لغز ـــ ياويش طيرا يطير بجو ..؟

بسم الله الرحمن الرحيم

الاعزاء النداوية :

هذا لغز جديد ارجوا ان ينال الاعجاب والقبول :




ياويش طير(ن) يطير بجو === من دون(ذيلن)ولا جنحان

نوبن يطير حامل(ن)له ضو== ونوبن يطير…بالهواء مابان

جانا من اللي نوانا بسو === اللي نعده من العدوان


وسلامتكم :

العطوي



الله يمسيك بالخير ،،،





ماهو بالقمر الصناعي .

هلا يابن سفران

مساك الله بالرضا

الحل ماهو القمر السناعي

شكرا للمحاولة

ــ

هلا وغلا بالعطوي

انا ماني قايلن القمر السناعي؟؟؟؟؟؟؟؟؟؟؟؟؟؟؟؟خخخخخخخخخخخخخخ

رمعتي الصاروخ

دمت سالم وغانم

ارحب يأ عبدالمحسن

والله هو ما هو اللي انا اقصد ليش ..؟ لان بعظ الصواريح تجي بجنحان.. لكن حاول ونا منتضر حلك


ـ

العطوي

ماهو المظله يعني البرشوت

انت وصلت لكن ابيك تشرح وش لون البرشوت ؟

الغالي / العطوي

الرصاصه

لا هنت

العطوي

كن عبد المحسن قرب

ناسي اسمه بس اللي يطير بالغاز واللهب ياذهب

ويكفي اثنين او ثلاثه

هو

يارجال الا





















































الشهب

اقول والله انكم تشجع على طرح الالغاز .. وكلمكم تعرفون كيف اساسيات الالغاز جميع الحلول اما تاخذ صفه من صفات الغز او حل قريب ....

لكن الحل الصحيح هو حل عبدالمحسن
الرصاصه
الله يعطيه ويعطيكو العافية

الرصاصة احيان تكون زي الجمرة في السماء وحيان لا ....

تحاتي للجميع

اخوي العطوي



بيض الله وجهك على الغز



بس الصراحه راحه >>>>>> يبي ينتقد




((( نوبن يطير حامل(ن)له ضو ))) اعتقد ان الشطر هذا ضعف الغز شوي لنه شبه انه غير صحيح ،،،










بيض الله وجهك اعداد السيل









ننتظر منك الغاز جديده ،،



اخوك // علي

السلام عليكم العطوى عندى تعقيب بسيط

انت تقول ياويش طيرِِ والطير مذكر والرصاصه مؤنث

عشان بس لانختلف بالحل لازم ان اللغز يكون محدد

اسمحلى على التعقيب البسيط

تحياتى لك

علي بن سفران

حياك الله مره ثانية يالقرم وشكرا على تعقيبك ...

يوم قلت حاملن له ضو ....
كان بسبب علمي بمحتوى طلق ( الكلشن ) المحرق او المضوي .. كما يسموه
الطلق المحرق اي طلق سوى طلق اماني ولا كلشن ولا جثري تلقى في راس الطلق العبرود قسم فيه ملح ما يوجد في الطلق العادي يوم يشب يسير زي الجمر يعني زي الضو ...

هذا مبناي له ...

وتقبل تحاتي وحترامي




ـ

فهد مناور وعليك السلام ورحمة الله وبركاته

مشكرو على التعقيب الي يدل على تركيزك وهتمامك ...
والله اني ما بغيت اعقد الامور ...
يوم بنيت اللغز كان في ذهني ((( الطلق ))) وبنيت على انه مذكر
ويوم جا الحل الرصاصة .فكرت ولا ان الطلق هو نفس الرصاصة ...

هذا اللي صار يالذيب

ـــ اخوك العطوي