من حصّل غازي بن دغيّم

[align=center]مساكم الله بالخير أخواني و أخواتي



الشاعر غازي بن دغيم لا شك غني عن التعريف

وكان عندي له شريط بصوته


ولكن للأسف يقولون الطيب خطابته واااااااااجد


من يعرف له إصدار رسمي أو شخصي مسوي خير لو يدلني عليه[/align]

كفو..

والله غازي بن دغيم قصيده يطرب الكثييييييير

وانا احدهم بس للآســف ما عندي اي معلومه عن إصداراته ....

وفقك الله يابو محيا .


تحياتي



..

..

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=""]
استلم يابو تركي

وهذه الرائعه لشاعر / غازي بن دغيم :





يالله طلبتك من مطر غـر الامـزان
ينشي من القبلـه نصوبـه مزابيـر
كنه خشوم طويـق نـوه اليـا بـان
سيله يشيل اغثاه فـوق الشناظيـر
حيمون سيله يدهج شعيب خضـران
حيثـه مـرب معـزلات الغنـاديـر
ياما يربـه مـن جهاجيـل غـزلان
خشـوف ريـم يدهلـن العثامـيـر
منهن بليت بحـب سحـاب الاردان
اللي عليه القلب يكفخ كمـا الطيـر
اللي شعاني شعيـت الركـب ذيـدان
ذيـدان عـزب رتعـوا فالمخاضيـر
واق الرقيبـه قـال هذيـك الالـوان
وقفـوا عليهـا مبعديـن المعاييـر
اتلى العهد به يـوم تلتـم الاضعـان
وقفوا وانا عينـي بذيـك المظاهيـر
اقفـوا وقفوبـه طليقيـن الايمـان
اهل الثنا واهـل الوجيـه المسافيـر
من دونه اللي فاللقى تـروي الـزان
لاجانهـار فيـه غــز القناطـيـر
راحوا وراح القلب والـروح تلفـان
وحنيت حنت مخلجات علـى ضيـر
حـل العصيـر وفارقنـي مسـيـان
الله لا يجـزا اخـر اليـوم بالخيـر
امسيت ممسى البين والطرف سهران
واصبحت اشرف عاليـات العناقيـر
اقنب كما يقنب من الجوع سرحـان
الصبـح جـاه وحاديتـه النواطيـر
غديت من فرقى النيا تقـل حيـران
ضاقت عليـه فجوجهـا والمعابيـر
منـازل فيهـا يهـلـن الاعـيـان
من حب اهلها بالدمـوع الشخاتيـر
احب واغلي من غلـى ذاك عـدوان
لو حربهم لي حرب جسـاس للزيـر
يلومني خبل امـن الحـب عجـزان
ما هو هـوى للـي ثمانـه مغاتيـر
ماله جدى الا يغـري فـلان وفـلان
وسط المجالـس بالسـب ومعاييـر
ويصورون العلم لو كـان مـا كـان
ويـزورون الحمـل بوساقـة غيـر
ما ولعتهـم سجـة بعـض الاحيـان
تبري الهموم الـواردات المصاديـر
وانا المولـع لـو يقولـون غلطـان
ما طيع ومثلي ما يطيـع المشاويـر
ما ينعذل فـي واحـد حبـه جنـان
حبه يشقـر ثومـة القلـب تشقيـر
غرو عيونه حطـة القلـب نيشـان
لا حققت ترمـي سهـوم المقاديـر
ولا هوب يرحم لا رحم منـه جـدان
ياخـذ ولا يـدي ولا لـي مثاويـر
يا ليت عرفه مـا تصـور ولا كـان
ما رتحت من شوفه ولا رفقه خيـر
تمت وصلى الله على نسـل عدنـان
ما لعلع القمـري بـروس العناقيـر







من روائع الشاعر/ غازي بن دغيم:




يا زين شوف الخضار وهدة الطيري
الاشقر اللي من الشعلان مطروحـي
ولا من الجفر جابـوه الصقاقيـري
اللي على الطايره والـدرج ذابوحـي
الاشقر اللي بعض ريشـه مغاتيـري
ياعلها ما تشوفه عيـن مشفوحـي
يفرح به اللى قنص وقت المخاضيري
لا قالوا الحد الاقصى فيه مسموحـي
يبغى التريله وخشم غراب والديـري
قدام تكثر قنوص الصيـد ويروحـي
لا طاح من مقدم الوسمي مباكيـري
خطايطه في طرفها الصيد مزيوحـي
يا زين طلعه على الجول المدابيـري
في مربعٍ ما وطابه عزب وسروحـي
راعيه لا زان وجهه يهمل السيـري
ما هوب لا طار عاج الراس للوحـي
لا حقق الطلع في دعوبٍ مناحيـري
لا صاح له راعي الملواح ما يوحـي
عينه اليا شاف حفـان المخاميـري
عين ابلجٍ شاف جار البيت مسدوحي
مضراب كفه يجي ريشه معاصيـري
وان طار منه يلوحه فالهوى لوحـي
ولولا كذا مـا دفعنـا بـه دنانيـري
نبغى الوناسه وتالي الروح بيروحـي
وراعي الولع ما يحسّب للمخاسيري
لو قالوا الناس ماله منه مصلوحـي
وليا حصل خوة الربـع المناعيـري
يجلي صدى الكبد خوة كل ممدوحـي
شوف اشقر اللون والربع المسافيري
يصبح به الخاطر العمسان مشروحي
هذا يعزيك مـن بيـض الغناديـري
لو كان معهن عجايب هرج ومزوحي
احلى من الغند في در المصاغيـري
اليا صفن لك وباب الحب مفتوحـي
اللي عصن شور اهلهن والحجاجيري
وشامن المن شام يبغي كل مملوحـي
ان اقبلـن مـا يكثّـرن المعاذيـري
وان دبرن طارد المقفين مجروحـي
كم واحـدن وردنـه جمـة البيـري
يلعب به الجال من صوحٍ الى صوحي
وعبّرت من بايقين العهـد تعبيـري
الطير واللي لخده بالدجـى ضوحـي
تمت ونرجي لعـل الخاتمـه خيـري
وطلب من الله عساه لطلبتي يوحـي
[/poet]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=""]
غازي بن دغيم بعض الابيات رثاء في
الشيخ ناصر بن عضيب ابو ثنين يرحمه الله




عسى الله يرحم شايبن مات له يوميـن
قليل الغثا يفـرح بـه الجـار والعانـي
قليـل الغثـا ماكـدر بهرجـه الادنيـن
ولا جـا مجالـه قيـل لعلـه اجنـانـي
عسى الله يعوض الشايب اللي جنابه زين
لعله يجـازا يـوم الاحسـان بحسانـي
عسى الميت الغفـران والعـز للباقيـن
نشامن نشـو بالطيـب ماهـم برديانـي
ترى ما يموت الا الـذي خلفتـه ***يـن
ومن خلف ابطالـن يذكـر وهـو فانـي
ترى شايبن لا مات ماتـو معـه حييـن
غدى بسمهم مع قسمهم طيـر حورانـي
وترى شايبن لامات مـا ماتـو الثانيـن
الا منه راح يظهر موكره طيـره الثانـي
مثل ناصر اعيالن بكـل الوفـا وافيـن
صخييـن بالواجـب وللـعـي عيـيـن
من اللابة اللي تلطم الضد لطمـن شيـن
جمالين لا منـه رقـص كـل شيطانـي
[/poet]

وهذه القصيده للشاعر / غازي بن دغيم العجمي وهو من عمالقة الشعر في الوقت الحالي وله العديد من القصائد التي تعتبر من نوادر الشعر ، وهذه القصيده يرد بها على الشاعر سعد بن سرور المطيري عندما سيّر على بن دغيم في مجلسه واعطى سعد هذه القصيده لشخص كان معه يدعى صحن وقال له : ضع القصيده على المتكى عندما نخرج وبعد ان خرجوا ورجع ابو دغيم للمجلس راى الظرف وفتحه فاذا هي قصيدة سعد اللي يقول في مطلعها:

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]


الجمس يــــا غـــازي يبي لـــه مشاوير
مــــــا ينقني لـــــو طولـــة وقفت لـــه

فرد عليه ابو دغيم:

حيـيـت يـــا خـــــطٍ لفــو بـــه مساير=منـشـت مـــزونٍ بـــــالمـطــــــر مستهله
خـــــــطٍ لفـــاني فــيـه حكمـه وتعبير =جـابــــه صحـــن ومــروحه راعــيٍ له
الخـــط مــن شـــوق البـنـي الغنــــادير =سعـــد عشـيــر اللـــي رمــــوشه مظله
وهليت يا بـن ســرور حشـمـه وتقــدير =ســاعة قريــت اسمــك بصفــح السجله
هليت بــــه وحسـبـت لك مقـصـدٍ غـير =واقـــــــول ينخـــاني وانـــا فــــزعةٍ له
احســب بــــلاك اللــي نـهـوده مـزابير =اللي مثــــل ضـــوح القمـــر لبـــةٍ له
ريـــمٍ ربـى مـن بيــن ذيــك العثــامير =اللي يشـــوفــــه يفـخـت العقــــل كـله
وثـــرك تعـلـم بــــالصقــار الصقــاقير=العــرف مــا يعــرض علــى عارفٍ له
الجمس لـو ينـطـق تعـــوذ مــن السيــر=كــــــــم خبـــــةٍ فيهـا لقـــي جــــرةٍ لـه
يــامــــا وراه يـطيــّــر العــــج تطـيــر=لام ابعـــــد الميــــلاف عـن شوف خله
ستين يـــــــومٍ للحبــــــــاري مــــداوير=يوم الــــربيع ابطـــى يجـــي فيـــه خله
هذي ارادت المعبـود والـــي المقـــادير=الصيـــــد جينا يـــــا سـعـد مــدهـــلٍ له
قنصنا مـــن الارن شمــال الــى الــدير =وجينـا العـــراق ومدهـــل الصيـــد كله
شــرق الغـدف شرق الرويات والشير=يــــا زيــــن والله يـــا سـعــــد قنصةٍ له
اجــوال فــي ذيـك الفيـاض المخاضير=الطيـــــر سبـقـه كـــــل ســـــــاعه يتله
لا شــرّق وسمـّــر علــى الطلع تسمير=ينــومس اللــــي فــــــــوق كـفـــه يشله
يـــامـــا طلــع منـــا عليـهــن مخــامير=وضايف لهــن والطيـب مــن عـــادةٍ له
وردو اســــــــودٍ ينطـــرن المصــافير=ربــــــعٍ علـى شــوف الحبــــاري مغله
وكثــــرت عذايـــرهـن وفيهن مكـاسير=وراع الوحش يفــرح علــى علـومـةٍ له
وضحو بخـــورٍ مـــا وطيبه ولا زيـــر=علــى مـداس الجــــول فـــي مـرتـعٍ له
والـــرزق عنـــد اللــــي عليــه التدابير=رزق المــــــلا رب المــــلا كافــــلٍ له
واليوم يا بن ســرور ذي ربطــة الطير=والا الهــداد الــزيـــن قـــد فـــــات حله
والصيد راح امــن السهــــل للمــواعير=ووسط الطير هاذي يـا سعـد حــومةٍ له
الصيــف جــاك وكــل يــومٍ معــاصيـر=والقيــــض عقبه يـــا سعــد مــردفٍ له
زين أربـاط الطير وحرص على السير=وكثـــر عليـــه الـبـيـض فــي مـربطٍ له
ايــام موقفـت الضــوامي علـــى البـيـر =اكــــــــرم بهـا طيـــرك وزيــــن محله
لينــه يــزل القيـــض كله علــى خــــير =ونجـــــم السويبع يطـلـع الفـجـــــر كله
عســـاك هــاك اليـــوم مـــالك عواثـيـر =بجــــاه مــن نسجد ونـــرفـع ارضن له
وان قيـــل طــاح مــن الوسامي مباكير=والصيـــــد يــــذكــــــر عيـــّن وعينتله
دن الحمــر ومشــو عســاها مســـــافير =الطيـــر قــرنـس والهـدد منـــــــوتٍ له
وعليــــك بخــوّة نــاطحين المخـــاسير=انشـد عـــــن الطـيـــب وكـــوبــان خله
تــــرى الــردي لو كان اميرٍ على امير=تـــــــرى مــــــا ينفـعـــك دقـــــه وجله
عليـــك بالـربــع القــــروم المســـــافير =خطـــو ابلـــــجٍ مـــن رافـقــه مـــا يمله
هذا جــواب مسخّـــــر القيــل تسخــير =مثـــــايلٍ تبــري علــــــى العـمـس عله
تـمـت وصلـــوا عــد وبـــل الشخـــاتير=علـــــــــى نبـّــيٍ نتّبـــع سنـــّــــةٍ لــــه
[/poet]

مفرح

الله لا يهينك

تحياتي لك

أبو فهد


عمك غانم

و معلوماتي تقول ان ابن دغيم ماهوب عجمي



أنت متأكد ؟؟

أما ما أوردته فبيض الله وجهك

ولا قصرت
ولو ان طموحي أكبر من ذلك