مزايـن الدّواســر للمجـــاهيــــــم

أعزّائي النّداويّة والزّوّار

مسّااااااااكم الله بالخير00
هذي قصيدة بمناسبة مزاين الدّواسر للمجاهيم قبل اسبوع 00 في الدّهناء 000 والقصيدة للشّاعر/نفل بن سعود الخرفاني الدّوسري

[poet font="Simplified Arabic,14,black,normal,normal" bkcolor="" bkimage="" border="none,2,gray" type=1 line=200% align=center use=sp char="" num="0,black"]
قبل نبدا نذكر اللي خلقنا فالوجود=رازق المخلوق في برّها وبحورها
جلّ شانه ما خضعنا لغيره فالسّجود=والأوادم يعلم اللي تكن صدورها
بعد هذا عد ما حنّ زلزال الرّعود=في مزونٍ لاتنشّت يزين حدورها
يا سلامي يا رجالٍ عريبين الجدود=يا رجالٍ فالمواقف طوال شبورها
يا هل العادات والطّيب والفعل امحمود=المشاعر تبني الشّعر لاجاء دورها
والمزاين صار عند الدّواسر فالنّفود=حفلته في لبّة العرق يجذب نورها
بيّض الله وجه من رزّ للخيمة عمود=والنّشامى شاركت فيه من ميسورها
قوّموه أهل الجمايل محللة العقود=بارك الله في رجالٍ تجمّع شورها
في هواء البل يبذلون الخساير والجهود=ما ثناهم عن هواها جمال قصورها
البل اللي جردٍ أرقابها واللون سود=كنّها مطعونةٍ لامشت فنحورها
طفّحن لحيانها زاهيه زين الخدود=تلفت أنظار العواريف بين حظورها
الأذان أذان ذيبٍ عن المال امحدود=والبدو لاوايق الرّيع شاف نشورها
والخشوم إلها عرانين لا مرّت تحود=كلّ فنسى يفتخر فاللقى مصطورها
والمشارب ظافية جارها الله مالحسود=والجروم كبار وأيضا طوال ظهورها
وبرةٍ فجحا العراقيب غاربها سنود=تنقل المعطان في جنبها بشعورها
عسم أياديها ولا درّبوها بالقيود=كلّ دارٍ لا أزهرت بشّرت بزهورها
خفّها خفّ الجمل وصفها وصفٍ يكود=شوفها للرّوح راحة وكلّ سرورها
المزاين لاثبت والجماهير الشّهود=تعجب اللجنة ويصفق لها جمهورها
هي غنات البدو يوم الكسايف والزّهود=درّّها زادٍ شروبٍ طوال شهورها
والدّواسر في هواء البل يسجّون الحدود=من على وقت الجهل في قديم عصورها
دونها بمصقّلٍ من تصاميم الهنود=وكل شلفى حدّها ورّده ممرورها
يوم قيمتها المنايا وظلمات اللحود=لابتي من دونها مثل عالي سورها
وفي زمان اليوم نعمة وقيمتها النّقود=عند أهلها عاليٍ سعرها ومقدورها
وما على باق القبايل على ماقلت زود=كم رجالٍ تذخر العز مع مذخورها
ونحمد الله كلّنا شعب باسم آل السّعود=هم سلاطين البلد درعها ونمورها
مثل ظلعٍ راسيٍ ما تهزّه كلّ نود=والبلاد كتاب رب البشر دستورها
ويا الله انّك تنصر الدّين وتخذل اليهود=والأعادي كيدها رجّعه فنحورها

وسلامتكم
الشّاعر/ نفل بن سعود الخرفاني الدّوسري
[/poet]

مبارك بن محيا


بيض الله وجهك على هذه القصيده .. بس اذا عندك مقاطع فيديو للمزاين يكون احسن



على العموم وجهك ابيض ولا هنت

الله يعطيك العافيه يا مبارك والله يسلم ربوعنا الدواسر اللي ماقصرو في المزاين



اللي لفو للمزاين لعرض ابلهم جعلو لهم مزاين خاص

عداكم اللوم ياربعنا


وتسلم ويسلم نفل بن سعود الخرفاني الدّوسري على القصيده الرايعه

قوّموه أهل الجمايل محللة iiالعقود
بارك الله في رجالٍ تجمّع iiشورها
في هواء البل يبذلون الخساير iiوالجهود
ما ثناهم عن هواها جمال قصورها
البل اللي جردٍ أرقابها واللون iiسود
كنّها مطعونةٍ لامشت iiفنحورها
طفّحن لحيانها زاهيه زين iiالخدود
تلفت أنظار العواريف بين حظورها
الأذان أذان ذيبٍ عن المال iiامحدود
والبدو لاوايق الرّيع شاف iiنشورها
والخشوم إلها عرانين لا مرّت iiتحود
كلّ فنسى يفتخر فاللقى iiمصطورها
والمشارب ظافية جارها الله iiمالحسود
والجروم كبار وأيضا طوال iiظهورها
وبرةٍ فجحا العراقيب غاربها سنود
تنقل المعطان في جنبها iiبشعورها

لاهنت لاهنت ............



يا بن محيا ............

الله الله
يا زين ذا الكلام
صح الله لسانك والله ولسان قائلها
تقبل تحياتي واحترامي






............................................................ . تميم القحطاني

اخي الغالي مبارك

الله لايهينك

قصيدة رايعة في مزاين الابل

وتقبل تحياتي