لو وصلت الدكاتر ما تطببني

هذه مساجله شعريّه بيني و بين الشاعر القدير / مفرج أبن مفرح المشعبي السبيعي .



أتمنى أن تنال على أعجابكم و أستحسانكم .





[poet font="Arabic Transparent,14,black,bold ,normal" bkcolor="burlywood" bkimage="" border="solid,9,white" type=0 line=200% align=center use=sp char="" num="0,black"]
يا مفرج زمان الفين و ثنيني=أحسبنه يشببني و شيبني

زادني مع ثلاثيني ثمانيني=لو وصلت الدكاتر ما تطببني

لو نقول الأحد يقفاه الأثنيني=فيه ناس(ن) يا بو تركي تكذبني

و انت نوب(ن) تجاملني و ترضيني=و بعض الأحيان تزعلني و تغضبني

من يفسر عباره بين قوسيني=كان تلقا لها تحليل جاوبني



فراج ابو لسان



الزمان أختلافه له براهيني=مثل ما تعبك يا فراج متعبني

بأ ختلاف الأوادم و القوانيني=أحد يهدم يا بو بندر و احد يبني

و أعلم أني معك فالعسر و الليني=علم(ن) أن ما وفا عيب(ن) يعيبني

مير وضح كلامك يا حمر العيني=أنت تشكي علي و الا تعاتبني

كن ودك مع المخطي تخطيني=أو على زلته ناو(ن) تحاسبني


مفرج المشعبي



الخطا ما له بدربك نياشيني=مانت زر(ن) على الحلقوم قاضبني

يا مفرج وين النيّه توديني=قلت ابى الشرق و اشوفك تغربني

ما يكفر سواتي طالب الديني=عند ناس(ن) على حقي تطالبني

و انت منك الشهاده بس تكفيني=حجة(ن) للشّكوك اللي تناوبني

دام شاعر و عمده للفرقيني=مثل شرواك ما ظنه يخيبني


فراج ابو لسان


هرجة الصدق ترجح بالموازيني=وانا صاحبك الأول ويش تحسبني

لي وجهة نظر ماهيب وجهيني=و انت ودك تبعدني و تقربني

المواضيع فيها لا تغويني=حتى لو فالمناصب ما تنصبني

و اخذ مني كلام(ن) ما يبي ديني=انت في كل موقف طيب معجبني

قوة الجدر مبني(ن) من الطيني=ما تجي قوة المبني من اللبني



مفرج المشعبي




[/poet]

صح لسانك يافراج وصح لسان مفرج..



مساجله جميله ومن شاعرين رائعين..






اخوك,

الشاعر القدير فراج ابو لسان

شاعر وله معجبينه وأنا أولهم وجميع ماتقول هو الأصاله والمعنى الصحيح

وقصيدك ورديّاتك جميعها جزله ونسمع بذكرك يابو لسان على الكرم والطيب


لاعدمتك يالسنافي


وصح السانك ولسان مفرح السبيعي

فراج السبيعي


شاعر غنيّ عن التعريف ....يسوى بدايد من الشعراء ...وشاعر نادر

سمعت له عدّة قصايد في شريط صوتي ورديات ...تندر مع شعراء اليوم

أتشرف أن اكون أحد تلاميذ هذا الشاعر الكبير

صح الله السانك والسان مفرج السبيعي ولاهنتو


تقبلو تحياتي


فالح بن قشعم الهاجري

الشاعر المتميز فراج ابولسان


صح لسانك يابو بندر وصح لسان ابوتركي على هذه المساجلات اللتي تجد من خلالها روح القصيده



وروح الجزاله والابداع فأنتما شاعران متمكنان من كتابة القصيده بشكلها الصحيح



فشكرآ لك على امتاعنا بهاتين الشامختين،،،،،،


سلمت يمناك وطال عمرك ،،،،،،،،،،،،،،،


تقبل تحياتي

شبيب

صح السانك والسان المشعبي , وبيض الله وجهك اخوي فراج


تقبل تحياتي


اخوك راشد النصافي

صح السانك والسان مفرج


ياسلامي عليكم



وشلون ماترضينا


وهي منك ومن مفرج

سعيد الحمالي

صح لسانك يابو ناصر و لا عليك زود

مرورك على قصائدي و قصائد المشعبي يسعدنا و لا هنت على المردود الطيّب يا طيّب .

تقبل تحياتي