... لقيت فقعه ...؟؟

[الكويتيه العنيده]

معقوله ما في مواضيع جديده

شكلي بروح الصمان وبرجع ومحد كتب هنيئه

اجل ما راح اجيب لكم فقع .


وهذا مثل على الطاير

قال حسنه ... قال واوزنها


كم طلع وزنها

[شذرة السيف]

اختي العنيدة اذا جبتيلي زبيدي من اهنيه (من الصبية )
اوعدك بالمواضيع الجديدة
بس هاه (فقع صناعة كويتية)


تقبلي تحيات اختك (شذرة السيف)

[الكويتيه العنيده]

ابشررررررررررررررى بالزبيدي

هلا وخيتى شذرة السيف
******************
ويا هلا ومرحبا فيج في هذا القسم وابشري بالطلب

عطينى ايميلج وراح اعبيئه زبيدى من اللى يحبه قلبج ... بس هاااااااااا لا تقولين لاحد ان الفقع طلع بالكويت لا يروحون الجماعه يحفرون ويلعبون بالارض ..... ربعي اعرفهم بس مو بالصبيه اعتقد بالسالمي او المطار وين مكان الربله والرقروق وابشري بالفقع

وحياج الله اختى

فمان الكريم

[شذرة السيف]

والله هذي الاماكن مايعرفها الا ارحمة كميخ

ما دري من راح يجيبلنا فقع عقبه

العام راح يلقط فقع والروحه هي الروحه

يعودنه اكمخته طيارة مدري اقرصه داب

عينتي تيتموا اعييله عقبه لا اله الا الله

حسبي الله عليك ثورتي على سببي

[تم تعديل الموضوع من قبل شذرة السيف بتاريخ 01-13-2001 الساعة 11:19 PM]

اخواتي الكويتيه العنيده , وشذرة السيف كل عام وانتوا بخير بالله على كم الفقع عندكم بالكويت ,اذا حنا ماعندنا شئ كيف يطلع عندكم هناك ,اكيد ان اسعاره خياليه

اختي الكويتيه العنيده ,, لا تعبين عمرك خيتي ,, بر و حوسه و اخرتها فقع كله تراب ,, هاهاها خذي كرتون بطاطس اوفر و احسن لك

بسم الله الرحمن الرحيم

لا تزعلين ..

اكيد مشغولين بالدراسه والأختبارات

( انا اللي فاضيه بس عشاني معتذره هالترم )

اصبري شوي وانشالله مانلحق بعيدين من كثر الموضيع

ذكرتوني في سالفه صارتلي زمان وانا صغير طلعنا مره مع الاهل كشته بعطله الربيع زمان والله مذكر بس المهم كان المكان اظن قريب لحفر الباطن او الوفره المهم كان بين حدود السعوديه والكويت مدري وين وكان ايامها الفقع ماشالله بكل مكان ومره من المرارير هههه المهم الوالد قال: اللي يجمع اكثر واحد ترى اخليه ياخذ دوره بسياره ويسوق لين ما يمل ويطفش من السياره المهم الاخوان توزعوا كل واحد اخذ اتجاه راح يلقط رزقه وانا قعدت اللقط قريب من حول السياره والله وانا القا فقيعه .يا سلام والله وانا انبسط ومعاي ايامها ملعقه او كفشه على قولت اهل الكويت المهم قعدت احفر ابي اطلع الفقعه سليمه, وايامها كان فيه بعارين قريبه في المكان اللي انا القط فيه وطالع وراي وانا احفر ولا اشوف بعير جاي يمي مدري وش يبي المهم قمت على حيلي واقف ولا البعير يوقف وانا اجلس مره ثانيه احفر ولا البعير يقرب لي وانا اوقف وهو يوقف والله شغله كل ما اجلس يقرب ولما اوقف يوقف اخرتها قلت بطقاق خلني احفر والله وهو يجي وهذي المره جاني ركض وينعر بصوته وقمت احفر بسرعه وهو يركض جاي لي ناوي شر والله ومن اللخبطه كسرت الفقعه بيدي وشيل نصفها ونحاش وهو يركض وراي لين ما دخلت السياره وقفلت على روحي وحبسني البعير داخل السياره ذيك الليله وحرمني من المشاركه في مسابقه جمع الفقع في ذاك اليوم.
وخلاص اف تعبت وانا اكتب اف اف