سالفه 3

اول شي و قبل اي كلام ... فيه ناس ما راح يفهمون القصة ..و بيقولون لي عيدها .. فاقول لهم بدري عليكم .. خلاص ما عاد تمشي علي حركاتكم .. واذا ما فهمتوا فعايدي ترا تصير في احسن العوايل ..

وهذي قصة او سالفه من سواليف عصقوله .. مدري احد عارفها ولا لا .. المهم اني ودي اوسع صدور اعضاء و زوار المنتدى بهالسوالف .. <---مهوب هين محمد الشرهان


السبب الحقيقي وراء التفجير بمكتبة جرير



هلا هلا هلا ....................يا هلا بي والله (تسنكم فرحتو يا كمخ تحسبونن ارحب بكم)

تبون تعرفون القصه الحقيقه ... طيب كل واحد يحط عشرت أريل بس عشره شفتو اني منب طماعه ...يا حبي لي والله

هممممممممم *&^^%^$^#@ ...(يقالي ترى افكر) ... خلنا نقول مية ملقوف بيدخلون الموضوع على أقل تقدير يعني يعني 10* 100= 1000 ريال ... $$$$$$$$ ... يا حلااااوه ابشرو به اجل ضمنا تصليح الكمبيوتر !

هذا الله يسلمكم كمبيوتري المخنز ما غيره اللي كل يوم وهو مخبّط ومودينه يصلّح ... جا يوم الاحد اللي فات وقال هذا محلي ... وانا اقول يا ابن الحلال اخز الشيطان ... استخر بس لا تصير عومه ... يا رجال اقول ... وهو راسه وألف نعله الا هذا محلي حله بطنه قولو آمين (هذا الحين اللي هو الكمبيوتر)...

عاد قلت ما بدهاش يالله يا ابو عبسي كوهك بس لجرير بما انهم هم الوكلا حقينه وحنا شارينه منهم كودهم يقنعونه لو ينتّع بس المهم ادخل الصرقعه لأني خبركم ابدا استشم اذا ما صرقعت هاك اليوم!

ومير يقول ابو عبسي شورتس وهداية الله (الله من قله) ... ومير يكفخ ابونا ويتلني بيدي ونركب الفياقرا ابو غمارتين ولا ناقف الا عند باب جرير يوم الخميس ... تب تقولون عصعص تهلس تو تقول الاحد والحين الخميس ... وبقول لكم جعلكم للعيطي يوم تقولون ذا الحتسي عني وانتم في موضوعي (يقال له مثل بيتي يعني) هو صحيح تلّني بيدي بس الصحيح انه خف بي وما راح لجرير ... اثر اهله عندهم عزيمه ويبيني اروح اعاونهم ...

المهم جيناهم وجبنا العلّه المطاوله معنا(كمبيوتري للي ما يدري وش حنا نحتسي فيه)... وندخل على الصيانه والا أبو دهينه متربع على الكرسي ...

قاله ابونا ...رفيق هازا إله(عله) ما في سوغل كويس بأدين اليوم هوا فيه موت !

-----> ابوهم مب سهل يعرف لغات

ويقوم المهراجا ويشيك على الكمبيوتر ويجلس ساعه يتحبب فيه يبي يشتغل وماش مافيه سوغل ...

انتا في وين يستري هازا ...

شارينه من عندكم جعلكم للماحي اللي يمحاكم بعد بتجحدوننا!!(اكيد تدرون من المتحدث من تنسيف اليدين وطولة اللسان ... ما تدون!؟ .. ذي أم الجيران لقيناها بجرير تبي تصلح دنّانة ولدها)

ويرد علي وهو يحبرش ويدور في الشنطه حقت الكمبيوتر(كمبيوتري محمول عشان تتخيلون الموقف مضبوط)... وين فيه دمان؟؟ ... طبعا انا تنحت احسبه انهبل يدور جرح والا شين يصب دم ...

ويطلع ابونا وريدزه (تصغير ورقه)... أثر ابو الشباب طالب الضمان ... ويقعد ساعه يتهجى اللي مكتوب يوم قضى ويقول هازا دمان مافي كويس فيه باقي أسره يوم بأدين كلاس ... هازا قطأه غيار في لازم واهد سهر من شان تلب من برا ... وصفقوني ان كان به احدن منكم يعرف لغات !!

و التفت على ابونا ... وش يهلقم ذا وش عنده !! ... قال كوهتس بس خليه عندهم واجمعي مكافآتس تسم شهر ونرجع لهم ناخذه ...

هو!! ------>( نوع من الشهقه مع الروعه مختبصه للتعبير عن التعجب في لغة أهل نجد)

... منتب صاحي والضمان؟!

يقولون ما يكفي الضمان مغير عشرة ايام وهم يبي لهم شهر لين تجي قطع الغيار من برا

_______________________________

فاصل ما بين الشوطين :


كش كش كش كش كش كش كش كش كش كش كش كش كش ...........على هالخشه يوم أشري كمبيوتر وكاله

______________________________

يعني وش العلم؟؟؟؟؟؟؟؟؟؟ -----> كل ذا ما فهمت الخاله !

يعني الله يسلم الريال الحمر ( ابونا قديم خبره بالريال يوم كان أحمر )

واطلع أجر رجيلاتي من المكتبه واتقبل القبله ... واقول جييييييييييييييييييييييييييعلكم ما تهنون بهن .... أجعلكم للجني اللي يطير بمكتبتكم !!

-----> ما تعرف تدعي الا بهالجني دايم موذيته

ومير ما امدانا ناصل البيت الا طارت بهم قنبله بدل الجني ... اموت بالــ tecnology


هذا ... وسمانتكم ... يالله اها دنّو العشره ...

ههههههههههههههههه الله يوسع صدرك بالعافيه ان شاء الله

مهوب هين ابودهينه

ياجعلك سالم يالغالى ..

فيصل لاتحاول تلعب علي وتخليني ارد على موضوعك .......... لالالالالالالالالالالالا

لا تحاول ابدا ....... ولاني بمعيط العشره

بس الدعاه حلوه .... جييييييييييييييييييييييييييييييعله السلال اللي يمصع جنبه <<ــــــــ العجز في حالات الهيجان



باباااااااااااااااي ..... هييييييييييييييييييه مارديييييييييييييت على موضووووووووووععععععععععععععععك

سالفه رهييييييييييييييبه

ماشالله عليك يا فيصل .. دايم السوالف الزينه عندك

--

وييينه عوكاااااااشه يجي يختصرها لي

السالفه طويله ولا قدرت أقراها كلها


--

بس بجد .. سالفه حلللللللوه يا فيصل

عوكاشه تاكل ثلاث ارباع خشتس

<<=== صارت عقده له هالعوكاشه

ايه طيب اختصرها بس وش السالفه علميني وانا اختصرها

عوكااااااااااشه ..

لا تهاوشني .. انا مالي ذنب

هذا كله من عايض وفيصل ... هم اللي قالولي :

يا نشميه .. عيب تنادينه بأسمه حاف ..... لازم تشكلينه بالحركات

وانا دورت بجهازي .. ضمه ( ُ ) عشان أحطها فوق العين .. ولا لقيت

ثمن أقترحوا علي أكتبلك .. عوكاشه .. حفاااااااظاً على نطقه اللغوي

شفت أنه مالي ذنب


أما عن الموضوع ..

أنا وصلت إلى كلمة : السبب الحقيقي وراء التفجير بمكتبة جرير

وودي أعرف الباقي ومتعيجزه لا أكمل قرايه

أختصرها أنت لي وعلمني بالسالفه

نشنش

الا صدق وين الضمه فيه على اي حرف؟ الكي بورد اللي عندي ماهيب موضحه فيه

والله لايهينك على دربك الكسره والفتحه والسكون
<<== الشده يعرف عند (ذ) <<-- عبقري

كشكوووووووووش

ماعندي حركات بكيبوردي

الظاهر أنها تنزيل من النت .. أو .. برنامج تشتريه

هذا والله أعلم

ستوووووووووووووووووووووووووووووووووب يا مال الناموسه اللي تقرص هدب عيونكم

هلحين جايين عند موضوعي و داقينها حنك على ضمه و فتحة و كسره

نشميه عل يضمك فيل احول يفكرك نمله <-- هذي دعوة عمة جدتي على جارتهم ام راشد ( أمسيه )

الله يخليكم فيكم قرقره شوفو لكم موضوع ثاني غير موضوعي .. روحو لموضوع عايز لأنه في حاجة تكثير زوار وردود . انا مانيب في حاجه <-- يا صدقه

بعدين انتوا يا حروف الشين <-- الشين الليبعد السين مو قصدي عكس الزين

عوكاششششششششششششه

و

نششششششششششششميه

ألي أبدو قائد في أم قهوه سمئ ( سمع ) واهد سب أم هكومه بلغ أنو أطنو أربأ ( اربع ) ألف مكافئه ..

و راح لأم ستريو و قال لو ما أندك مهمد أبدو صمت أم براطم ( صمت الشفايف )

اسمعو اذا ما تبطلو من مناقركم يا ( عكاشة أسد .. بس نشميه امممممممممممممممم بعد أسده <-- خاف
اقول اذا ما تبطلون بعلم عليكم الجيش الجمهوري الاحمر الياباني لأنه في حاجة منكتين <-- عكاشة نفدا زقمك السموحة ترا الدعوا مزح

اما انتي ياللي لا تفهمين ولا تكملين المواضيع فــ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ هم بعد السموحه تراي امزح

و لا ابي احد يزعل لانكم اذا زعلتو بتخلصون علينا البحر في الدمام .. بعدين اذا خلص البحر وين بيغسل عايز ثيابه <--يا طر جيب عايز وش دخله

و بعدين كله كوم و ام راشد الحوطيه كوم ..... ههههههههههههه ام الكراث .. يا زين شكلها و هي يلحقونها بزارين الحاره .. عطينا كراث عطينا كراث و وراعين الحاره وراها وعباتها طايره تقول سوبرمان ( سوبرمان ملكي نص رتوب شكمانين قدام ) <---الشله الطيبه ( ربعي )

سمعت طاري عايز وجيت اخب <<<ــــــــــــ ترا اقدر اركض على فكره يا فيصل

على طاري عايز اخذ السالفه هذي ....

مره عايز راح لمكه يجيب ثوب العكه يحطه في صواني على جيت خوالي خوالي يا دلالي ... والباقي انثوي مايصلح اقوله بكمل اللي بعده ...

والعروس تبغى جبل والجبل عند البقر والبقر يبغى فلوس والفلوس عند البنك والبنك مايصرف لك الا اذا عندك بطاقه والا استريح <<<ــــــــ خارها صح


على فكره هذا هو موضوع عكاشه ......... ابي ابارك له على ال1000 اللي فاز به ...جعله مبارك ..
وعقبال ماتصير رئيس جمعيه العكوش المعكششيييييييييييين





تشاااااااااااااااااااو <<<<<<ـــــــــــــ يعني باباي بالمصري .... ومع السلامه بالسنغافوري



عايز

فيصل

انا قلت لعوكاشه مانبي نخرب موضوع فيصل وسوالفه الزينه

بس هو قال .. مااااااعلي منه , انا ابي أوصل للألف بأي طريقه

واذا مهو عاجبه يطق راسه براس عايض .. ماعلي منهم أثنينهم

لا .. وقال بعد : أبفتح موضوع أشنها حرب عليهم أثنينهم عشان أوصل للألفين

بس انا مارضيت وحلفت عليه ..


شفت اني ما أستاهل دعاك علي ؟

الاخت الفاضله نشويه السلام عليكم و رحمة الله و بركاته <--- بالله عليك قد احد كتب لك كذا .... ايه افلقيني

شوفي يا طويلة العمر و الشعر <-- الشعر قصدي الابيات المركبه من كلمات موزونه و قافيه متعدده ..

ترا عكاشة لا يغرتس لباقته و اسلوبه المرح ترا توه جاي على ونيته الاربع ميه و اربع و خمسين بشحنة كلاشات من السويد <-- هين ان امسيت في بيتكم ذا الليله يا غكاشة

و جاي قطوع ما خلا طعس ما وقف عليه و لا خلا جبل ما مر من جنبه و لا خلا بحر ما غطس فيه <-- برمائي

و بعدين بالنسبه للدعوه اللي وجهتها عليتس ( لاحظي عليتس مهوب لتس لان فيه فرق بين على و الى فان على تبدا بحرف العين <-- العين اللي هو حرف من حروف اللغه العربيه مهوب الجهاز الدموي الذي يقع بين الحاجب و الحجاج ونرى فيه الاشياء على حقيقتها .. لان اللي يشوف الاشياء مهيب على حقيقتها القلب ..

.. ارجع لكلامي و اقول بالنسبه للدعوه فارجو انتس اذا جاتس تحولينها على اي واحد تكرهينه و تقولين لنا من هو <-- ناوي على شي


يووووووووووووووووووووه اليوم طفش مالي نفس اكمل

اكمل بكره انشالله

تصبحون على خير .... الساعة الان 8:39 مساء بتوقيت الكره الارضيه

ب=[

ي=]

س=ٍ

ش=ِ

ر={

ؤ=}

ء=ْ

ئ=~

ع=‘

غ=إ

ف=لإ

ق=ٌ

ث=ُ

ص=ً

ض=َ

ة=’







ةة


ة 1ة


منة الله ولامنت خلقه
8
8
8
8
هذا ردا على الاشاعه المغرضه التي اطلقتها نشنش هانم 00 والتي مفادها<--استر عليه الولد نحووي00 اني احب اخرب المواضيع

وانا هذاني <--لا نحوي 00 جالس استفيد ادور السكون والفتحه وربعهن00 وبالطريقه هذي اقضي اوقات فراغي 000 والا اروح احل الالغاز حقات ضمن الجهني

<<=== اللي يشوفه يقول حل شي

اصصصصصصصص لاتسمع النحووووت هذا جموحه

ةة


فيصل اجل غطست في البحر انا وحملتي معي ؟؟

ماعينت خير ههههه

والله لو اني ابا احارب وحيد القرش <---- ماهوب عاقل مصطفى محمود