صباح العيد

هلا ياعايض هلا <===== الا الولد وش اسمه ؟؟؟؟


المهم ابا اخش في الموضوع مباشرة بدون لف ودوران ولا مجاملات ولا هذي ولا الثانية والثالثة انا توني عرفت ليش محد معطي موضوعك وجه ولا احد يرد واللي يرد مره ينحاش ولا عاد يعود مرررررررة !!!


تدري ليش ؟؟؟؟ طيب جاوب !!!









والا اقلك باحطلك اختيارات :

اختر الاجابة الصحيحة <======= مجننته الاختبارات ( مسوي طالب )


1- علشان الناس فاضين ما بيشغلون انفسهم معك .

9- علشان الناس مشغولين ماهم فاضين لك .

33- جميع ماسبق .

19- لاشئ مما سبق .

هاه اخترت الاجابة ؟؟؟





( ابشرك اجابتك خطأ ) الاجابة الصحيحة هي مايلي
<=== انفع مدرس ؟؟؟













لانك كل من رد على موضوعك قلتله عندك سلف !!!!!!1 ياخوي ماهو بكلام ذا خاف الله في البشر كلنا ودنا بالمشوي بس ماهو بذا الاسلوب احم احم احم ( بسم الله عليه حكيم زماني )



المهم انا صادق مهوبذا الاسلوب ياخوي ارسلهم رساله على البوكسات حقتهم وش رايك اتكلم خمس لغات حيه




وبعدين انا ماعندي ولا هللة سلف فهمت والا لا ؟؟؟ ماعليه ودك تشطبن اشطب لكن قبل تسويها ترى اباك تعرف ان ابو ثامر
<======= مايعرف غير ذا الاسم قابلني في الحج ورمينا الجمرات سوى مابيني وبينه غير 200 الف حاج اندلوسي !! وقلي خذ راحتك ياجزاء المنتدى تحت امرك ( الا هو منهو ابو ثامر ؟؟؟؟ ) وانت بهواك سو اللي تبي .





وبعدين ياخوووووووووي انت بموضوع طول وعرض وارتفاع ماني فهمن فيه ولا حرف ومشربكينه الله يجزاكم خير انت وفيصل ومخلين شعبان في مارس والبليلة في الكليجة ومحد قالكم وين انتم رايحين وانا على كلمتين تقلي وش ذا ولا عاد تكتب واخرط وانظم !! <====== خلاص زعل بيشطب الرد كامل







على العموم انا عطيتك العلم واظنك رجالن فطين وترى انا عندي اسم ثاني في المنتدى وتحته 10نجوم ماهو 5 شرواك وانتبه لا تهووووووووور <======== بانت الذلة



يالله سلم واسلم الا على فكرة سمعت الاخبار البارح ؟؟؟؟ يالله تحزن حرام بالله

قره عيني وشعره جوفي وسكاكي .... جزا ...

هاهاهاهاهاهاها
وبعدين انا ماعندي ولا هللة سلف فهمت والا لا ؟؟؟ ماعليه ودك تشطبن اشطب لكن قبل تسويها ترى اباك تعرف ان ابو ثامر
<======= مايعرف غير ذا الاسم قابلني في الحج ورمينا الجمرات سوى مابيني وبينه غير 200 الف حاج اندلوسي !! وقلي خذ راحتك ياجزاء المنتدى تحت امرك ( الا هو منهو ابو ثامر ؟؟؟؟ ) وانت بهواك سو اللي تبي .

.....................

ابقولك حاجه يا بعد حيي وميتي....<<<يبا الفيت انه استرالي



ماعندك ال30 ريال طيب اشتر فيها مشوي مشكل وجيبه ياخي .... على شان تشاركني ...

وبعدين لاتصير كنجوس >>>بالمالطي بخيل ...

والله يا جزا ان انت لحالك تكفي عن 100000000 واحد يرد على مواضيعي ... يكفيني وجودك>>يزعط احرجك





على طاري الاخبار ... اخذ السالفه هذي ...

مره اخبار راحت للمشغل على شان تسوي شعرها المهم
يوم وصلت الا الشغاله اللي بالمشغل >>اجل وين بتكون في المقهى؟
كانت نشره الاحوال الجويه.... قالت لها الاخبار ابي قصة الشينكو ... هذي قصه جديده شفتها قبل 40 سنه

قالت لها النشره الجويه ابشري ياخاله .... هي قالت خاله كان تقلب الاخبار وتصير اخبار الرياضه ..
وتشوت النشره الجويه على علباها ... لانها زعلت يوم قالت ياخاله ..
المهم جاو يفرقونهم الاخبار الاقتصاديه .. وبرامج الاطفال .. وبرامج الطبخ
محد توهق بالسالفه هذي غير الدعايا... هي جات وينلمون عليها العالم ... وهي توقع لهم وكذا ...
صارت ضجه يبن الحلال ....

نلقاك في نشره العاشره ان شا الله ...

اخوك:
عايز

عايض......

هاذي اول مره اكتب بديوانيه النداوي

بس بصراحه

مووووووووووووضوعك اقسم بالله انه احلى موضوع قريته

خليتني اضحك من قلب

الله يحلي لك ايامك كلها

هلالالالالالا ريم_اندر سكور_ قطر

انتبهي من الخرفان البيزنطيه ... لانها مش من الثديات لالالالا..

هذي وحيده الخليه ... اللي نلقاها متجمعه فوق قوطي الببسي قبل لانفتحه...


اسعد الله ايامك انتي بعد وعقبال ماتنجنين مثلنا


اخوك:
عااااااايز

آآآآآآآآهـ <<<< يتقاوب << توه يقوم من النوم .

خلني افطر بعدين يصير خير

الا تدري خلني ارد قبل الفطور لانه بصراحة احس نفسي منتفتحة للرد فلو لاحظ لو .. افطرت قبل ارد يمكن يمكن تنسد نفسي .. فقلت خلني ارد اول و اقول اللي في خاطري و اشاركك في مصيبتك و اواسيك و اعزيك و ادلكك ادلكك << اما اني ابدلكك . الا على طاري التدليك . ما قد سويت تدليك عند احد يا عايض ..
تصدق مره كنت قاعد اتمشى بعد العصر على كورنيش النعيريه .. اللي يطل على بحر عرعر .. و الا اشوف ذاك الذيخ يلحق ارنب . و حاط رجله يمشي 150 و هي قدامه تراوغ و تراوغ و تراوغ و هو مره ما هدها و شوي الا وقفت و بون سابق انذار و الذيخ يوم شافها و قفت كذا فجأة هو بعد وقف و قعد يطالع فيها من بعيد .. صراحة هو خاف لا يكون طرا عليها شي .. ترا ممكن احيانا الضعيف ينقلب قوي لاي سبب من الاسباب و بدون سابق انذار و بدون مقدمات ولا مقبلات و لا كوارع .. المهم اكمل لكم السالفه .. تدري وش اللي خلاها توقف يا عايض .؟
مرت على مكان كانت تجتمع فيه هي و حبيبها ارينبان .. يوم كانت تجي ضحويه متخفيه من عيون اخوانها و ابوها و تمشي بين الشمع لين توقف في ذا المكان و تقعد تنتظر لين يجي ارينبان .. و يقدون يسولفون و يخططون كيف يبنون جحرهم و كيف يأثثونه و من اي مفروشات .. وكانت تقول له خلنا نأثثه من عند هابيتات المنزل و هو يقول لها لا حنا بأنثثه من عند حراج التلفزيون اللي في الدمام . ارخص و نقدر عليه .. و هي تقول لا من عند مفروشات المنزل يعني مفروشات المنزل .. و هو يحايلها يا بنت الحلال و الله ما اقدر على المنزل ... المنزل غالي و انا على قد حالي توني متوظف في البحريه و الراتب يالله يكفي كيلو جزر .. قالت ما علي .. انت لازم تتصرف .. هذا الخروف يشتغل و يدهر و فلوسه واجد و هذا التيس ماشاء الله عليه .. و حتى قنيفذان اللي اصغر منك شف كبف و ضعه .. جحاره و اراضي و جوالات و اذا لبس قام يكشخ مهوب انت يا الخمقه .. هي قالت خمقه ولا ما قالت و هو يصكها طال عمرك ذاك المخمس اللي بعضه يكفي .. و هي تقوم تبترم في محلها و تقول تكفى يا عايض تكفى يا عايض ..ويوم وقفت من اثر الصفقه .. قال لها من عايض هذا ؟؟؟ قالت له وش دخلك ؟ خلاص انا ما عاد احبك انت وحش .. انا بكرهك بكرهك .. غور من وشي < يعني انقلع من وجهي ... عاد هو مسكين كان يحبها مره و انصدم يوم قالت له هذا الكلام و لا كان يتوقع منها تقوله .. بعدين قعد يترضاها و يستسمح منها .. وهي مره قافله معها ولا عاد تبي تناظره حتى ... عاد يوم شاف الدعوى خربانه خربانه و هو يتناوش ذيك العصى و يمسطها لين بلعت العافيه و يوم شافها توسدت فرتها .. توكل على الله ..
عاد هي يوم انها تذكرت كل هالمواقف و اللي صار عليها في ذا المكان .. هانت عليها الدنيا و لا عاد لها نفس في شي .. و تناظر للذيخ و قالت له : اقول انا خلاص زهقت من هالدنيا ولا عاد ابي منها شي و انا هلحين تحت امرك سو اللي تبي ... انا خلاص آيست و انسدت نفسي تعال وسو اللي تبي .. و الذيخ يوم شاف الدعوى كذا كسرت خاطره و لا هانت عليه و قال لها : يابنت الحلال روحي في طريقك ما عاد ابي شي و انشأ هذه القصيدة اللي يقول فيها
يا بنت روحي في طريقك و انا اروح ... وكلن عسى الله يسعده في طريقه
يا بنت مالي فيك غايه و مصلوح ... اقولها يوم اكتشفت الحقيقه

و دبر و هي دبرت و توته توته خلصت الحتوته

أنعم اله عليكم

اقول يا عايض الله يهديك بس .. انت تدري وش معنى - اندر سكور -

في ذمتي اقول في ذمتي انكم منسمين


ياربع شوفلكم موضوع مفيد اكتوا فيه بدل ذا التنسيم اللي انتم مسوينه !!! يعني مثلا مثلا تكلموا في كيف تردون على الهجوم من طرف ثالث والا كيف تهاجمن طرف ثالث <======== الاخ تفكيره اجرامي . انا صادق والا وش دخلنا في الذيخ والارنب وارنبان مدري اش اسمه !!



الا على فكرة ياخوي يافيصل والله القصة ذي مؤثرة من جد الاليش هي ماتحاول ترجع لارنبان تكفى وانا اخوك شفلهم حل يمكن الله يثيبك ،،،، وبعدين انت ياعايز الضعيفة اعتزت بك افا والله وين الرجال والله لوانها معتزيه بي كان سويت البحر طحين <===== بحر عرر ماغيره لكن ماقول الا ادي الله وادي حكمته



يالله خلونا نشوف الاخبار
@#^%*&’,’,ـ،إ‘ على خير !

اسمع يا بلنتي .. قصدي جزاء .. انت تقول كذا يوم انك ما تدري وش سالفة الذيخ ..

انت على بالك انه ذيخ عادي ؟؟؟؟؟ لا يا طويل العمر ..

هذا سلمك الله سالفته سالفه .. .. في ذاك اليوم اللي جابته امه .. توفت المسكينه و هي تطلق به .

ولا كان في احد حولها علشان يرضعه .. و مر فجأة راعي غنم و معه سلوقيه .. بطنها طال عمرك كنه بطن مريم الغضبان .. لاصق بطنها في سراجيف ضلوعها .. و هنا طال عمرك سيقان كنها سيقان ضب .. و لها بوز في حجمه مثل حبة موز بس بالطول مهوب بالعرض .. و اذانيها يالغالي كنها شرابات مكويه ..

و لاجات تمشي قامت تمخطر كنها مشية ام كلثوم ( الله يرحم اموات المسلمين ) .. و صوتها لاجات تنبح .. ما تلقى صون حزين مثله .. ابد من ساعة ما يسمعه الواحد على طول يتذكر صوت عدوية ..

المهم عاد السلقه ذي يوم انها شافت الجرو المولود و امه جنبه ميته حنت عليه و عطفت و قامت ترضعه و ترضعه و ترضعه لين صار بطين الجرو كنه برميل بيره ..

و تقوم تطبخ له من ذا العشب و تعطيه و تقول له خذ كل هذا ملوخيه و هذا ملفوف و هذا كافيار .. و على هالحال لين صار الذيخ كنه عجل ... و لا جا يركض قام يهابد بدينه و يومي بها كنها ايدين خبل ..

عاد السلقه ما اعجبها الوضع .. و تقول في نفسها : لا ما يصير انا هلحين مرضعته و مربيته و يطلع خبل .. لا لا لازم اخليه اسبق من السلقانين كلها <-- جمع مذكر مريض ..

وقعدت تفكر وش الحيله وش الحيله يا السلقه <-- تكلم نفسها طبعا .. وش الحيله ؟؟؟؟ و أخيرا لقت لها طريقه تخلي السلوقي سريع .. و بالفعل كانت الطريق اللي سوتها ناجحة بشكل ما يتصور لدرجة ان السلوقي اذا لحق له ارنب تعداها و روّح و خلاها وراه .. و لا يوقف لين يشوف له شجره يبنط فيها و تظهر له صعروره في راسه و بعدين يوقف ..

تدري وش الطريق ..
--------------------------------- فاصل اعلاني <--- يقلد بعض الناس

درمممممممممممم درممممممممممم درممممممممممم <---موسيقى تصويريه

سيدتي العجوز هل تريدين ان تعودين شابه .

هل تريدين ان تكونين رشيقة القوام

هل تريدين ان تكوني ذات اغراء و فاتنه

عليكي بفكس ابو حمار .. يكسبك انوثة و صفاء في اللون و تفقدين معه كل التجاعيد .. حتى تجاعيد القلب .. بتروح يعني بالعربي بيوقف قلبك ..

اسألي عنه في جميع الصيدليات و جميع البناشر ..

الموزع المعتمد في الشرق الاوسط و السلفادور .. جزاء <-- و الله ظلم .. الحكم غشاش .. انا ما طقيته .. هو اللي جاب خده عند كفي <--- عبدالله الشريده قاعد يتكلم .

--------------------------------------------- انتهى الاعلان و على الله التكلان و ياشين الطفشان

و الآن اعزائي المشاهدين نعود مع المسلسلة البدويه ( الذيخ طربان ) . بطولة السلقه درباشه و الارنب سعبوله و الارينبان ( النعسان )

اكيد تبون تعرفون وش الطريقه اللي خلت السلقه درباشه . الذيخ طربان . سريع للغايه <-- حلوة للغايه كثر منها ..

شوفو خلوني اكملها لكم بس بعد الغدا انشالله هلحين طال عماركم يدعوني .. يا فيصل يا فيصل تعال تغدّا ..

وانا مررره جوعان .. لاني على لحم بطني من الفطور اليوم .. و الله ما افطرت الا قرص ..

يالله بااااااااااااااااااااااااااااااااااااااااااااااااااااااااااا اي:

يستر عليك ياعايض

تدري اني توي اقراء الموضوع واليوم 15 /12


اقسم بجلال الله اني اقراء وعيوني ادمع من الضحك ....

ياخي وش خفت هالدم الله يرحم والديك


وصراحه مغامرات 100% والله يرزقم واحد مثله العيد الجاي لا تردني قل امين







تحياتي لك




سنجار ( محمد بن عبدالله )

ارحبوووووووووووا ....

مرحبا والله ومسهلا يا سنجار ... هلا بك يابو عبدالله ...

على طاري سنجار اخذ البيت هذا :

ياعزة النفس ريقي ماني ابله
........................ مادام سنجار يهوى ضلع سنجاره

هذا بيت في قصيده لي كتبتها سنه ............( ومرحبابكم ومسهلا1400)<<<<<---


اجل جازت لك السالفه يبن الحلال انا ابي اوضح امر اجتماعي مهم من السالفه اللي انا قلتها الا وهو :
اذا كنت على قرابه الذبح فلتتأكد ان هناك معلاق تعلق به ذبيحتك والا سوف تتوهق اذا كانت الذبيحه على الارض ..
لان مراحل الذبح معروفه فأن وصلت الى مرحله الكرش ... ماذا ستفعل ... وهنا كانت المشكله ...
<<<ـــــــــ الدكتور عايز

<<<ــــــــ اول ماسمع بالدكتوراه يفكرها الدخاتر بس

<<<ــــــ بدو يا رسول الله


مرحبا بك ومسهلا يابو عبدالله

لاتحرمنا من متابعتك لاتصير مثل بعض الناس <<<ــــــ مش فيصل ولا عكاشه

يردون وعقبه هملوني لحالي ... وشكل ابو ثامر بيطردني ... الله يعين ...

بااااااااااااي