" استفسار "

السلام عليكم
الاخوان محمد بن هضيبان . فالح بن قشعم
صبحكم الله بكل خير
شكرا لكم على جهودكم وختياراتكم
من قصايد نادره
ونالي طلب وليس امر لوسمحتوا

قصيده.. لبركات الشريف اللي منها هذا البيت...

نحيناك بوروك المطايا ويممت
بنا صوب فرغٍٍٍ صارخاتٍٍٍ ثعالبه
بيومٍ من الجوزا ويستاقد الحصا
ويلوذ في عضد المطايا جخادبه
_________________________

هلا هلا العرود عندنا هنا يامرحبا والله


بالنسبه للأبات هي من قصيده للشريف بركات طال المدا للبحث عنها بالنسبه لي ولك ايضا يابو متعب

والحمد لله تم العثور عليها وكنت احفظ منها هذي الابيات
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
عفا الله عن عينٍٍ للأعضا محاربه=وجسمٍ نديفٍ زايد الهم شاغبه
أسهر إليا نام المعافا ومدمعي=قدهل مابين النظيرين ساكبه
دع العذل عني يانصيحي وخلني=فشرواك مايرضا هوانٍٍ لصاحبه
شهرت عن الزهدا وهي لي قضيّه=ولا يمنع المخلوق ماالله كاتبه
في كل دارٍٍ للرجال معيشه= والأرزاق كافلها جزالٍ وهايبه
والله لو قلت اخطبو لي فأنني=صبيّ الشقا مالان للضد جانبه
ولاني غويٍٍّ بك ولابي سفاهه=عزيزٍ ولانفسي لدنياك طالبه
اخترت بعد الدار في نازح المدا=ولا قولة (براكات ) قد هان جانبه
وقلت لما اشرفت ذات عشيّه=على مرقبٍ عدا الذرا من مراقبه
فيا مبلغٍ مني ذو المجد والثنا=ومن شب شارات المعالي مكاسبه
مبارك زبن الجانيات ابن مطلب=ذرا الجار والعانين عن كل نايبه
ثم ابلغه مني سلامٍ مضاعف=عدد ماهمل وبل السما من سحايبه
وقل ياحما دن السبايا عن القنا=إليا احمر من عود البلنزا ذوايبه
ويامورد الأسياف بيضٍ حدودها= ومصدارها حمراََ من الدم شاربه
ويازين راعي عوّدةٍ قصرت به=معقّبةٍ في تالي الخيل تاعبه
إليا قل ماء المرزمات واجدبت= وقل الحيا ووقات الأمحال كاهبه
بنيت لنا بيتٍ من العز شامخ=ســل اللــه أن لايهدم الضد جانبه
[/poet]
ألى ان وصل عند الأبات المطلوبه منك والقصيده طويله يابو متعب وانت تدري بالذاكره ماهي مثل قبل
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
فإليا نبحت من قريبٍ كلابهم=ودبت من البغضا علينا عقاربه
نحيناك بوّروك المطايا ويممت=بنا صوب فرغٍٍ صارخاتٍ ثعالبه
بيومٍ من الجوزا ومستوقد الحصا=تلوذ بأعضاد المطايا جخادبه
موت الفتا في كل دوٍٍّ سملـّق=خليٍٍّ من الأوناس قفرا جوانبه
في دوّةٍٍ يتيه بها الدليل مخافه=وشجر المفالي طامساتٍ مراقبه
على الرجل اشوى من مقامه بديرة=يعيش بها الغبن فيها مطالبه
فمن قلط الهندي ومن وخر العصا= جلا الهم وصبح نازحٍ عن قرايبه
فقلته على بيتٍ قديمٍ سمعته= وهو مثلما قال التميمي لصاحبه
أذا الخل اورالك صدودٍ فواره=صدودٍ ولوّ كانت جزالٍ وهايبه
وصلوا على خير البرايا محمد= نبيّ الهدا وازكا قريش مناسبه

[/poet]
ابو متعب هذا ماطلبت وسامحني على القصور والله ما ني حافظ بعظها ولا ودي اغلط في ابياتها ويلحقني نقد من غيري
تقبل سلامي ياعصابة راسي

مساك الله بالخير يابو سلطان
مشكور الله لايهينك
وماقصرت.. ومثل ماقالوا سمنها سد عن سمينها
لك تحياتي