لغز وجائزه والمده المقرره سبعة ايام فقط

هناك بعض الاسئله التي تحتاج لاجابه من خلال هذه المشاركه بمعنى ( لغز ) لذلك اتمنى واتمنى ان اجد الاجابة او المحاولة للحصول على الاجابة فقط في ردودكم ولمن ارداد الحصول على الجائزه التشجيعيه عليه الرد على الالغاز الثلاثه سوى وفي ابيات شعريه شريطة انه لم يسبقه احد على حل احدهم 0 علما انه بالامكان استلام الحلول بدون ابيات شعريه وبشكل مفرد كل لغز على حده ولكن ذلك يكون خارج نطاق الجائزه التشجيعيه واكرر واقول التشجيعيه والتي لاترتقي لمقامكم ولكن على قدر لحافك مد رجليك
اخوتي واخواتي استلمو

الاوله مبداه
[poet font="Simplified Arabic,14,black,bold ,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
يامن حروف القاف يفهم لمعناه=حرٍٍ ولاضنيت مثله هداني

سؤالنا ياصاحب العرف سقناه=منهو يقوده بالرسن والعناني

جيتك وابا انشد عن هنوفٍ مسماه=تلقى مع الحيوان والمودماني

ماشفتها بالعين بنتٍ مخباه=لكن لها فعلٍ تبين وباني

معك معي والمعرفه زان مبداه=وايضا مع الجربوع هو والحصاني

فيها اختلاف وكل سيلٍ ومجراه=نتايجه نوب سوات الجناني

[/poet]

والثانيه مبداه
[poet font="Simplified Arabic,14,black,bold ,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
والثانيه مع من قرا ء ماكتبناه=سميته بأرض الخلى له مكاني

معنا وياما ياربوعي نخيناه=لو السميّه مالشوفه ندانــــــي

بين الجماد وبين حيه لقيناه=مع مسلمه وايضا مع الكيفراني
[/poet]

والثالثه مبداه
[poet font="Simplified Arabic,14,black,bold ,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
والثالثه مع من قرى الخط نلقاه=سميته فازت بكسب الرهاني

شالت حمولٍ شيلته ماقويناه=زاحت ظلام وبان للنور شاني

جماد بين الحي واللي صنعناه=ربي خلقها يوم كن غصب كاني
[/poet]

وانا اقول

[poet font="Simplified Arabic,14,black,bold ,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
ياللي قريت حروف قافٍ بدعناه=ماني بها ياقاري القاف جاني

ابي مردك يالسنافي على اه=فيه الجواب لنشدتي وامتحاني

احصد نتايج زرعنا اللي زرعناه=ومن باعني لاماهقيته شراني

ماجيت في درب التحدي ولا ارضاه=عمر الفتى ياقاري الخط فاني

جيت ابي اشوف لبندقك وين مرماه=ومثلك يميز عاليه والطماني
[/poet]



علما انه ليس من الظروري ان تكون الاجابه شعرا او على الالغاز الثلاثه كلها وبالامكان ان استلم منكم الاجابة فرديه لكل لغز وبدون ابيات شعريه ولكن 00000
من يريد الجائزة التشجيعيه ومقدارها 2500ريال فانه يتوجب عليه ان يأتي بالحلول الثلاثه سوى وفي ابيات شعريه على نفس القافيه شريطة انه لم سيبقه احد على حل احد هم

علما انني وبعد انتهاء المده المحدده وهي سبعة ايام اكون تحت تصرفكم وطلباتكم ان اردتم الاستمرار بالالغاز دون جائزه وان اردتم حلولها من قبلي

ولكن وليعلم الجميع ان الامر لن ولايمكن ان يتخذ مسرى التحدي ولازلت وساابقى احد تلاميذكم

واتمنى مايضيعكم مثل كلمة ظلام وغيره ولاتنسون ان الالغاز تحتاج للتغطيه والايهام

دمتم بخير وتقبلو الف تحية وتحية من اخيكم

السنعوســــــــي

الله الله الله

وش السالفه يالربع

الي قرو اللغز 140

ولا واحد منهم حاول ولو برمعه وحده


تصدقون ياجماعة الخير ان الالغاز الثلاثه ماكملن ربع ساعه مع مجموعة الالغاز الي على الجهاز الي يسمونه جهاز القنص

طرحت عليهم الالغاز الثلاثه واعطوني الحل خلال مايقارب الربع ساعه وانتم عرضتها عندكم لمدة خمسة عشر يوم ولم تردني رمعه واحده


هالحين ياجماعة الخير وبعد ان انتهت مدة الجائزه وبالامكان حل حل الغازي كل وحد لوحده وبدون ابيات شعريه

قولو لي وش الي تبونه

تبون تفكرون بالالغاز وترمعون

والا اعطيكم الحل

والا نتجاهل المشاركه ونتركها تنزل للصفحات الاخيره

دمتم بخير وتقبلو الف تحية وتحية من اخيكم

السنعوســـــــــــــــــــــــي