من القايل

[movel]مــــــــــن الــــــقــــــايــــــــل[/movel]




اخواني المشرفين والاعضاء والزوار

تحيه طيبه وبعد

اردد هذا البيت من مده طويله ولاكني لااعرف صاحبه

وهل له تكمله ام لا

من يعرف الاجابه امل ان يوضح لي واكون شاكر ومقدر جهوده








[B] ( صاحبي باني(ن) بالضمايرحوش=مثل حوش الحكومه بحد الطاش )

ولكم تحياتي

بن منصور مرحبا والله مرحبا


البيت سامعه كثير من احد الأصدقاء والظاهر انه يعرف القصيده كلها ويعرف شاعرها


الليله بذن الله اجيب لك خبره


تامر امر يابو منصور

الاخ العزيز : بندر بن منصور

مساء الخير


البيت ضمن احدى ثلاث قصايد على نفس الطاروق وهن لثلاثة شعراء معروفين وهو بالاساس اصدقاء بدأ واحد منهم قصيده وجاروه على نفس الطاروق وهم :

محمد الخس

سعود بن ثويران

صحن بن قويعان

والبيت ضمن قصيدة : سعود بن ثويران رحمه الله0


والقصايدكلها جزلات ويوخذ من بيوت قصيده ويوضع بالاخرى ومنهن:

لانطحه الهوى ضامره منقوش = وان قفاه الهوى شايفه ماعاش

وقد جاراهم شاعرا رابع لايحضرنى اسمه بعد مده وقال بيت اشتهر من قصيدته والبيت:


عنقها عنق خشفن ترب اخفوش =وسط روضن تكتت عليه ادشاش

مع تحيات

فهد رفاعى

الاخ : بندر بن منصور

البيت انا متأكد 100%100 انه للشاعر :سعود بن ثويران المطيرى ، وانا اعرفه شخصيا الله يرحمه وأعرفه عياله معرفه قويه 0

واكبر دليل انها مجاراه بينه وبين الخس وبن قويعان 0

وانا سمعته من الشاعر الخس بأكثر من موقع ، ودائما يسألون الخس عن القصايد الثلاث لتداخل بعضهن مع بعض 0

ولا يجوز نسب اى قصيده لاى شاعر دون التأكد منها 0

لاهنت

لاهنت يابورفاعي

المعلومه وصلت لاعدمتك وبيض الله وجهك وماقصرت

تقبل تحياتي