Tweet
حي اللذي يبدع طواريقه اخبال
............ عز الله ان السالفه سرمديّه
راح ارمضان وباقي أيام شوّال
............ وعند اللزوم نصحّي العبقريّه
لو تجرح اصيامك على بعض الأشكال
............ خرب أبوها دامها محتميّه
تدري يا بوي أنّي من ارجال الأعمال
............ وخمسيني أفرشها على اشناب ميّه
جمع الطوابع ولّدت حامل أثقال
............ شال الخفيفه ما قوا للقويّه
مازال همّه يرسل أبيات جوّال
............ عاده يقول ( الرميّه الجانبيّه )؟!
يا عمّي أصحى أربع أبيات بريال
............ تسعيرة امن البرصه العالميّه
لا قلت أبقطع عنك خدمات الأرسال
............ أستنتج أن السالفة هامشيّه
وآخر خبر بالمنتدى " حزب عمّال "؟
............ ومأقرد من المقرود ألا خويّه
مدري وش اللي جمّع النون والدال
............ الله يعين المجتمع والرعيّه
لو كان بأشكال (المطافيق ) تمثال
............ كان أقسموا من كل واحد شويّه
http://nadawi.net/vb/showthread.php3?threadid=6606
تعليق