مجهوله...4

[poet font="Simplified Arabic,14,white,normal,normal" bkcolor="orangered" bkimage="" border="groove,2,gray" type=0 line=200% align=center use=sp char="" num="0,black"]
البارحه ساهر ٍ والدمع يجري=و القلب حزن ٍ على فرقا حبيبه

كريم يا بارق ٍ ينوض حدري=و اللي سرى بالغداري يقتدي به

والى ضرب وادي ٍخلاه يجري=عسى طروش البوادي ترتوي به

متخفي ٍلابس ٍله بشت بــــدري=حسبي على البشت واللي غرني به

يا مدمج الساق حالي منك مبري=بري النجاجير عيدان صليبه

ابو قرون ٍتغذى بالشمطـــــــــري=مثل السفايف على كور النجيبه

ابو عيون ٍالى دلت تخــــــــــزري=ترمي بالاسباب ويل اللي تصيبه

ابو خديد ٍ يشادي نجم فجــــــــــــري=ولا ّ القمرلا أنتحى يبغي مغيبه

يا ليتني عالم ٍبالغيـــــــــب وادري=عن غض الانهاد من هو من نصيبه

من طاب لي طبت له والكل يدري=واللي يتغلى علينا وش نبـــــــي به

يامن يرد الحبيب وياخذ أجري=قفا بلا سبة ٍ ربي حسيبـــــــــه

ما قادر الله على المخلوق يــــجرى=والعبد لزماً ترى ياخذ نصيبه

وا قو ما صابني وا قو صبــــــري=لعل ما صابني منه يصيبه

يا اللة طلبناك مغني كل فقـــــــري=كل ٍعلى قد حاله تعتني به

[/poet]

هلا يابوفارس

وبيض الله وجهك على هالاختيار الرائع والمجهود اللي تبذله لاعدمتك


والقصيده هذي يابو فارس قصيده معروفه وهي للشاعر المرحوم/ سليمان بن شريم 000 من بني زيد

شكرا يابو فرس لاهتمامك ولك تحياتي