قصيده رائـــ(اسهر الى نامت عيون الهداريس.............بالليل أساهر ساهرات النجومي)ــعه

تحيه طيبه
اسعد الله اوقاتكم بكل خير
لقد جمعت لكم هذه المره قصيده رائعه وشامله لشاعر الكبير تركي بن حميد وهو شيخ من شيوخ عتيبه
يقول الشاعر :-----
تلعب طرب ونا بنومي هواجيس
…………………ماسامرك بالليل كثر الهمومي
اسهر الى نامت عيون الهداريس
……………….بالليل اساهر ساهرات النجومي
أونس بقلبي مثل صـلى المحا ميس
………………..الله يلوم اللي الحالي يلومي
قالوا جهلت وقلت جهل بلا قيس
………………….الجاهل اللي ما يعرف اليومي
ألبنا ما يصلح على غير تأسيس
………………….ومن لا تعلم ما تسر العلومي
ولا خير في كثر الحكا والتماليس
…………………..وقول بلا فعل يجيبه وهومي
والى ركبت امعالجات المضاريس
………………….يبرد على كبدي لهيب السمومي
بالليل اصالي حاميات المحا ميس
…………………..والصبح اصالي كل قبا وكومي
واقفن بنا مثل النعام الممارس
………………….الي خف عجل مع رفيع الحزومي
نستلحق اللي ينقلون العبابيس
………………أهل الفرنج وكل رامي لحومي
وشلف تركب بالرمح الاناسيس
………………….وسلت المهار وكل قبا قحومي
والعز فوق امعسكرات السواديس
……………………الى قصدت اللي بالأشياء رحومي
قب تنازا بالنشاما كراديس
………………….والطير فى روجاتهنه يحومي
ان جن بالميدان مثل الدواويس
………………..وتعاقبو من فوقهن السهومي
عرج بهلهب كنهن القرانيس
……………….على الطريح امصو برات كضومي
حتى يزين النا المثا والتوانيس
………………والكيف طاب المن يفك القحومي
ومن لا يقلط شذرة السيف والكيس
………………يصبح عليه امن الليالي ثلومي
ومن لاخذ الدنيا بميز وتقييس
………………..مثل الذي يسبح ببحر يعومي
كل القلم من كتبنا بالقراطيس
………………….وركابنا من كثرالدلاليج تومي
وشيخ لنا يعطي الفقارى المفاليس
…………………..عساك بالدنيا بعز يدومي
حرً الى دبت عليه النواميس
………………الى اعترض جول الحبارى صرومي
الى اكترب من بعض الأشياء سبابيس
…………………….اعزم ولا بد الفرج للعز ومي
ثوب الفرح لبسك نظيف الملابيس
…………………ان قيل بأيام الكرب والزحومي
واعمل وتلقا وفهم العلم بالقيس
………………….ودنياك لو زانت تراها نقومي
تضحك وتخفي لك خفي الهناديس
…………………..تفطر لنا يوم ويومٍ تصومي
اربع اسنين ودمع عيني اماريس
…………………العين تسهر كن فيها اهزومي
يجلى صدا قلبي ضبيح المهاريس
……………….لاجاك شراب التنباك يعومي
ودلال فوق النار دايم محاميس
………………….اكرامهن حق علينا لزومي
من صنعة الصبه وخمس تخاميس
…………………بريه تعمل بهن كل يومي
وابهاره عشرٍ بليا دنافيس
………………كيف يعدا للنشاما القرومي
عده لحماى الجياد المراويس
……………….والا الحصان اللي بقينه وهومي
وصلو على سيد البريه بتدريس
………………..صفوة قريش اللى مشا باليمومي
عد النبات وعد ذاري الطعاميس
………………….وعداد مايمطر سحاب الغيومي
....................**************................
انشاء الله تنال استحسانكم

طلال الاحمدي
جــده

ابو نصار...........تسلم والله

الله يبيض وجهك يا بو نصار على الاختيار الرائع ,,,قصيده كنت ادور عليها من زمان ......كلها حكم وابداع .......

ما عندك قصيدة تركي بن حميد ...التي منها هذا البيت

اخير منها ركعتينٍ با الاسحار

...............لاطاب نوم الي حياته خساره

اكون لك من الشاكرين

اخوك :ابو سلطان

الخ العزيز ابو سلطان

تحيه طيبه
والله يسعد ايامك ياابن الاجواد
هذ من اصلك الطيب
وابشر بسعدك القصيده غير موجوده لدي لكن انشاء الله ابحث لك عنهاوارسلها لك
انت تامر غالي وطلب رخيص ياابو سلطان

اخوك
طلال الاحمدي
جــده

هلااااا اخوي طلال ..

اختيار جميل

سلمت يمناك

في انتظار جديدك

ويمناك يابنت الاجواد

تحيه طيبه
واسعد الله اوقاتك بكل خير
وابشري بسعدكٍ

طلال الاحمدي
جــده