الجمعه 14/12/1421هـ

سأحاول التواصل معكم اسبوعياً من خلال لغز أستمده مما تطرح الصحف.

لغز هذا الأسبوع كتبه الشاعر ( فهد الجروان ) من محافظة الزلفي..

يقول فيه :-

خــبــرونــي عن فــتــاة بيننا مــا هــي مــقــيـمه

؛؛؛؛؛؛؛؛؛؛؛؛؛؛؛؛؛؛؛ شــارده والهــا مــع الأيــام حــلٍ وارتحــالــي

دايــم تــاتــي عـقـب بنـت لــهــا فــضــل وغنيمــه

؛؛؛؛؛؛؛؛؛؛؛؛؛؛؛؛؛؛؛ اكــلهــا جــايز ولــكن بيعــها مــاهو حــلالــي

هلا وغلا نجدية سدير

كل عام وانتم بخير بعد الزحمه طبعا

يمكن بنت المطر والله اعلم

تحيااااتي واشواااقي

جلمود

الرد شعراً يا جلمود لو سمحت

قلنا شعر ..!!

جبتها وانا ابو مهدي يانجدية سدير عساني صايد ما تفشل ....

اسمعي وعلميني بسرررررررررررعه هي صح والا لا....؟

الفتاة اللي تقولي يالسديريه قديمه

==================== سنها راع الشفاعه النبي ياهملا لي

الوكاد انها الضحيه فيها اجر وهي غنيمه

=================== تنقسم ثلثن وثلث وثلث كل له مجالي

هااااااااااه بشري عساها صح ...؟؟؟

اخوكي / حكيم الجامعه

[تم تعديل الموضوع من قبل حكيم الجامعه بتاريخ 03-15-2001 الساعة 12:22 AM]

انتظرني بكرا .. وارد عليك ،،
الظاهر ما بالمنتدى ذكي إلا أنا وانت ،
الله يجبر بخاطرك ،، مير اشوى لقيت اللي
يعطيني وجه ،،
والله اني ابي احرّك عقولهم .. وانشطها
هم ما يبون .. وش اشوي ،،