يـــــــــــا تـــل قـــلبــــي تل فرخ الشيــاهـــين

الله يصبحكم بالخير يالربع , هذا القصيده وردتني في الايميل


وقد اعجبتني حيث اني من مولعين المقانيص يقول الشاعر:

يـاتل قلبـي تــل فرخ الشيــاهين

********************* كـل الوصـوف الطيـبه مـاخذتها

أمطمـعه فالصيـد من قبـل يومـين

****************** ويومـين ماطـب العشـا معلفـــتهـا

شافـت خريـش صفقـت بالجنــاحين

****************** وقـت المعـشي وأصملــت وأطلبـتها

من سـرعها مـاعاد تركـد بهاالعيـن

******************* تقــول طـايرات الشبــح قـاذفتـها

ساقـوا وراها جمــوسهم والنيــاسين

******************* وكــل المـواتر عـّـودت ما اسبرتها

وأمسـوا وراعـيها يصفــق بكفيـن

********************* والصبــح لقـيوا ريشـها ماكلتــها

عليـك يازاهـي ســواد الحجــاجين

************************ عـــلاقتـي ويــاك وش خـــاتمتها

ياهل الهــوي ياباخصــين المــزايين

************************* روح المــولع بالوســط علـــقتها

قـد لي علي هالحــال هذا زمــانين

************************ أذا سنــحت لي فرصــةٍ ضـيعــتهــا





هذا وتقبل تحيات اخوكم: المري

اخي / المري

صح لسانك على

هالقصيدة الاكثر


من رائعة


وسجل اعجابي


اخوك

سعود العتيبي

ارحب يالمري

شكرا علي هذه المشاركة الله لايهينك بقصيدة لشاعر كلنا نحترمه ونستفيد منه الشيء الكثير


ألا وهو الشـاعر فهد رفاعي شاعر القصيدة

فشكرا لك وشكرا لشاعرها ابو محمد



تقبل التقدير

سعود العتيبي مرحبا بك ومسهلا وتشكر كل الشكر على المشاركه

والتوقيع.

تقبل تحيات اخوك: المري

مرحبا والله ومسهلا بسعد وحياك الله , ولا شكر على واجب

ويستاهل الشاعر فهد رفاعي كل خير .


وتقبل تحيات اخوك: المري

[النادر]

السلام عليكم



أخــي / المــري



صـــح الـــسانــك .. ولاهـنــت


قـصــيدة جـمــيلة وأســجــل اعـجـابــي







وهــذه قــصــيدة اتمنى ان تعجبك على طاري المقناص وللأسف لم اعرف شاعر هذه القصيده .




يازين هــد الطيـر ســـاعة هــداده
.......................اقولها لو كان مانيب صــقــــار


ولا على كـفـــــي نقلتـــــه وزاده
........................ولا تبعت الخـرب من وين ما سـار


ولا ميز انواعــه و لا اعـرف مــراده
.......................ولا عـــارف ســدة و لا عرف مسمـار


لكن احـب امطـالعـه و انجــراده
.....................الى نــزع من كــف راعيــه وانـدار

حاديـه طــول الجــوع والهـم زاده
.....................جــول الحباري تالي الوقــت ذيـار


حـام وتعلــى واعتلــى باشتـــداده
.....................و راعيه يومي له بملــواح و شعـار


الليل مقبـل ومــدلهــم ٍ ســــواده
....................والأرض قشـــرى بــين ضــلـع ٍ وشنضار


ما عــاد له بالصيـــد شــف ٍ وراده
....................ضــــرب على كفــه بكـفه تحســـار


اقفى بعـــد ميقن يقيـن ٍ نفـــاده
....................عينيه تهـــل ادموعها و القدم حــار


لكن طيره له مع الـــبرق عـــاده
....................يمهـل لها ويــردهـــا دون تختـــار


سـمع الحـسـاس ولـد عينه قتـــاده
...................واثر العــديـم يلوفهـا لـوف بيطــار


وحــول علــى الخرب المسمى وصـاده
......................واقفت شــــرايدها مع الجـو طيــار


وسجـد لربٍ معــتن فـــي عبـــاده
......................يا فرحــته يا كبرهـا كبـر سنجــار


و يا حبني للبر حــــزت بــراده
.....................لازال وقـت الصــيف واللاهـب الحـــار


لا شاجــر الزاهــر وعانـــق كتاده
......................الجــو صــافي والقـواريش جــحــار



وبلــيس غــايب والحسد والقــراده
...................النفس زيــنه والمناعــير حــضـــار


مجلس شــرف شــب جمع مــع عــواده
......................ســوالف ٍ ذربـه على بـن و بهــار


ما ضـــم غير اهل الشــرف و العباده
.....................و اهل القتاته مـالهم عنـدنا كــار


هـذا هـوى قلــبي وغــايــة مــراده
.....................لو خـــيروني غير ما قلـت مختــار

مرحبا والله ومسهلا بالنادر وحياك الله وتشكر على ذا القصيده


الطيبه التي تزيدنا فخر في هذه الهوايه.


ومرحبا بك وتسلم على التوقيع.

اخوك: المري

لأحياء قصائد المقناص..

وهدد الطيور.. خصوصاً الشواهين


لاهنت يالمري على الأختيار


تحياتي

مرحبا اخوي عبد المحسن وماقصرت الغالي


بس وين عينت ذا الموضوع اللي له اربع سنوات!!!!!!!!!!!!!!!!

[align=center]الاخ المري
اسعد الله اوقاتك
قصيده معبره ( بس ودك ماطوفها يومين من العشا)
هذه احدات المقناص وضياع الطير يصير في كل الاحوال 0 شكرا لك وننتظر المزيد0[/align]