إبن حثلان السبيعي مفتخراً بقبيلته

السلام عليكم ورحمة الله وبركاته :


قصيدة فالح بن حثلان السبيعي, وقد ذكر فيها خصال عده من مفاخر قبيلة ( سبيع ) القبيله المعروفه , وأستشهد في وقائع ثابته وموثوقه , ليست باالغريبة على هذه القبيلة العريقة اللتي إضافه إلى ماذكر (إبن حثلان) فقد أنجبت الكثيرين من الفرسان الأفذاذ وذوي الشجاعة والكرم0

ومن الأحداث مصدر فخر الشاعر بقبيلته مايلي :

*البيت الثالث :
عرف عن ( فهيد الصيفي السبيعي ) أنه لايشن غارة على مستقي الماء وجالب الطعام ( المديد ) ففي رأيه أن مامعهم إنقاذ وقوت الآخرين فلايتعرض له وقد حدث أن غلتقى ركب من سبيع بأعداء لهم فلجأ الأخيرون الى قبر فهيد الصيفي إحتماء به فعفا السبعان عنهم تقديراً للصيفي0

*البيت السادس :
يقصد الحايف المشهور ( راشد العدوله ) فقد أخذت إبل عمه وجاء يسترفد أخاه فقال : سأعطيك نصف إبلي00قال :لااريد ابلك اريد ابنك راشد لمدة سنة , فسمي ( العدوله ) لهذا السبب0

*البيت التاسع :
ان سبيعياً ومطيرياً ترافقا يسقيان لجماعتهم من دحل معروف , كثيراً مايتوه فيه عدد من الناس , فلما تأخر المطيري ظن السبيعي أنه تاه فذبح ذلوله وأبقى على ذلول صاحبه وقد من جلدها حبالاً طويله فربط طرفها عند مذبح الناقه واستمر يمشي به لكي يستدل وجعل شحم الناقه يضئ واستمر يسير في الدحل حتى وجد رفيقه بعد مده وأخرجه0

*البيت الثاني عشر :
يذكر ان سلطان بن حباب السبيعي اصابه ضمأ مع جماعته , لدرجة أن بعضهم يربط بعضا على الجيش , أما سلطان ورغم ماأصابه من عطش فقد حمل صاحباً له على كتفه وسار به مسافة حتى لقيهم المدد لإنقاذهم باالماء فوجدوا صديقه قد مات0

*البيت الثالث عشر :
ذكر علي بن مروان السبيعي كان رفيقاً لرجل من قبيلة الظفير ولم تتعد مدة الرفقه الضحى من النهار وكانت ( الملحة ) بينهما جربوعاً صغيراً شواه علي وأعطى الظفيري بعضاً منه على سبيل الممالحه0
بعد أن تفارقا حدث أن جماعه من سبيع اعترضوا طريق الظفيري فأخذو إبله فقام علي من أجل ( الملحه ) وأسترد مااخذ من رفيقه0

*البيت الأخير :
اشار الى ان المرأه من قبيلة سبيع اذا تزوجت من قبيلة أخرى وأنجبت ولو طفلاً رضيعاً فإنها ترد مااخذ قومها من ماشية قبيلة زوجها0

وفي القصيدة ايضاً أشار الشاعر الى مفاخر اخرى00

وهذه قصيدة (( فالح بن حثلان السبيعي ))

[poet font="Simplified Arabic,14,darkred,normal,normal" bkcolor="" bkimage="" border="none,0,gray" type=1 line=200% align=center use=sp char="" num="0,black"]
لاعدت فعول القبايل والافخار=لنا من الناموس مثنى ومربوع
فعولٍ عسيراتٍ على كل مختار=اعلوم للعليا بشيمات وطبوع
قومٍ لجوا بفهيد عفناهم جهار=شيمة عرب ورجال والكذب مرفوع
غدوا على قبره كما وصف خطار=قلنا ترى ماعند هاالقبر ممنوع
بني عمر باالله لهم حظ واذكار=شرٍ على اللي يلبس الجوخ ودروع
ورشدان منا طيب الراس وخيار=لايابعد منهو هذورٍ وبالوع
عبدٍ لعمه لين حول السنه دار=مانكله طرد المعاشير وفزوع
كم مشعلٍ في ساقته جاله انوار=يفجا لغرتهم اذا جاهم هجوع
ومنا السميحي حط له قيل وأذكار=جايب خويه من خطر مظلم القوع
ذبح ذلوله خايفٍ يلحقه عار=وجلده سريح وحط شحْمه له شموع
ومنا الصبي ذباح لأخوه باالغار=من دون وجهه عقب اللوم مجدوع
وسلطان جارالله متونه من النار=شايل خويه لين سرَب على الكوع
ومنا علي مدي من الهجن مشكار=في ملحةٍ ماهي تهجي عن الجوع
حنا هل الملحه وحنا هل الكار=من مثلنا يدي بها رجل جربوع؟؟
وفنجال بنٍ شاربه واحدٍ ثار=فنجال بأسبابه حصل ذبح وفزوع
وشربه من الما00ادىبها حيل وبكار=مثال ربع يابعد كل منزوع
حطوا بها ملحٍ ولامثلها صار=واعي من كل المشاوير ممنوع
بني عمرويدون بكبار وصغار=ووجيههم ماتعطي البطن منفوع
قصيرهم لو وخذ معهم وهو جار=يعطي أعراف الجار ماهوب ممنوع
أيضاً وحرمتهم لها سلم قد صار=تعني من الأجناب سلفان ونجوع

[/poet]



وسلامتكم جميعاً00
وأعتذر أن كان هناك أي خطأ في سردي للأحداث والقصيده 0




تقبلوا تحياتي
وتقديري0

0000000000أخوكم / فيصل بن طواله

فيصل بن طواله

بيّض الله وجهك يا بو بدر وهذي شيمة الشيوخ والفرسان في ذكر الطيب والوفاء حتى لو للغير

وانت من اهل العلم الوالم والصيت الغانم .. ولا هنت يا بن طواله

وسبيع قبيله عربيه معروفه وتاريخها مشهود ومفاخر على روس الاشهاد ويستاهلون


تقبل تحياتي

والنعم والله بسبيع





ابيض وجه يابن طواله ..


مايذكر علوم الرجال إلا روس الرجال وانت شيخ ولد شيخ يافيصل



تقبل تحياتي /



فهد الوايلي

لاهنت يابن طواله

وسبيع كفو ويستاهلون والقول على الفعل زين


عساك سالم

فيصل بن طواله


بيض الله وجهك بيض الله وجهك من اليوم الى يوم الدين


والله انك شيخٍ ولد شيخ وبعيد نظر


وهذي عادت الرجال الاوفياء يعدون اللي لهم واللي لغيرهم من االعلوم الطيبه


ولاهيب غريبه عليك يابوبدر لاهنت طال عمرك



تقبل تحياتي وتقديري

شبيب

الاخ العزيز / فيصل بن طواله


بيّض الله وجهك على هذا المجهود القيّم ..ونحن شاكرين لك على ماقدمته لنا ..وسبيع يستاهلون

لاخلا ولاعدم يابو بدر


تحياتي لك

الاخ العزيز فيصل بن طواله





بيض الله وجهك علي الجهود الطيبه الجباره





ولاهي غريبه منك انت سباق علي العلوم الطيبه




الله لايهينك علي ذالاختيار وعلي التحليل الطيب




تسلم يمينك ياخال والله يرحم شاعرها ويسكنه الجنه واموات المسلمين



سجل اعجابي وتقديري يالسنافي

الأخ الشاعر / فيصل بن طواله

لك من قبيلة سبيع كافه الشكر و الأحترام

و هذا أن دل على شي فانما يدل على حسن ذاتك

و ثقتك بنفسك و أقولك و أقول لكل من ردّ على مشاركتك

ما عليكم زود .


ابو بدر تقبل تحيات أخوك / فراج ابو لسان

الاخ الشاعر فيصل بن طواله

لاهنت على كتابة هذه القصيدة الرائعه للشاعر ابن حثلان في قبيلة سبيع

ولاشك ان حبك لمثل هذه القصائد التي تمجد افعال وتاريخ قبيلة سبيع يدل على طيب اصلك ورجولتك الفذه التي لايدخلها شك في مدح الغير

عندما يعجب فيصل بن طواله في قصيدة مدح في سبيع ..فانه يثبت بان الطيب يفرح في مدح الطيبين

وانت من اعمدة قبيلة لها مكانتها الكبيره بين قبائل العرب وتاريخ لايختلف علية اثنان

ومن اسم له تاريخ في البطولات والزعامه

لك جزيل الشكر يابو بدر

تقبل تحياتي وتقديري

الاخ العزيز/فيصل

اسعد الله صباحك
عمله نادره هذا هو انت

فعلا تستحق التقدير والاحترام[poet font="Tahoma,14,blue,normal,normal" bkcolor="burlywood" bkimage="http://nadawi.net/vb/images2/6.gif" border="none,2,deeppink" type=1 line=200% align=center use=ex char="=" num="0,black"]
يضيق في هذا الزمن يابن عياش= من كان حظه طير والصيد همه
ويعيش فيه الميت ويموت من عاش= وقت به الاقدام صارت اعمه
والشيخ لامن صار شيخ على ماش= اتفل بوجهه قبل ما تلعن امه

اعطر اصفحه بكلماتك
[/poet]