Tweet
يا هل المعروف قولو وين عايض وينه
, , , يمكن انه لا سمعكم تنتـفض جنحـانه
غايبٍ قد له زمان و ما نظرنا عينه
, , , لين دارت جرّة الركبي على ميدانه
خابر انه في الديار المعشبات الزينه
, , , يعرض الموجود للي يلعبون الـدانه
له ثلاث شهور مير اهل الورق ناسينه
, , , ما نفع في دربهم قوله و لا برهانه
له طموحٍ ما يخـالف في مسيره دينه
, , , غير له ربعٍ تحرّى وش يقول لسانه
ودّي انّـا لا تباطـت خطـوته لافـينـه
, , , و المصيبه ما عرفنا ياعرب عنوانه
له ربـوعٍ يـوم صـد بوجهته ناخـينه
, , , دام قيل الجد الاقصى يوفي الديّانه
ما خبرنا الشوف يبطي للوجيه الشينه
, , , لا تحـرّى مدّة اللي قـافلٍ بيبـانه
خل عمرك مثل ذيـبٍ في الخـلا لا قينه
, , , ما تعشّـا الا بصيدٍ جـابته نيبانه
وانت لك قصرٍ بنيته و القوافي طينه
, , , عـزّه الله يالسنافي لا تطيح اركـانه
خوي المطاليق
[/align]
تعليق