هل هذا النص لسعد بن علوش؟

[align=right]السلام عليكم ورحمةالله وبركاته

هذه الرساله من زميل لي بالامارات يستفسر اذا كان هذا النص المذكور للشاعر النجم سعد بن علوش

وحقيقةً مع متابعتي التامه لبوجابر الا انني لم اكن متاكدا من كون هذا النص له ام لغيره


لذلك اطرحه هنا للتأكد ممن لديه الجواب

وهذا هو النص

اللى عليه الغنـج ...طبـّـق راحتيـه
........................................... والغنج خصلـة .. تحتوي خصايله

دايم مفضـّـح بي .. وأنا ما قول ليـه ؟
............................................. فضيحته .. ستر الهموم الجايله

صغيـر .. ومدلـّـع .. ومزيـون .. ونبيـه
............................................. أخذت لي عامين .. وآنا آحايلــه

جيته .. رجل عاقل .. معه خافق .. سفيــه
..............................................ما لـوّثه .. دم الحياة الزايله

أنا فدا الغمـّـازتين .. بـ وجنتيـه
...........................................وا ذبـح قلبي .. وا كبـر غلايله

والموت .. لا سولف وعضـّـض .. شفـّـتيه
...........................................أيقنـت بـ حظوظ .. العباد .. المايله

هذا وهو .. ملقوف .. وعنـاده كريــه
.............................................ليا ركب راسـه .. وقام يشايلـه

ليا زعل .. حتى إتصالي .. ما يبيه
.........................................وليا رضـى .. يزعل على .. موبايله

وإن شافني زعلان .. والخوف يحديه
.................................................تشبـّـع الجوال .. من رسايله

بـزرِِ .. قسم وجـه الدلع .. عشرة وجيـه
.............................................. وتعددت على الدلـع فضايله

مدلـّـعه .. جـدّه .. بـ رغبة والديه
.............................................. تدليع جـد .. وتختلف وسايله

وأنا الضحية .. والبزر .. ماله شبيه
............................................عنده لـ رفع الضغط .. قدرة هايله

لا شافني مقبل .. يسلهم ناظريه
.............................................. سلهام خبث .. ونيـّـته متحايله

لأنه يعـرف إني .. بـ سلهامـه .. أتيــه
.............................................. تــوهـة دليل .. وتـاه عن دلايله

وإن قلت له بـ شويش .. شــبّ الله عليـه
.................................................قام يتكسـّـر .. وأسبلت جدايله

وسمعـته يتمتـم .. ويشـّـر لي .. بإيديه
.............................................. والله لا أطلـّـع لك ..نجوم القايله

دلوع ما همــّه .. وانا مجبور فيـه
........................................... ومسامحه .. مهما تكن .. عمايله

دامه يعرف إني .. على أيـة حال أبيه
............................................ وشلون ألومه .. وأتـّـقي حبايله

حفيـت سباريت القدم .. منه وإليه
..............................................ما غير أقابل بيتهم .. وآآخايله

وانا عشان أجيه .. لاحبـّـيت أجيه
........................................... صاحبت منشانه .. جميـع العايلة






ولكم تحياتي [/align]

خالد

يعطيك مليووووون عاااااااااافيه

بصرااااااااحه القصيدة غايه فالجمااااااال والاحساس


والشاااااعر ما اعرفه بصراااااااحه

بس استمتعت بالقصيدة وحبيت اشكرك

فلك التحيه اخوي خالد


الناااااااااايف

يا مرحبا ..

مساكم الله بالخير

القصيده هذي للشاعر

مطلق النومسي

..

تحياتي للجميع