تــركيّ بــن حميـــــد

السلام عليكم

هذه احدى نوادر القصيد للشاعر / تركي بن حميد ..وقصيده مشهوره ..واكثرنا مايعرفها كامله .. والأن بين ايديكم كامله وأتمنى انّ تنال اعجابكم :



[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
نومك طرب وأنا بنومي هواجيس = ماسهرّك بالليل كثر الهمومي

أسهر إلى نامت عيون الهداريس = وبالليل اراعي ساهرات النجومي

قالو جهلت وقلت جهلٍ بلا قيس = الجاهل اللي مايعرف اليمومي

اشوف عدلات الليالي مقابيس = ولاإحدٍ من الدنيا عظامه سلومي

تضحك وتخفي لك خفيّ الهناديس = تفطر لها يومٍ ويومٍ تصومي

اعمل وتلقا وافهم العلم بالقيس = دنياك لو زانت تراها نقومي

والعزّ فوق معسكرات السواديس = الى قصدتّ اللي بالاشيا رحومي

قبّ تنازي بالنشاما كراديس = والطير في روجاتهنه يحومي

الى توافق مشوّر السوّ وابليس = تبّر منه وعزّ ربيّ يدومي

بالليل اصالي حاميات المحاميس = والصبح الاوي كلّ قبّا قحومي

اربع سنين ودمع عيني أماريس = العين تسهر كنّ فيها هزومي

والى ركبت معالجات المضاريس = يبرد على قلبي لهيب السمومي

صوابنا بالميل غمقٍ الى قيس = وطريحنا في مثبره مايقومي

انّ جنّ بنا مثل النعام الاماريس = لي خفّ عجلٍ مع رقاق الحزومي

استلحق اللي يطلبون النواميس = الي من الاقصين وادنى اللحومي

لاخير في كثر الحكي والتماليس = هرجٍ بلا فعلٍ يجي به وهومي

لومي على اللي ينقلون العبابيس = واهل الفرنج وكلّ رامي لحومي

انّ جنّ بالميدان مثل الدواويس = وطار الغطا عن قانيات الرقومي

عرجٍ بأهلهن كنّهن القرانيس = على الطريح مصوبراتٍ كظومي

الى سمك عجّ الرمك بالملابيس = الرابح اللي حظّ ربعه يقومي

حتى يزين النا المثل والتوانيس = والكيف طاب لمن يفك القحومي

من لايدوس الرأي من قبل ماديس = عليه داسوه العيال القرومي

ومن لايقلط شذرة السيف والكيس = يبدي عليه من اليالي ثلومي

والقصر مايصلح على غير تأسيس = ومن لاتعلّم ماتسر العلومي

ومن لاخذا الدنيا بميزٍ وتقييس = مثل اللذي يصبح بليلٍ يعومي

كلّ القلم من كتبنا والقراطيس = وركابنا من كثر الأقران تومي

الشيخ من يعطي الفقارى الملابيس = يبدّل الساعه بعزٍ يقومي

والحرّ لي بدّت عليه النواميس = يشهر وعن دار المذلّه يشومي

والى اقترب من بعض الاشيا نسانيس = اعزم ولا بدّ الفرج بالعزومي

باب الفرج لبسك نظيف الملابيس = ينجيك بأيام الكرب والزحومي

أوجس بقلبي مثل دقّ النحاحيس = الله يلوم اللي لحالي يلومي

يجلي صدا قلبي ضبيح المهاريس = لي قام شرّاب القهاوي يعومي

ودلال فوق النار دايم مجاليس = اكرامهن حقٍ علينا لزومي

من صنعة الصبّه وخمس التخاميس = بريةٍ يعمل بها كلّ يومي

وبهارهن هيلٍ بليّا حواسيس = كيفٍ يعدىّ للنشاما القرومي

عدّه لحمّاي العياد المراويس = والاّ الحصان اللي بقينه يهومي

وصلاة ربيّ عدّ رمل الطعاميس = على شفيع الخلق يوم اللمومي


[/poet]

لاهنت يابو محمد



وافي ومجهودك طيب


والله يرحم الشاعر : تركي بن حميد

لاهنت يابو محمد

مجهود واضح

واختيار موفق

الأخ العزيز / فالح بن قشعم






بيض الله وجهك على ايراد هذه القصيدة التي فيها الكثير من العبر



وهي لا تمل حتى ولو كانت معروفة عند الكثير منا


بيض الله وجهك وصح لسانك




ورحم الله الشيخ المعروف والفارس المقدام / تركي ابن حميد













تقبل تحياتي













اخوك / محمد السميري

الاخوان الاعزاء ..نواف بن مركوز , مبارك الهاجري .محمد السهيمي

شاكرلكم هذا التواصل الجميل اللذي يسعدني للغايه ..فشكرا على هذا المرور ..واتمنى ان وفقت في هذا الاختيار

دمتو

لا هنت يابو محمد

مجهود تشكر عليه بحق

قصيده ليس لكل متذوق للشعر غنى عنها

فهي تجمع الحكمه و الشجاعه و امور كثيره .


الله يطول عمرك و يجزاك عنا كل خير .


تقبل تحياتي / فراج ابو لسان

الاخ العزيز: فالح بن قشعم


جهد رائع وتشكر علية وكثر الله من امثالك


وفعلا احسنت بالاختيار

الاخوان الاعزاء ... فراج بولسان وجمعان العازمي

اشكركم على هذا الحضور المميز واتمنى ان ماطرحته ان ينال على اعجابكم


تحياتي لكم

لاهنت

اخوي فالح

لاهنت يالقرم

مجهودك بيّن يالغالي

فعلا انا كنت اتمنى ان اقراء هذه القصيده كامله

وانت سديت الزوم

بيض الله وجهك ورحم الله تركي ابن حميد

لك تحياتي

حاضرين يابو منصور انت تامر امر

للرفع ..والاستفاده

فالح بن قشعم

وفقت في الإختيااار والله ...

الله يرحم ابن حميد وكل موتى المسلمين ...شعر وحكمة وفروسية وكل شي...

لاهنت..

اللهم صلي وسلم عليه

/

والله يرحم تركي ويرحم موتاي وموتى المسلمين اجمعين

قمه فالتصوير والجزاله وقافيه مميزه

/

لاهنت يافالح اختيار مميز