نداء هام والفزعه يالنداويه

[شفق]

الاخوه النداويه

مساكم الله بالخير

عن طريقكم اوجه هذا النداء والعتب على الاخ ولد عبس
وان كان لي حق التشره عليه ارجو مساعدتي حتى اخليه يرضخ للحق

يالنداويه

هذا الرجال اتشره عليه عندكم
ان كان له حق يطلبه وان كان الحق لي ساعدوني على اخذه

هذا الرجال لي وقت وانا ادرو عليه لا جوال يرد عليه بصراحه (مزلبني)

ان كان زعلان يعتب علي ويبشر بالحق
وان كان تكبر لا يرفع راسه على اخوه

ارجو ان توصلوا له العلم وتوفقوا بيننا

يبن الحلال انت ما تدري وش صار له ....

هو مهوب فاضي هاليومين .... بعد مالقوه نايم بالثقبه ...

صارت عليه مشكله .... بس ماعليك الرجال ذيب ...

سوى قصيده ذاطولها وخلص من مشكلته والحين هو مشغول في مشروعه الجديد ....

اقوللك عنه بعدين

محمد القعبوبي من احب الناس عندي ولو اني احش فيه واجد والظاهر انه بيتفاهم معي يوم من الايام ...

وتراه ماعنده صفه ( التزليب ) هو عنده صفه القرامه والمرجله .... يحريبها ابو فرحان ..<<.. وشهو عقبه .. عقب ما حشيت فيه

موجود طال عمرك اتصل عليه ويرد عليك الا اذا كان رقمك مهوب مميز تراه مايرد تعرف .. مشرف



تحياتي لك ..

[شفق]

هذا بلا ابوك يا عقاب

لا والله الرقم من كل وادي طلي

دوب حصلنا جوال وتقول رقم مميز . مميز مين يا عم

المهم

بيض الله وجهك يا بو راشد

والله يحل مشكلته مع ذا القصيده اللي ذا طولها

وبعدين تدري انه جاري في بقيق المخنز لكن لا يسير ولاينثبر في البيت اسير عليه بس سردادي مردادي بين بقيق والجبيل

على الله

الله يقطع شرك خليتني احش في اليهودي وهو حراما الحش


بيني وبينك يابو فرحان الف معنى
واول بداية المعاني اخرتها

اشوفك على خير يابو راشد والبيت موجه للقعبوبي.

وووووووووووووووووووووووووووووووووووووووول

لوووووووووووووووووووووووووووووووووووووووول

لوووووووووووووووووووووووووووووووووووووووول

لوووووووووووووووووووووووووووووووووووووووول

لوووووووووووووووووووووووووووووووووووووووول

بس خلاص عاد من لول ذي

بصراحه شايف الموضوع مبطي بس أتغلى ودي انها تقبس بين بن راشد وشفق ...لكن عييوا الشياطين ماسكين أنفسهم

لكن خذوا هالبويتات

بين الشفق وأمري القيــــسي

............................. يالله تجـــبـــر عــزاويـنا

الذيب ما ينطـــح التيــسي

............................. والعنـــز مازرات المــينا

لكـــــن تعـوذ من بلـــيسي

............................. ياللي قطعت الرجـــاء فينا

لـو شفتـكم وسـط باريـسي

............................. تكثــــر عليكــم شكاوينا



ولـــــــــــــــــــــــ عبس ـــــــــــــــــــــــــد




[تم تعديل الموضوع من قبل ولدعبس بتاريخ 05-21-2001 الساعة 04:13 AM]

[زايد القلادي]

اول شي مساك الله بالخير يالغالي
نشكر حرصك وحبك لولد عبس
وانا اعتقد انة ماهو ناسيك ولامتناسيك
لان محمد عودنا على التواصل
التكبر شي لايعرفة محمد وانا اشهد بذلك
واذا بغيت تعتب علية حياك الله والعتب مقبول
واذا تامر بشي حنا سدادين
وترى يمكن ولد عبس يتغلى

[ابو هاجوس]

مصائب قوم عند قوم فوائد
انا ارسلت لة رسالتين ولغاية الان
مارد على لاكن ابنتظرة لغاية بكرة
اذا مارد هذا راجع لة وانا احترم رائية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبيض الله وجهك ياشفق على فتح الموضوع
على فكرة تراه معذور وليد عبس الايام هاذي
اشغالة كثيرة الله يسلمك .
لاكن دق علية من رقم جوال مميز يعني
كل الارقام خمسات يمكن يرد عليك لوووووووول
وعسى الله يجمعكم على خيـــــــر
وانت مثلك عارف المشاغل اكبر من التفكير
وعسى الله يعين عليها
بلغ سلامي لك ياشفق
وعلى كل من يعز عليك
واعتبر الموضوع سمن وعسل لاكن ؟؟
تحياتي شايبك ابو هاجوس

[شفق]

لوووووووووووووول

الله الله الله

ابو هاجوس بلحمه وشحمه

يالله حي هالرجال, والله ويشهد الله اني اسأل عنك باستمرار

ويشهد الله ان اخر مره كانت البارحه الاحد في الليل

تدري انك شاغل كل تفكيري

لا وحاط مسابقة سحب على شانك والمتسابقين يا كثرهم

شايبي ابو هاجوس:

ارسل لي ايميل على: shafab77@yahoo.com

---------------------------
اما بالنسبه لورع عبس حالف ان مسكته لا اتوردس في بطنه
يلعن ابو الزلب ياشيخ ولا كنه جاري هالمروح

تدري ان علاقتي معه من عدة سنين
===========
حبيبي ابو هاجوس

تقبل احترامي

شفق

كل ما قريته عن ولد عبس يشهد الله انه من اللسان ويضحك بعد, ما يتعدى وراه.؟

[ابو هاجوس]

ياهلوووو والله يا الأبو
جاك ابو هاجوس بشحمة ولحمة
اشكر لك هذة الفراسة العربية
واحييك واشكرك على السؤال عني وهذا يسعدني
وانا واقول الله يعينك على المسابقة بس
ما قلتلي وش الجوايز يمكن تكون وضح ابل يعني
لااننا في موقع يخدم التراث والابل من اهم ركائزة
كونها استقطبت العديد من بنات افكار الشعراء القداما
والمعاصرين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طيب وش الاسئلة اللي حاطينها
يالغالي اذا قدرت تكشف لنا
عنها قدام الربع على شان
يقدرون يشاركون في الحلول ؟؟

وعسى الله يقويك ياشفق على الجهود المحسوسة والملموسه
وعساك ذخر للطيب وللفزعة ؟

انت تعرف ولد عبس من عدة سنين ؟
وانا اعرفة منذزمن يقدر بستمائة عام تقريبا ؟؟
صحيح لاتضحك وقرب على الشاشة 600 سنة اعرفة
لاكن حجم تجاربي معة لاتتعدي فنجان قهوى سادة
على الكرنيش .....؟؟؟؟؟
ويعجبني فيك روح الصداقة التي تكنها لولد عبس
وانا اعرف ان الموضوع فبركة لاتتعدى ضحكة السان
والقلوب يابوك شواهد
تسلم لي ويسلم لك ولد عبس
وعسى الله يديم حبكم وصداقتكم
شايبكم ابو هاجوس
معذرة يالغالي انا لااملك ايميل
لاكن سوف ابعث لك رسالة من عند صديقى
في وقت قريب انشاء الله
وشاكر لك الروح الطيبة

[شفق]

كنت اقول يا قل الرجال المشاكيل في هالوقت, واليوم يا كثرهم بسبب رجل واحد هو انت.



والله لو كملت قرائة كلامك كان ما ضحكت, لكن قد ضحكت بجد يا ابو هاجوس.

المسابقه انتهت وحنا هالحين في عملية الفرز اللي يمكن تطول لكن اذا الجمهور يريد المشاركه فسوف نقوم بتمديد المسابقه يومين فقط, تخبر الامانه لها دور

اما انتم يالفراعين انت و ولد عبس حسابكم لحال. فمنذ الازل والفراعين مشكلتهم مع العالم مشكله الى يومنا هذا.

600 سنه, ما اقول الا يا كبرها عند الله كبراه, اجل وش خليت لولد عبس .

اكيد هالحين تلقاه مجهز اعذار ما لها مطار توقع فيه.

على كل حال والله اني مشتاق لقرائة ايميلك اللي راح ترسله وسوف اخبرك بما يلج في صدري من سؤال يضرب في جنبات القلب كما يضرب الدلو في جنبات بيره.


تقبل الشكر مرفوقا بكل الحب والامتنان.

اخوك

[ابو هاجوس]

المشاكيل شرواك وشروا الاخوان واجد عسى الله يكثرهم
وعلى شان كذا انا احييك ياطويل العمر من قلب عود
مايعرف غير المواجيب درسها ودرسها وتتلمذ عليها

جعلك سالم كان المسابقة انتهت نقول الله يوفق الجميع

بس حبيت تضيف السؤال هذا
غربة الروح وش علاجها اذا كانت غربة الوطن علاجها تراب الوطن واذا كانت غربة الحبيب دوها احضانة اجل وش دوا غربة الروح
تكفووووووووووون علموني ؟؟؟
-----------------------------
انت تقول 600 وفراعنة حنا تفرعنا في مامضى وضربنا البحر
وكانت النيجة بروز قانون الثريا وثريا .
------------------------------------------
مجهز اعذارة
بعض الاعذار ياشفق ماتشفي الخاطر العمس وبعض الخطايا جرحها
اكبر من الشاش وبعض الكسور اكبر من الجبيرة ؟؟؟؟؟؟
كل الذنوب غفرها العزيز الحكيم الا الانتحار ؟؟


ايميلي ابشر فية

fawaz1995@yahoo.com
وانا جاهز لك اللي تبي ويسلم البير وماء البير العذب
ودلو البير والرشاء والمحالة
والله اني جاهز لك الاسئلة ان كانت بالشعر ولا التاريخ
ولا السياسة ولا علم النفس ابرك الساعات ياشفق اللي
اشوف ايميلك يالغالي


ارجوا من الاخوة الاعزاء والمراقبين عدم المشاركة برد لانة موجة
لشفق بغير قصور فيكم لاكن الوضع متكهرب يالربع الله يسلمك
شفق راسلني اليوم يابعد حيي
الله لايهينك ياشفق وعساك ذخر يالغالي
ويسلملك ولد عبس بلغة السلام الوطني لوووووووووووول

تبقى وتدوم ياشفق على الاهتام والروح الطيبة

[تم تعديل الموضوع من قبل ابو هاجوس بتاريخ 05-22-2001 الساعة 03:21 PM]

[شفق]

قريت و وقفت ساعه ! مدري انسخط فكري من قوة تعبيرك؟

أو اني عجزت اصل الى مستوى تفكيرك؟


والله انك ما درست الا الطيب والمرجله وتعلمها وانا من تلاميذك.
ولا هو غريب العود لاحترق احترق عود


غربة الروح, سؤال صعب والاجابات اللي تحوم حوله يا كثرها لكن اين الاقرب؟ هذا هو السؤال الصعب لاجابة غربة الروح.

الصدق والنيه الحسنه وتراقص الحواس الخمس قد توصل الى (حمى) الروح ولكن لن تصل الى الروح.

اذا كانت الروح علمها عند ربي (يسألونك عن الروح قل علمها عند ربي) فكيف لنا نصل الى علاج الروح.

علماء الدين مجتمعين مع علماء النفس والفلسفه لن يصلواالى فك هذا اللغز.

والؤال الان موجه لك : منذ الازل والصراع قائم بين القلب والعقل او العقل والقلب

فماهو الاول في الانسان القلب ام العقل؟
وايهما يتحكم في الاخر؟
______________________

انا ما قلت 600 راجع واعرف من اللي قال 600 اما الفراعنه فهذه اعمارهم اما تفرعنكم فلم يصل الى بلاط كسرى وقيصر من مصركم في مصركم.
=====================
ما كل الجروح جروح ولا كل الكسور كسور. وصحيح ما للعله الا مداويها
000000000000000000000

فقط عطني فرصه وسوف ارسل لك ايميل وبيض الله وجهك على اعطائي ايميلك.المشكله انا اول من اعطاك الايميل يعني المفروض انك ترسل لي انت. لكن تدري ولا يهمك يا ابو هاجوس يا تاج راسي عساك ما تخلى ولا تعدم.

فقط انتظر

+++++++++++++++
لو تركت الدعوه عامه كان افضل لان الموضوع سوف يصل الى امور اكبر منها الان.
لكن الميدان يا حميدان والخيل الاصايل

ابن عبس لا يسلم لي يسلم لاهله وبنته (مي) الله يعوضها في بركة ابوها ويطرح فيها البركه انشاء الله.
ولد عبس راح مرواح القطا لا عاد تنشد عنه.

وانا ما في شدره اصوم ثلاث ايام, اليمين وطلعت مني في موضوعي السابق.

[كحيلان]

تبون حكم
تراي فاضي
جوالي عند ابن عبس
لابغيتوني قولو لابو راشد يكلمه يكلمني اكلمه

[شفق]

هذا اللي خلاك عضو متميز يا كحيلان (فاضي)

خلاص الله يعينا على هالمشوار

انا راح اكلم ابو هاجوس على شان يكلم ابو راشد من شان يكلم ولد عبس حتى يكلمك وبعدين انت تكلمه واذا كلمته خله يكلمني وانا راح اصل اليه بعد هالمشوار... يووووووه تعبت اه اه اه(اتنفس)

++++++++++++
ما عاد هي وين اذنك يا حبشي الظاهر بتصير وين اذنك يا كحيلان
============

كحيلان وفاضي بعد (من يلحقك على كذا)

لو تشارك في ماراثون 1000 كيلو ما يعوق معك ما شاء الله عليك

تقبل حبي واشهد انك نورت الصفحه

يالله لك الحمد..

أشوف وجهي يشع نور هاليومين..


الظاهر انه طاحت ثلاث أرباع ذنوبي ...


الله يعطيكم العافيه ..وترى بو صقر يمون وأنت يا شفيقوه شغلك عندي بس كثر حش على تصفر ذنوبي تكفى..


عبس بوووووووووووووي

[ابو هاجوس]

بالله عليك ياشفق وش العلم تبغاة يكلمني طيب وش يفيد
الكاس لاتنثر بة فستق وحلوا؟؟؟؟؟؟؟؟؟؟؟؟؟؟؟؟؟؟؟؟
سؤال اكبر من الهرم وزوارة ..
تحياتي لك



[تم تعديل الموضوع من قبل ابو هاجوس بتاريخ 05-24-2001 الساعة 03:51 AM]