ملحمة البلوت_قصيده فكاهيه

هالقصيده ما اعرف صاحبها لكن لقيتها بالنت وهي جميله وفكاهيه


وباين على اللي نظمها انه لعيب بلوت محترف واللي يبي يتعلم يلعب بلوت يقرا القصيده كأنه اخذ دوره



[poet font="Simplified Arabic,4,black,normal,normal" bkcolor="transparent" bkimage="backgrounds/5.gif" border="none,4,gray" type=2 line=200% align=center use=ex length=0 char="" num="0,black" filter=""]
.
يا حيط طش الورق واجلس على المتكا=خل الورق يا حيط للي يعرفونه
***
يا مرتع الصن والعشرات والاكا=خل التفرنك يفيدك واحفظ فنونه
***
تلعب لحالك ومن يلعب معك بكا=تحوس لعبه وتفكيره ومضمونه
***
خلك على الزاويه صوره مع المركا=تصر عين على الدخان مجنونه
***
جنبك ربوع تحرى تخلص الصكا=كل يحد اصبعه ويفرك عيونه
***
مثل المكيرش عدو الحظ لا تكا=قام يتذكر يسب اللعب وسنونه
***
ينسى خويه واذا به عشرة تكا=صار يتنافض يحسب انهم يشوفونه
***
أما مع القفل لا مخرج ولا فكا=يا حليل اللي يشتري القفل من دونه
***
تلقى الميه دايم عنده بلا شكا=متلبد والخساره منه مضمونه
***
يا حيط قل للمحاسب يترك العكا=حصالته يا حيط ماهيب موزونه
***
يا ليت درج المحاسب فوقه بلكا=لين يتعدل ويترك عنه قانونه
***
يا حيط فر الشريط وشغل الدبكا=ابو شنب جاك يترنح على هونه
***
قام يتمايل تقول الوسط منفكا=يرقص على الطار وسكونه يخمونه
***
والخشم فوق البراطم قام يحتكا=يرضخ على الفم كنه ديد مزيونه
***
يا حيط هات القلم نكتب لكم صكا=صك على النوم يوم انكم تعزونه
***
يا شلة تشرحون الخاطر الظنكا=زموا على القفل يشري لو تغصبونه
***
اما المكيرش اذا شفتوه يتشكا=راعوه لين يتحسن وضعه ولونه
***
لا تعاندونه يحط اللعب مشتبكا=ويقوم يسري ويحلف ما تردونه
***
شيخ البلد يجيب البيت منصكا=يكتب قصيد المرح ياللي تحبونه
.
[/poet]

هههههههههههههههههههههههههههههههههههههههههههههههههههههههههههه ههههههههههههههه


أنا اخو العيال من وين طلعت ذي القصيدة ياغازي بيض الله وجهك على ذا النقل

تحب السوالف المليحه


هذي القصيدة الفكاهيه كانت مداعبه من واحد من الربع وأرسلها على مجلة المختلف سنة 97 أو 96 قد الزلل مني وتم الرد عليها من الربع المذكورين

والاسم المذكور عندك وهو الحيط خطا الاسم كان الحبيط وتم الرد على القصيدة هذي ونشرت بعد في المختلف

بيض الله وجهك ماتدري هذا لها وقع خاص في قلبي وبيني وبينك ماتوقعت أن عادني بقراءها

أشكر جهودك الطيبة تحياتي

صح لسانك

رائعه جدا

وشكرا

لا هنت

يالبراق غازي

اشكرك على النقله الرائعه

يعني ايش البلوت