مطلوب الحل لو بقولة مدري :)

[ذيب الغداري]

حي الله الجميع .. هذا لغز ابدعه اخوكم ذيب الغداري .. هو بسيط وانشالله انه يكون واضح للذهينين وانتم كلكم منهم

ارجو المشاركه بحله وان احتاج الامر تقريب ماعندي مانع وشكلكم بتجيبونه

اللغز يقول://
وش منزل عالي له عشرة ارجوم *** ولكل رجم فيه ناس مراقيب

تسعى مراقيبه كل يوم اودوم *** ان المكان ايكون ملفى هل الطيب

ياسامع للقول لا تبعد الحوم *** ان اهتويت الحل خطراك اتجيب

[ابو هاشم]

يمكن تكون مكه والمأذن

[ذيب الغداري]

عد الكره وبتجيبه انشالله

الاخ العزيز // ابوهاشم
رمعتك جيده بس المآذن ما فيها مراقيب وانا شخصيا ما ادري كم عددها

شكرآ لك على الرد والحل قريب منكم بلحييييل لا تبعدون ركزوا على هالكلمتين اللي انا بقصها من اللغز وهي (*** ولكل رجم فيه ناس مراقيب ) والثانيه(لا تبعد الحوم ) و (عشرة رجوم)

يعني الدعوى قريبه وكلكم دخلتوه 100% وش بعد تبون اكثر من كذا يمكن تلوموني على المنزل انه عالي بس هو في نظري عالي وفي نظر كثير منكم بعدوانا متأكد
اخوكم // ذيب الغداري

السلام عليكم ^^


هلا وغلا با اخوي & ذيب الغداري &
والله انها رمعه لا كن انت طلبت المشاركه وهذاهي جتك

المنتدايات النداوي عشره والمراقبين هم مراقبي المنتديات ؟
مدري لاكن رمعه بسيطه



تحياتي ..

اخوك / العنيــــــــــــد

[ذيب الغداري]

جعل اهلك ما يفقدونك



ماشاء الله تبارك الله والله انك جبتهاياولد

رمعتك في محلها ولا قصرت صحيييييييح وبيض الله وجهك ووجه من حضر اهنيا وفي هالرجم خاصه

ومن يقول ..


السلام عليكم ......


اشكرك يا طويل العمر على الاطراء الجميل ورمعه وجت في محلها الصحيح
ومشكور على الغز الجميل يا ( شاعر )



........(......).....؟؟؟؟؟



اخوك / العنيـــــــــــــــد