لغز...لغز...

السلام عليكم ورحمة الله وبركاته


هذا لغز توني قايله واحب ان اطرحه لكم،،،،،[poet font="Simplified Arabic,14,black,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
انشدك عن رجلٍ يحفظ المواثيق"="سره عميق ولا يخلي لزومه
وان ماتت امه دوروه المخاليق"="وليا لقوه يجيب خافي علومه

وسلامتكم
[/poet]

هلا ياشبيب
ابا ارمعه ان صاب 00 والا ماخسرنا شي

وليت الاخووان يشاركون برمعاتهم 00 بس ما يمديهم <--- شكله حله


شبيب ساق اللغز عبر الطواريق

-----------------وبعد القرايه جيت يمه واسومه



صندوقٍ اسوود بس ماله معاليق

----------------- لوونه ترى ا اسوود لو تخالف رسوومه

؟

؟

؟

؟

؟

؟

وش الجايزه يابو شاهر؟؟؟؟؟؟


<=== بيوورط شبيب بجايزه

صح لسانك يا بو شاهر

لغز ممتاز لكن الظاهر فاز بها عكاشه



[poet font="Arabic Transparent,14,black,bold ,normal" bkcolor="white" bkimage="" border="groove,9,gray" type=0 line=200% align=center use=sp char="" num="0,black"]
دايم عكاشه فايز(ن) يالمطاليق=حقيقة(ن) وقت الرسول معلومه

لو هو صبر مقدار نظره و تبريق=كان البعير اظهّره من وسومه


تقبل تحياتي يا شبيب و مبروك يا عكاشه

فراج ابو لسان
[/poet]

فرااج ابوو لسان


اررحب 000 اعتقد شبيب ماعاد هوب جاي 000 الدعوى فيها جايزه

والظاهر بيجحدنا000 بس مافيه فكه ياشبيب 000 وانت يافراج انتبه

اذا جاء شبيب وانا مانيب فيه 00 خذ الجايزه تراني موكلك رسميا باستلامها
وتستاهلها 000 عجل ياشبيب بالجايزه 000 اعتقد ما ابطا بالسيل الا جوووده ياعنك انها جايزه طيبه
يافراج00 بس تدري ؟ لا عاد تستلمها 00 انا اللي ابا استلمها

<=== طمع بالجايزه

الاخ العزيز عكاشه


مرحبا بك طال عمرك وبيض الله وجهك على حل اللغز،،وبعدين انا قايل لغز لغز ماقلت لغز وجايزه

لكن مادامك حليته ابشر باللي تبي انت تأمر امر بس ترى ماني بطارح اي لغزاذا بتطالبوني بجايزه[poet font="Simplified Arabic,14,black,normal,normal" bkcolor="" bkimage="" border="ridge,2,gray" type=2 line=200% align=center use=sp char="" num="0,black"]
يامرحبا باللي يحل المغاليق=عكاشه اللي كل طيب يرومه
موفقٍ والله يزيده توافيق=هدّف على حله وصابت سهومه

وتقبل تحياتي

شبيب
[/poet]

الغالي فراج ابو لسان


هلا والله ببوبندر ماقصرت انت وعكاشه لكن مثل ماقلت فاز بها عكاشه وتراي ان عطيته جايزه

ابعلمك على شان تطالبه بالنصيفه،،،،،،[poet font="Simplified Arabic,14,black,normal,normal" bkcolor="" bkimage="" border="ridge,2,gray" type=2 line=200% align=center use=sp char="" num="0,black"]
حي الله اللي مايجيب اللماصيق=اللي سلومي نسخةٍ من سلومه
فراج لامن صار للشعر تدقيق=شعره مثل ضوح القمر مع نجومه

وتقبل تحياتي

شبيب
[/poet]

هلا والله ياشبيب

تصدق اني تحسفت اني حليت اللغز تدري ليش ؟ اخاف تورطني مع فراج 00 طرى في بالي فكره شيطونيه 00 وابا اقولها لا تسبقني عليها 00 انا بعد ماقريت كلامك يوم تقول اذا عطيت سيف جائزه ابا اعلمك يافراج علشان تاخذ النصيفه 000 قلت انا والله هذي البلشه لايكون يوهقني شبيب ويقوول لفراج اني عطيته وهو ماعطاني 00 وعاد ابلش مع فراج كل شوي هات قسمي من الجايزه ههههه


تسلم ياشبيب والجايزه هي البيتين اللي جت منك00 وفراج اخذ قسمه بعد 00 لكن ترى لي لغز اما بالصفحه الثانيه او ثالثه 00 ان قدرته ياشبيب لاتذخر شي

لكم تحياتي

عكاشه (سيف)



هلابك ياسيف وزانت علومك الله يحييك وترى لغزك لقيته محلول وفكني الله منه يمكن احله غلط


ويصير تعب بلا ثابه ،،،،،،،، تسلم طال عمرك




تقبل تحياتي

شبيب

هلا ياشبيب 00

لا فيه واحد ما حلووه 00 بس لحظه ارفعه 000 انت مريت اللغز الثاني يمكن