Tweet
هذه قصة حقيقه وفيها طرفه بجيبها لكم بالعاميه.
من 15 سنه تقريبا بدو الشيبان في نجد يتعلمون قيادة السيارات وخاصه الدداسن وفي احد الايام اجتمع شايبين رحمة الله عليهم ، في ددسن وهم ماشين أقبل عليهم راعي ونيت مسرع بلحيل والمشكله انه ناصيهم في خطهم .. المهم الشايب السواق شغل المساحات قال له الشايب الثاني : وراك شغلت ذولي .. قال: علشان يروح عنا إيمين والا يسار .. قال الشايب الثاني : آآآآآآه كذا لعنبو ذا النصارى ما خلو شي . وسلامتكم
ياحليل ذولاك الشيبان لهم قصة ثانية بعد:
راحو مره يروون ماء في المطارات اللي تحط في الدداسن .. تعرفونها اللي تعبي الحوض وثقيله على الموتر .. المهم مشو وكانت أول رحله لهم وهم راجعين طبعا الشايب اللي راكب ما يعرف يسوق .. ومتعجب من خويه ويقول له ما شاء الله عليك يابو فلان تعرف تسوق.. قال ماشفت شي .. بس إن الله فكنا من ذيك الشجره حنا سالمين .. قدر الله ولا عن الشجره مفر .. وصدمها وتعور الشويب اللي معه .. قال له مانيب قايل لك .. قال الشويب ماصار الا الزين الا سلم العود الحال تعود. وسلامتكم
تعليق