شعار النداوي مسابقة افضل قصيدة غزل في صاحبة الصوره هذي

افضل نص شعري في المملوحه هذي لبا قلبها نبي نروح عانيه انا والنداوي وولد عبس نخطبها له ونبي المواهب تطلع هنيا
واعجلوا لأنها جايها عرض تشتغل في عرض ازياء وعرض مذيعه في قناة MBC

وحنا حريصين ماتروح منا - نبي اول قصيده من ذوق المعاني والواثق لأني اعرفهم تهتز مشاعرهم لرؤية الجمال اينماكان وهذي لبا قلبها اللي بتجيب مشاعرهم الأرض وهم الله ربنا وربهم لاوصفوا وصفوا .

هلا وغلا بالدحيمي

قريت موضوع طلب القصيده وابشر انشاء الله

(( الصوره حركه والله الضاهر اني بحط فيها قصيده ))

اخوي محمد الدحيمي....
تراني انا مستبعد من المطلوبين يسوون قصيده انا رجال ماهوب ادنى ما جابني من غير قصور في الربع كلهم وهذا متعدية الوصف ويعجز تفكيري عن وصف هذي الفاتنه العجيبه.

اخوك الصغير/ حكيم الجامعه

اخوي سهم المنايا

عاد لو تمنيتها من جد ماحصلت لك

هذا هي جاتك برجيلها لا حدك

يالله عاد مادام استفزت الشعر فيك بدّع يالذيب اغديها تجي

من نصيبك

ياخي وشلون ماتستفز الشعر بالله

شف لبا قلبها نواعسها مير

والا مبيسمها عساني ماعدمه يبيله معلقه بلحاله

وعلى فكره التصوير جاء من بعيد والا تشوف الزميم وشلون يلق

بخشمها

شد حيلك مير

اخوي حكيم الجامعه

اقول

خل عنك مير هالكلام انا رجال ماهو باي شي يجيبني

بنات النشاما يطوعن ويذللن


وبعدين انت تقول

انا لي مهرة شقرا عجيبه في وصـايفها
تتل القلب من اقصا معاليقي وتقفي به

ياخي بسيطه نزل القصيده هذي فيها وبدال مهره حط كنغره صعبه

يابو مهدي يعني

مالك عذر ياحكيم بتقصد يعني بتقصد والا يعني بتفشلونا يوم

انتخينا بكم ياشعارنا

لا وابشرك بعد

انا بديت اهوجس بعد فيها بقصيده

[زايد القلادي]

لاتعليق

غالي والطلب رخيص والله ماردها في خاطرك

اخوي الشاعر المبدع / محمد الدحيمي ...

يقول راعي المثل لا جل عين تكرم مدينه وابشر بسعدك ما طلبت شي غالي وان اخوك مادام المسئله من الحكي وبابته فلا يهمك انت تامر امر....

علشان الدحيمي بابدع الابيات وانظمها..

.........................وابارسلها مع الطارش يوصلها على دربه

ابا عطل علشانه بلوف الفكر واخزمها..

............................ولا جله يرخص الغالي انا والله باحبه

ترا الصوره علشانك ملاك شفت مبسمها..

......................ومن زود الهوس راع الهوا بالحيل تلعب به

عجيبة وصف عيت ريشة الرسام ترسمها..

....................قضى حبر القلم ما عاد حصل شي يكتب به


ما دري هي بترضيك والا مهيب مرضيتك لكن العذر من الله ثم منك يالدحيمي.....


تلميذك / حكيم الجامعه

امشششششششششششششششششششش يابو فواز

عزتيلك والله

ادري ان الفرقا صعيبه

اسررع مير كمل القصيده لا تفوتك المملوحه

لأن فيه مصادر موثوق بها تقول

ان الواثق الحين فوق طعس حول السفانيه يتهيض

عشان يجينا بقصيدة ٍ ماوراها

ويقول علي النذر ماياخذها ذوق المعاني مني مادامها

قصيد موضوعها هين

ونفس المصادر تقول ان ذوق المعاني يوم درى ببرزة

الواثق بالطعس يسوي القصيده وهو ماغير يزبن على بعض

الشعار بالمنتدى تكفون اكتبوا لي فيها قبل يآخذها الواثق

وحنا محترين القصيد

مير نبيهم يعجلون لأن ولد عبس يبي يروح الحج ونبي نتتم

للفايز بسرعه

الاخ العزيز / ابو بدر

شرهتك والله علي ان كان ظهرت عندي الصوره ... والا اللي مثلك مايرد له طلب ..... حاول انك ترسلها لي علي الايميل يمكن تظهر وأبشر بسعدك .....


اخوك ابو بندر / بحــــــــــــر

[زايد القلادي]

الدحيمي انت مبدع

هلا والله الدحيمي انت شاعر مبدع لاكن اكتشفت انك ساحر اسلوبك بة سحر يابو بدر الله يديمك
وانتمنى ان الواثق يكتب قصيدة وترى ولد عبس يبي يحج لاكن هذا مايمنع انة يكتب لنا قصيدة في هالمزيونة
تحياتي لك ابو بدر

بحـــــــــــر
هاذي الصورة §§§شف الصورة§§§
مساء الخير واسف على المداخلة يالدحيمي
بخصوص الصورة انت مسكر picture من الاكسبلور
هذا ارتباط الصورة ياطويل العمر تقدر تشوفها

الحين اتبع التطبيقات هاذي يابحر
روح فوق لل tools
ومن ثم internet options
ومن ثم تروح advnced
وراح يطلع لك مربع فية علامات صح داخل مربعات صغير
ابحث عن المربع هذا showpictures
حط داخل المربع اللي امام الكلمة صح
وبهذة الطريقة راح تشوف الصور وانت تتصفح الانترنت عادي
تحياتي لك والاخ الدحيمي وشاكر لة طيلة البال على
شرحي الله يديمك يابو بدر ولايهون اخوي ابو بندر

أبشر والله بسعدك يابو بدر بس ترى الصورة ما طلعت وألا البيوت جاهزة

لبا والله قلبها صحيح

تحياتي
ولدعبس

<<<<<<<<


الا يا كنغره لو الكناغر فيك سمعتها
.................... مثايل شاعر ً يالكنغره جالك يغنيها

إن كان تثور ثورة كل كنغر من جماعتها
.................. وكان الكنغرات تغار منها ولا تدانيها

لك الله ما انجضع مخلوق بالدنيا انجضاعتها
................. ولك الله ما به اذاني تشابه ملح اذانيها

مثل بنت ً هنوف ً جالسة تعرض بضاعتها
.......... وجيت ابحث لها حتى حكت لي عن امانيها

اهرجها وكل شوي تناظر وقت ساعتها
.............. تقول مواعده شاعر وتحسب في ثوانيها

وطاحت صورة الي حط صورتها ودمعتها
.............. وعرفت السالفة واقفيت اقول الله يهنيها

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!

هههههههههههههههههههههههههههههههههههههههههههههههههههههههه
هاهاهاهاهاهاهاهاهاهاهاهاهاهاههاهاهاهاهاهاهاهاهاهاهاهاهاها

لبا والله قلبك يا ابو بدر ...وش هالمملوحة....شق وبعج
ياشيخ هذي من اول مافتحت الصفحة لقيت نفسي اكتب بدون شعور
هذي الوجيه اللي شوفتها تمد في العمر...شوف جمال رباني بدون مكياج ولاصبغه ولاغيره لاوالشعر ميش كاريه, اول كان مدرجات بين من العلبا!! بس على فكره باين عليها تساير الموضه حتى في انجضاعتها....يالربع عندي اجتماع بعد شوي في المكتب اوعدكم اسمعكم قصيده في هاللي تهبل تذكرني يا ابو بدر بسالفة ذاك اللي يقولك (يادكتور انس في شاكلتي مثل قولة لااله غالا الله )!!
الحين دوروا الدحيمي من الضحك!!!
سالفتها سالفه هاللي بين قوسين محمد لاتقول لهم كذا لكاعه!!

اخوكم/الواثق

هههههههههه
حسبي الله عليك يبو بدر
خليت الواحد يفكر من جد في الزواج
انا بعطيك كم بيت يمكن اقدر اوصل ولو شي بسيط من وصف هالجمال الابداعي الكنغري
====
طل ناظر شف عيوني شف جمالي ... واضح يوضي كما برق السحابه
الحواجب شكلها مثل الهلالي .... قوسها مثني كما عود الربابه
والجسم ممشوق الا ياهمالالي .... حظ منهو طاح به ثم التوى به
الدحيمي ضاعت علومه قبالي .... طاح حظه ثم تكرفس في ثيابه


واعذروني على القصور والفلل



[تم تعديل الموضوع من قبل فتى القرائن بتاريخ 02-25-2001 الساعة 08:20 PM]

محمد الدحيمي ...
ماضحكت على الصوره كثر ماضحكت على رد اخوي ذهب ههههههههههههههه
هالادمي مبدع بكل شي ...

اسمع طال عمرك : يقول امرىء القيس في وصفه للترف الانبطاحي الكنغري:
يازين غرو من نعومته طايح
.....................غرو يشادي بالحسن بنت (......)

عليه طله تستهيض القرايح
...................... لجله يجيك النضم طايع ومنقاد

الله واكبر يالعيون السوايح
..................... منها كشف وجدي على روس الاشهاد

لايامحمد ماتفيد النصايح
........................... القلب حب ومايفيده تجلاد

ياليت اطيح بجنب حلو السنايح
................... وامسح اذونه كل ما الوجد بي زاد

ترا مهرها كيسين شعير واربعه بيبسي
(مهي بحاجته وهي بهالربيع )

امرىء القيس