حلوها ؟؟؟

السلاام عليكم



الله يمسيكم بالخير جميع يالنداويه


موضوعنا هو اللهجه او الرموز الريحانيه


كان العرب من اول يتكلمون بهاللهجه فيما بينهم على اساس يفهمون مقاصد بعض من غير مايفهم اللى يكون بينهم

وبنفس الوقت هاللهجه او الرموز لها متعه مع العلم ان الشخص لوسمعها بيقول مالها معنى ولكن الفاهم للريحانيه

يعشقها لانها غامضه جدا وممكن انى اوصل المعلومه لشخص يفهم الريحانى واللى جالسين كلهم مايدرون وش اقول او يقولون هذا يخرف


عموما سوءالى او الرمز اللى بقوله



صينيه فى بطن حيه؟؟؟


فسروولى هالجمله



بنتظار ردودكم

مرحبا يامحمد

آسف على التأخير

الحل معناها ( قفل الموضوع ) يعني ( صه) أسكت

الصينيه من النحاس والنحاس في الريحاني حرف الصاد = ص
والحيه من الهوام والهوام في الريحاني حرف الهاء = ه

تكون معناها = صه , يعني أسكت ,

والله اعلم

خوى المطاليق


مرحبا والله ومسهلاااا


لونى دارى انك بتمر على هالسوءال كان طرحته من زمان



اجابتك صحيحه يالسنافى


وتسلم على مرورك اللى نتشرف به



تقبل ودي

[c]هلا يا بن حميدان

موضوع راااايق 00 وخووي المطاليق من الشعاار اللي مايفوتهم شي ماشالله

بس بغيت اقوولك ترى بعد ابو ثامر ماشالله عليه في الريحااني من المتقنين له بدرجه ماتتصورها

سبق وان لمحت له بنفس الطريقه في احدى المحاورات بيني وبينه 00 وياباالفيت ابا اتفلسف عليه

وكشف اوراقي كلها مع العلم ان المحاوره كانت على الهوى يعني مايمديه يروح يدور 00 دلاله انه فاهم الشغله صح 00

وفيه من الربع النداويه اللي يعرفون الريحاني والدرسعي والابجدي (حساب الجمل) فيه مشرفينا الرائعين

مجعد وابن هضيبان00 كذلك فيه نداوي منقطع من زمان ماشفنا له مشاركات 00 هو عبدالكريم الشمالي

واذكر له قصيده في الشعبي قديمه كان متطرق فيها او ملمح بطريقة الريحاني وعلقت على القصيده

وضمنت التعليق بيتين وعكست مقصوده فيهن علشان ماينفهم الا له 00 وماشالله عليه لقطه على طول

واكيد ان فيه غير اللي عديت يجيدون هاللون 00 والدليل اننا الحين عرفناك يامحمد انك تجيد الريحاني

وهو فعلا رمز جميل وكان يستخدمونه شعار المحاوره بكثره مثل احمد الناصر وصقر النصافي وابن

شريم ولويحان الله يرحم الميت منهم ويبقي الحي

مواضيعك يامحمد دائما تجي مفيده ورائعه 00 واسف على المداخله والاطاله ولكن الموضوع اغراني بالتفاعل معه


تحياتي لك [/c]