لغز ( للعرب فيه مصلوح)

انشدك عن شيء للعرب فيه مصلوح ... يعرف وفي كل الدير له نمونه
له مدة ٍ تلقاه جسم ٍ بلا روح ... ماهوب يأكل والعرب ياكلونه
وله هجرة ٍ يحفظ عن البرد والفوح ... لابد يحبس عند عذرا تصونه
ثم ٍ اذا تدخله به الروح ويروح ... يمشي على اقدامه وتفتح عيونه
مع ذا ونفعه للمخاليق ممدوح.... اللي يبونه بالثمن يشترونه

اعجبني هذا اللغز للشاعر ابراهيم بن عبد الله بن جعيثن
فمن يستطع معرفة المعني باللغز وكما قال الشاعر في كل مكان له نمونه والعرب ياكلونه ...الخ

مع اجمل التحايا

السلام عليكم

ماتجيب إلا الزين

اعتقد انه الفقع

عليكم السلام ورحمة الله وبركاته
اخي المحترم فهد
الف شكر على مرورك
وحاول مره اخرى الله لايهينك
هذا الشيء اذا ماكلوه الناس يمشي على اقدامه والفقع مايمشي

السلام عليكم ورحمة الله وبركاته

صح لسانك ولسان صاحب اللغز

ممكن يكون حيوان بحري مثل الحويت وهو صدفة فيها داخل حيوان بحري أو الحلزون

الاخت دهن العود
شكرا لمروركِ وللاسف هو غير حيوان بحري
اقرب لكم الحل اكثر:
ان كنت فطين وذو ذوق ففسر( اللحم من جوا والعظم من فوق)
فهل عرفتموه ؟

اخوي نايف

اسعد الله مساك

كانه ماهو البيضه والعذرى هي الدجاجه اللي ترقد عليه لحد ما يفقس الفرخ

تقبل تحياتي


أختك
الأمل

الاجابة صحيحة اختي الامل
نعم هو البيض وفعلا يؤكل قبل التفريخ والتصويص
لاهنتي

الف شكر لكِ ولكل من مر من هنا
تحياتي وتقديري

عجبني اللغز

تحياتي

اخخخخخخخخ ----- والله اني عارف الحل بس تأخرت 0

بسيطه خيرها في غيرها--------------------------------؟!؟