إختبار الذكاء "نتيجة مضمونه

اختبـــــار الغبـــــــاء





انتبه وركز معي
هذا إختبار صغير و بسيط جدا
فيه أربعة أسئلة سهلة
لتقرير مستوى فكرك وذكائك


أو مستوى غبائك





الاختبار للجنسين ذكور واناث



أجوبتك يجب أن تكون تلقائية وفورية
بدون تفكير أو إهدار الوقت
ولا غشّ













جـــــــــــاهز ؟؟

























انطــلق

















السؤال الاول

انت الحين مشارك في سباق جري وأجتزت العدّاء الثاني


في أي موقع أنت الآن؟



































الجواب



إذا أجبت بأنّك الآن في المركز الاول تراك غبي

لانك اجتزت العداء الثاني واخذت مكانه

لذا أنت الآن في المركز الثاني



هاه ويش رأيك؟

أكيد جوابك كان صحيح



إذا غلط معليش حاول بالسؤال الثاني


















السؤال الثاني

اذا اجتزت العداء الاخير ! في اي موقع انت ؟

بسرعه جاوب لا تفكر





































اذا جاوبت الثاني من الاخير تراك غبي









فكر فيها شوي










اممم



















كيف اجتزت الاخير وانت الاخير اصلا ؟

لانك اخر واحد وما وراك احد





جوابك كان غلط؟



















معليش معليش حاول

بهالسؤال





هالسؤال عملية حسابيه بسيطه لا تحاول تستعمل قلم وورقه ولا أله حاسبه

قلنا الغش ممنوع











السؤال الثالث

خذ 1000 نقطة واجمع عليها 40 نقطة واجمع عليها 1000 نقطة

واجمع عليهم 30 نقطه و 1000 نقطة و 20 نقطة

واجمع بعد 1000 نقطة و10 نقط



كم صار المجموع بسرعه ؟؟؟



























اكيد جوابك 5000















غلــــــــــط

















امممم شكلك منتب ذكي
أو أنا غلطان؟

تدري ليه ؟
























لان الجواب الصحيح 4100



جرب مرة ثانيه باستعمال آاله حاسبه وتأكد


















ماش اليوم ماهوب يومك









وش انت مفطر؟





آخر محاوله وآخر سؤال




















السؤال الرابع

أبو ماري عنده خمس بنات

1. تشاتشا

2. تشيتش

3. تشيتشي

4. تشيتشا

5. ؟ ؟ ؟ ؟

فكر بسرعه وشسم البنت الخامسه ؟؟
























اكيد قلت تشوتشو؟











لالالالالالالالالا



غلط ياخوي











قلنا لك ابو ماري

مـــاري







راجع اجوبتك واتمنى انك ذكي










منقول

والله اللي احرجتنا يا الحمالي...
ولا سؤال صح...

بس معليش مهب يومنا الظاهر...

حسبي الله عليك .....


ياشينها لا أكتشفت إنك غبي يالواحد


صراحه سؤال اذا اجتزت العداء الاخير هذا غلط



وسؤال ماري


يعطيك العافيه اخوي ... وموضوع حلو بصراحه


لا ماهو حلو ... وآخرتها غبي

تحياتي

أشوى إن ما عندي أحد .....وانا قاعد اجاوب .

بس وش قصة العداء الأخير تراني لها الحين متوهق

تقول كيف تجتاز الاخير وانت الاخير .......ليه ما يصير الأخير يدوس بنزين شوي ويصير قبل الاخير

أختي الرائعه ريم,


ولا يهمك ولا تشيلين في خاطرك , أنا أشهد لك بدون إختبار إنك من أذكي الأقلام التي مرت علي ..



هلابك أختي ريم.











أخي جلال الخالدي,


هلا وغلا والله يا جلال

من قال إنك غبي طيب ؟؟ تكرم والله يا جلال .... طيب ويش رايك أنا أخطيت فيها بعد يعني سجلني معك




لا عدمتك يا غالي









اخي الغالي الفهد,

هههههه

أما هذه قويه يا لفهد يعني ما عرفتها الى الان؟؟

طيب ماني قايل لك فكر مره ثانيه ولا فيه إستعانه بصديق








أخوكم,

الحمالي ..

الحمد لله 3 اسـئله صـح ..

الا تبع الرياضـيات .. يعني مستواي كويس ..

أختي الفاضله طوق الياسمين,

ماشاء الله عليك 3 ترى ماهيب سهله


ناجحه بتفوق

سعيد خليتني اكتشف نفسي وانا قبل اقول اني ابو العارفين

اثر ماهنا سنع لله

كلهن جاوبت عليهن بس ( غلط )

من عبقريتي ولا وحده طلعت معي صح

اروح وأرجع


ومثل مااروح ارجع

يالله اني دخيلك من ردات النصيب


اذا حطيت يابو ناصر مثل هالموضوع ثاني مره اكتب عنده ممنوع دخولك (يابندر)

علشان اعرف انه مثل اخوه اللي قبله

لك تحياتي

أخي الغالي بندر,


ههههههه

واله انك ضحكتني ياخوك..
اعرفك زين يابو منصور تبي تطفي العيون والا انت عبقري وسالت عنك وتاكدت


وابشر بروح ادور اختبار مشابه واعطيك فرصه ثانيه


لا عدمتك ياغالي



اخوك,

ههههههههههه يسعد ايامك يابو ناااصر

اخووك مسووي ذكي 00 ويقوول يمكن لحق العداء الاخير وطافه 00 يعني عد طبلونه من جديد


<=== ماوده يسال ليش 4100 نقطه وهو عادهن 5000 <--طمر هالسوال وقال اخليه اخر شي على باله في اختبار مدرسه بيحل الي يعرفه اول باول 00 والظاهر اني ماحليت شي

الاستاذ00 سعيد الحمالي00

الله يمسيك بالخير00


والله اسعدتنا بهالمسابقه 00 لكن الظاهر ان مستوانا غير00 نبي اسئله اصعب من كذا ؟؟؟


عطنا اقوى منها واصعب منها وبنحلها انشالله00


شكرا لك00 على الاقل عرفنا مستوااااانا00


جـــــادل الــشـــــــووق00

هلا وغلا بأخوي عكاشه

ياخوي لو تترك العجله شوي بتحله لكن أبشر بالعوض وانا خوك , عنديلك إختبار جديد إصبر علي كم يوم وتشوفه إنشاء الله...

"عكاشه "
لا عدمت هالإسم وراعيه




أخوك,

الغالي الأخ جادل الشوق,


أبشر انت تامرأمر ياغالي...

أسعدني مرورك وتمتعك بالموضوع...


لا عدمتك




أخوك,

السؤال الثالث

خذ 1000 نقطة واجمع عليها 40 نقطة واجمع عليها 1000 نقطة

واجمع عليهم 30 نقطه و 1000 نقطة و 20 نقطة

واجمع بعد 1000 نقطة و10 نقط


ابوو ناااصر وربي فكة مخي هالمسائله 00 اجمعها في بالي تصير 5000 مافيها كلاام ولا مكاسر

وبالاله تصير 4100


1000+40= 1040 تمام؟
1040+1000=2040 الى هنا زين
2040+30= 2070
2070+1000=3070
3070+20=3090
3090+1000=4090
4090+10=5000

بس اذا جمعت فوق بعض كذا

4090
+10
ــــــــــــ
4100

بس وشلووون تخدع الاله؟؟؟؟؟؟؟؟؟؟؟؟؟؟ ليش الاله تقول 4100 وانا متاكد انها 5000

<=== يحس ان الاله ماعندها سالفه ههههههه

بو عبيد
يالله صبحه بالخير




اسف لعدم انتباهي لردك هذا , جيت اشوف الغلطه الي انا سويتها في الردود واكتشفت ردك

شفت مثالك الي حطيته ولا أدري انت كيف تطلع معك 5000؟؟؟؟

طلعت معي مثل الحاسبه بالضبط , مدري يابوعبيد وش تفسيرها لكن أنصحك إطلع لأقرب مستشفي وإفصح الفيوزات حقت كمبيوترك


يقولون الحساب: هو فن وعلم إستعمال الأرقام.

وحتى نفهم بعض العمليات الحسابيه الخادعه يجب أن يكون تفكيرنا منطقياُ وتركيزنا قوياً لأن هناك عمليات حسابيه فيها خداع للبصر أو خداع للذاكره أو المنطق.