سليمــــــان الســـــديـــري

السلام عليكم


الاخوه الاعضاء والزوار الكرام


هذه قصيده للمرحوم / سليمان التركي السديري ينصح بها ابنـــه فيصل .. واتمنى ان تنال اعجابكم :






[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
أشوف ديّاني وقف لي على الباب = يبي الوفا منيّ ويطلب حسابه

ماينسيّ دينٍ تقفّاه طلاب = الدين مايوفيه كثر الطلابه

يافيصل أودعّك توديع الاحباب = لاتحتريه انّه يجي من غيابه


غيبة دهر ماهي شهر عدّ وحساب = في مظلمٍ ينهال فوقي ترابه

ابيك ماتجزع وتفزع وترتاب = انّ جاك من ينعي ويشلع ثيابه

عمر البكا مافاد حيٍ ولاثاب = لوّ سرّ غيرك كان سرّ الندابه

اعزم وشم وأصعد من المجد مرقاب = واطلب لبوك انّه يخفف عذابه

وعليك بخوانك وربعك والاقراب = حقيّ عليك مواصلك للقرابه

ومن بينكم لاينقل الهرج سبّاب = ترى دمار الدار نقل السبابه

ومن الرجال الى تخيّرت الاصحاب = تخيّر اللي مايغيّر جوابه

مغلاق باب الشر حلال الانشاب = زبن الدخيل الى تنصىّ جنابه

وابعد عن الدوني ولوّ مرةٍ طاب = لزوم يظهر لك مرادٍ عيابه

وانصى الرجال الى تخيّرت الانساب = كل يعوّض به يكون النسابه

وانشد عن المزبي ترى العرق جذاّب = عرق الردى لابد يجذب جذابه

بلغتك الاعلام من غير نجّاب = والحر يعرف من خطاه وصوابه



[/poet]

رحم الله الشاعر سليمان السديري قصيده وافيه ومعبره


ابو محمد لاهنت اختيار طيب وهذي عوايدك


تقبل تحياتي
شبيب

ابو محمد الله لايهينك

على الاختيار الموفق

قصيده كلها فوائد

وانت جزل ماتجيب اللا الجزل

اخوك

محمد الدهيمي