍ مضى يامزيـن عصوره =تلقى العشا والشبب والناس تلقاهـا
واللي سمع كلمتي واهتزت شعوره=اكيد يفهم ويـدرك ويـش معناهـا
يابنـدر النـاس منهيـه ومامـوره = والموت ياصاحبـي تـراه يقفاهـا
اشفق على الطيب من الناس وازوره = لو ان رجلي من اجله تطول خطاها
والنفس ماهي على القشران مجبوره=نفس عزيزه وبعض الناس مابغاهـا
نفسي تبي ربهة بالطيـب مذكـوره = اللي تعـز الخـوي وتذلـل عداهـا
ويابندر المعذره فالخـط وقصوره=ياذخر ناسٍ تزين كـا مـن جاهـا
محمـد بـن خربـوش العضيانـي
[/poet]
تعليق