اللقافة شيييييييييييينة ..أحياناً

كنت في الكويت في هلا فبراير ( على فكرة الكويت أجمل بلد خليجي ) وبصراحة ماني راعي شيشة وعسل لكن معي صديق الله يذكره بالخير يحب المعسل والود وده يحط الأرجيلة بمرتبة ورا .. المهم الرجال قال لي خلنا نروح لمنتزة بالسالمية (نسيت اسمه والله)بس هو في نهاية شارع.. زاوية يعني ..وفيه شجر واجد..
رحنا وطلب لي معسل تفاحتين وبدينا نسولف ونعسل وشاهي وما ناقصنا الا كراث....
رن جوالي ..رديت عليه والا واحد من السعودية يسألني بمقابلة الشاعر بن حمري والأمسية ..وأنا أخذت راحتي مرة أقول اللي مع الشاعر علي ما عندك أحد ومره أقول شعرهم (مثل أمس هالحزة ) و كلمة مني على كلمة مني طبيت بالشاعر بدر السهلي ...
عقب ما حاسب خويي ( طبعاً يحاسب ظيف عليه ) رحنا نركب السيارة ولقينا الشاعر بدر السهلي كان جالس جنبنا وسمع كل كلامي ......... ( واخزياه )
عندها عرفت بس ان اللقافة شينه وبلاش الواحد يسوي نفسه فاهم وناقد ...
العذر
والسموحة
يا شاعرنا
بدر
السهلي

الاخ توفيق الخليفة

الاعتراف بالحق فضيلة

يبقي الاخ بدر السهلي من اروع الشعراء ومن انقي الرجال الذين عرفتهم وهذه ليست مجاملة للاخ بدر السهلي بل هي الحقيقة فهو للحق يستاهل كل علم غانم

وللمعلومة يا اخ توفيق

تصادفت قبل ايام مع الاخ بدر السهلي في احدى المجالس ومن ضمن السوالف التي دارت انه قال هذا الموقف فقد قال في احدي المرات جالسين وكان امامنا عدد من الاخوه طايحين فيني حش بسبب الامسية فسألته من هم فلم يجيني بل قال اخوان احترمهم واقدرهم واختلاف الراى لايفسد للود قضية وانا ياسعد لست بصدد من معي ومن ضدي

هذا هو بدر السهلي بكل بساطة


وتبقي انت يا توفيق الخليفة استاذ نحترم طرحه ونكن له التقدير

لكن بلاش من اللقافه مره اخري لانها مصيبه واسأل مجرب ولا تسأل طبيب


تقبل التقدير والاحترام

اخي المحترم توفيق الخليفه


يامساء النور والسرور .. بدر السهلي ابوناصر شاعر معروف وصاحب قلب كبير ولسان فصيح

وشاعر معروف والموقف اللي صار معك حكالنا ابو ناصر عنه مثل ماتفضل اخوي سعد

وبن حمري شاعر ومعروف وأنسان خلوق



والموقف اللي صارلك صحيح محرج

الاخ توفيق الخليفه

كل عام وانت بخير

مرحبابك يو م حضرت للكويت والكويت بلدك الثاني وانت بين ربعك واخوانك


واقول لك (( هناك بيت للكرم !! وهنا بيت من الكرم يسكنكم ))

واما بخصوص ما قلت من نقد وكلام لايصلح فأنت مسموح

ولكن عليك ((حق )) تعرف ليش لانك لم تسلم والسلام سنه

واما بخصوص الامسيه فانا اقول للجميع بأن جميع الشعراء


المشاركين بالامسيه لم يدخروا اي شى من مخزونهم الشعري


الحافل با لطرح الشعري الجميل وكل شاعر له اسلوبه الخاص

بقصائده


واما ما قلت فهو رأيك والاختلاف في الرأي لايفسد للود قضيه


وابشرك مدام الغلط ما وصل حدود الكرامه فهو سهالات


وللعلم بأن الامسيه هي فعلا حديث الكل

وشكرا للنقد والف شكرا للمنتدى وديوانية المنتدى


وغالي يا الخليفه ولو ان النقد نحن في هالوقت بأمس الحاجه اليه

وارجوا السموحه لانني فعلا غشيم في الردود والتعقيب


ولكن للمشاركه فقط ياتوفيق الخليفه وشكرا للنقد

مساء الخير

تمنيت لو شاهدت الامسيه حتى نتناقش بشكل عام ....والنقد يجيب ان ياخذ حقه
عن وضع الشاعر امام هاله جماهريه ووضع قصيدته وهى حبر على مطبوعات او متصفح انترنت
ولكن لم اشاهدهم وحكمى عليهم فقط من خلال قراءه لان تمثيل المعانى والالقاء له دور

ولكن ايضآ دخول بدر السهلى الان وتحديد موقفه و صراحه توفيق الخليفه التى تعتبر فضيله ونزاهه واضحه صاغها بقالب طريف ومهما كان (ماهيب مسأله يسوى نفسه ناقد ) لا من حق اي شخص ان يبدي رأيه وبجديه
سواء كان مبنى على اسس نقديه او ذوقيه لان مابعد النشر والامسيات حق عام ومشروع للنقد وبشكل عام موقفك الطريف
جعل موقف بدر السهلى اروع واروع لانه دبلوماسي في شعره وكذلك في انطباعه وشاعر لن تنضب شاعريته مهما اختلفت الاراء



شكرآ للجميع


سحايب فيصل

هاهاها ... هيهيهي .... هوهوهو <<<ــــــــــــــ يعني انواع الضحك على السالفه

اجل جبت العيد اخوي توفيق ...... الله يوفقك ... بس المفروض انك ماتتهور ...

اجل حشيت في الرجال وهو يسمعك <<ــــــ يا كبر الفشيييييييييله ...

اخذ السالفه هذي <<<ـــــ مهوب عاقل الشرهان <<<ــــــــ ماكن فيصل قالها قبله <<<ـــ مايقلد ابد


كنا موجودين في الرياض ايام امسيات الجنادريه ....
وبعد ما انتهت (احدى) الامسيات طلعنا للخيمه ولقينا الشاعر الكبيييييييييييييييييييير اللي كان في الامسيه ...

المهم انه كان يقول فلان مهوب شاعر وفلان ماعنده الا الصوت بس ... وينقز واحد من الجماهير الغفيره اللي كانو جالسين ....... قاله:
انت يومنك تحش في الرجال هذي ثقه في نفسك والا خباله؟
قاله وليه تسئل؟
قال له لاني ولد عمه؟<<<<<ـــــــــــ طوط طوط طوط <<ـــ تعال شوف وجه الشاعر الفذ ..جميع حالات الطقس مرت عليه

قال له والله ياخي انا اسف وهذي مهيب ثقه لا والله الا خباله ... وقام يضحك ولد عم الرجال اللي هو اصلا مايصير له شي ولا يعرفه بعد بس يبي يعلم شاعرنا ان حقر الرجال مهوب زين ...

هذا والله اعلم ........

<<ـــــــــــ مسوي حكمه هالحين <<ـــــــــ يازيني وانا حكيم

تحياتي للجميع ....

اخوكم:
اخاف اقول عايز وتخرب السالفه ...
اجل اخوكم:
عااااااااايض