العيد عيدالله .. للشاعر الكبير صقر النصافي

ياعلي خل العيد لأم الدناديـش

اللي تنظف كل يـــــوم جسدها


تبغي تماري ناقضات العكاريـش

في كل ملفاح تنقض جعـــــدها


العيد عيدالله ولو فات حتـــيش

من حسبة ايام يمــــرك عددها


نبي نعلمك المساري على الجيش

تمشي ذلولك لين يفتر جهــدها


خابرك مانتب ضاري للمــطاريش

نبيك تونس حلوها من نـــكدها


ليله على مسرى وليله مغابـيش

وليله نخلي نومها لمن رقــدها


وليله على تمره وليله على عيش

وليله نوكلك اللحم صيد يـــدها


ياعلي لاجيت العرب لاتـــجي تيش

خبل ليا جاب السوالف ســــردها


إحفظ لسانك لا يجي فيه تبــطيش

تصبح عيونك كايدات رمــــــدها


يجيك من يـــنشدك نشدة تكديش

يبي يســـــــنع هرجة يعتمدها


خله يقوم مفلت في يده ريش

يروح منك وحاجته ما وجدها


ترى دعابيل الخبول الفوانيش

تبدي بما فيها ولا احد نشدها


يجيك واحدهم يورش توريش

سحابته يسبق مطرها بردها


واللي لغمقات السوالف مناقيش

قراية الكلمة على اول عددها


تجي سوالفهم ضحك وتبهيش

وقلوبهم ما احد يفكك اعقدها

اخوي الشاعر العيافي
تحية طيبه
وشكرا علي هذا الاختيار الجديد وياليت تزودنا منه
تسلم يمينك وصح لسان الشاعر الكبير صقر

[زايد القلادي]

مبروك مبروك مبروك

أستاذي العيافي شكرا لهذا الاختيار الطيب ولاهو بغريب عليك اختيار القصيد الطيب فانت طيب والربع يستاهلون وانا جيت كلي للمنتداك يحملني شوقي وهواجيسي البدوية الي الماضي ومايحمل من درر فكرية تمثلت بالقصائد الجزلة والرائعة التي لازلنا نترشف من شهدها الطيب الله يديمك يابو فارس
اخوكم وتلميذكم
القلادي

برضه هنا ياالعيافي سجل اعجابي قصيده جميله وتستحق انك توردها وتستحق انا نحفظها واشكرك على جهودك






اخوك/عبدالله