اشرب الفنجال واكب البياله

هو راشد بن حسن بن مانع بن رحيان الضاعني العجمي

الشاعرهو راشد بن حسن بن مانع بن رحيان الضاعني العجمي لملقب ( بالذيب ) كان يشتغل سوّاق في ارامكو وكانت انظمة ارامكو تمنع السائقين ان يشيلو الطرقيه اللي يوقفون السواقين ويطلبونهم توصيلهم على طريقهم .. والشاعر راشد الله يرحمه كان يخالف التعليمات وكل هذا حيا فيه ومرجله يوم من الايام أشرت له عجوز ومعها حمار قالت وصلني يا الأجودي قدام شوي قال ابشيلك بس الحمار .لا قالت له خلاص روح الله يستر عليك بيجي الذيب ويشيلني انشاْ الله تقصد راشد العجمي .. قال لها يا خاله انا راشد الذيب .. اركبي وابشري بالخير .. وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث رحمه الله .. وله في ذلك ابيات جميلة منها

لالقيــــت اللي على السكة لحاله
**********************يلتفت ويــــــقول وين الطيبيني
أوقف المـــــوتر حـــــيا وابغا الجماله
*********************يوم ولد الــــــلاش وجهه مايبيني
حالف مـــا آخذ على الرجلي رياله
*********************بالثلاث مـــــــــحرم إنها ماتجيني
اشرب الفنجال واكب البياله
*********************طيبٍ واحب سلم الطيبيني
والـــــولد لاطــــاب طيبه من خواله
*********************والخوال تسال عــــــقب الوالديني

الاخ ناصر الهاجري


لاهنت على هذا الاختيار الطيب والشاعر راشد العجمي رحمه الله معروف وقصيته هذي معروفه

واعتقد ان فيه خطأ مطبعي ( يوم ولد اللاش وجهه مايبيني ) والصحيح (مايليني )


شكرآ لك ياناصر ولا تخلينا من قصايد الشايب !!!



تحياتي وتقديري
..................... شبيب

استفسار بسيط

هل اسمه راشد الذيب أم ابن خر الذيب

حيث في القصيده بيت يقول

يبن خر الذيب عندي لك رساله * طيبٍ وتحب سلم الطيبيني

اخوي

وعزيزي

شبيب بن شاهر


لاهنت على المرور


وعلى التوضيح


............

لااااااااااهنت

بيض الله وجهك

[شفق]

يا مرحبا يا ناصر الهاجري


القصيده معروفه و صاحبها معروف و راع الجميل الله لا يضيع جميله.


و انا اشكرك على ايراد هذه الرائعه الموسومه.


لكن هناك خطأ في البيت الاخير.


والصحيح هو :


الولد وان طاب طيبه من خواله

********* و ان تردّا فِـــن خواله خايبيني

هذا و يبقى الصحيح عند من هو اعلم مني.

وشكراً لك


اخوك

شفق

من لديه جواب لسؤالي يجاوبني

للإفاده

اخوي الغيث



الشاعر اسمه راشد الذيب ولكن ملقب (بخر الذيب)



وتسلمون

اخوي

الغيث


الرد

جااااك

من نواف الله لايهينه


اسمه

ابن الذيب

وملقب ابن خر الذيب

لانه يومه كان صغير كان وجهه احمر

فسمته امه بخر الذيب

والله اعلم

ارتحت

مساااك الله بالخير ياناصر
دايم علومك طيبه لاعدمناااااك
والشاعر ابن الذيب معروف عند الجميع الله يرحمه
والقصيده هذي متداوله بين الناس وبعض ابياته يرددها الصغير والكبير
0
0
0
كان يوجد خطأ ياناصر في البيت الاخير واجتهد شفق الله يطول عمره ولكن لم يصل الى البيت اللي قاله المرحوم.
لان من يقرااا البيت بوضعه اللي مكتوب هناااا يفهم منه انه من كان خاله طيب بيكون طيب والعكس وهذا غير صحيح.
0
0
0
البيت يقول :
الولد وان طاب قالوا: مَن خواله
............................وبالخوال يسال قبل الوالديني

من المعروف عند العرب انهم يهتمون بالنسب الطيب ويتفاخرون بالخوال واذا برز واحد اول ما يسألون عن خواله.
ا
اشكر الجميع وكل الود لهم
وانت ياناصر بيض الله وجهك وانا متابع دايما لما تكتب

لك كل الود والمحبه

لاهنت ياماضي

والله ان جبته

لكن!!!!

حصل الحاصل

لاهنت على التوضيح

وبيض الله وجهك