مجاراه لقصيدة (( عكاشه ))

[poet font="Simplified Arabic,14,blue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]

علمٍ وصـــلني مايبا العلم تاكيد= من صـــاحبٍ يفرض علينا احترامه

شاعر وله عندي معزّه وتمجيد = لو ينكــــــــــــرونه ماجهلنا مقامه

لو مانخاني جيت له ثاني العيد = فازع ولو قالـــــــوا تراها غشامه

والله لو اني بين حـــزم الجلاميد= وطريف جـــــــيته لو تعدّا تهامه

وانا رفيــــــــقه فالليال المناكيد = ولاّ الرخــــــا بيني وبينه عدامه

اعداه وان عدّوا كبـــار الصناديد = لاهل السخافه مايعير اهتمامه

يوم الجمــــــل مايلتفت للمفاريد= عندي خــبر ماحسّه الا زعامه

ماقلت له فنّد لي العلــــم تفنيد= ولا قلت ذكرني بحرب الكــرامه

اضـــرب وتلقاني مع اوّل مواعيد= اما صــدق صاحبك خلّ التزامه

واللزمه اللي مابها خـــير وتفيد = مايرتجا باســـبابها الا الندامه

[/poet]

صح لسانك يا تركي و عزالله انها قصيدة جزلة و وافيه و قويه

اقبل تحياتي
اخوك فيصل العاصمي

بسم الله الرحمن الرحيم

الاخ فيصل كل عام وانت بخير


اشكرك على التواصل والمرور والاطراء ،،

وصح بدنك

اررررررررررررررررررحب يابو فهد

"
"
"
وصح لسانك على هذي الجزله ..
"
"
سجل اعجابي للمره الثانيه
"
"
"
وكل عام ونت بخير

تحياتي لك .....اخوك

نايف بن عيفان العتيبي

بسم الله الرحمن الرحيم

الاخ الشاعر نايف بن عيفان

هلابك وغلا هنا وهناك

وصح بدنك ،، اشكرك على التواصل ،،،،،

صح لسانك يابو فهد 000 وعزالله انك محل ثقه

وعزالله انك مليتها عدل 00 ولافيها قصوور

وانا وانت من غير شك 000 لو تبينا نخلط قصيدنا مع بعض 00 الحال واحد


لك تحياتي وتقديري لاعدمتك

حيالله ابو فهد


بالعون جاريت القصيده مجاراه طيبه الله يطيب ايامك





صح السانك يالقرم









سنجار ( محمد بن عبدالله )