فلاح لو تكفخ من الضيق معذور

السلام عليكم
انا مقد شاركت في قسم المقناص
واليوم بنزل قصيده في الطير وانشالله انها تنال اعجابكم



[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=1 align=center use=ex num="0,#400000"]
فلاح لو تكفخ من الضيق معذور=لو كان ماهي يشقر الريش عاده

مرت على تفريعتك عدة شهور= ما شفت يا غير الدرج والجراده

ملعتك التكيه ولا انته بمسرور=يا عزتيلك فيق حزنك زياده

من قريه العليا لقصوان لزور= والفروق أليا حراوي سعاده

غنمان وشبوك وسيايير وطيور =وقشع(ن) تعرض للتلف والاباده

وعجاج مرحان وساطيح ودهور=ادخل على الله غاب وجه السعاده

في الجو ممنوع(ن) وفي الأرض محظور=وجرحك كبير ولا لطبك عياده

وان جيت ابطلع بك من الباب لاالسور=ملزوم من سايستك احظر شهاده

عذرك سمين وصاحبك كله اقصور=لايلحقك لوم وهموم وجلاده

انا قالها الله بدل الدور بالدور=وفرعت في صلب(ن) طرقها حماده

لعقب الفكسار عرعر وابا القور=اهناك لك راده ولي فيك راده

نمسي على الحد العراقي مع جفور=جريرك فراشي و وكرك وساده

نعدي طريبيل مع طرة النور=وعقب العصر في وادي(ن) به كداده

عسى لبيض مقدم الوسم ممطور=ومخالف(ن) عشبه طوارف زباده

نجنب جنوب من عكاشات وحدور=ويقفي على اظهار الحنيه عتاده

دار(ن) غلاها داخل القلب محفور= وقاع الوناسه والطرب والسعاده

اسج انا وياك ففياض وبهور=عدت حباريها على السبق عاده

وغيرار رمث(ن) تنبت العشب واقفور= فيها الزبيدي ما خذ(ن) الرياده

هناك لو تكفخ فلا انته ابمعذور=وان كان مالك يالزيمي جلاده

اما تنومس صاحبك عدة شهور=ولا تعود للدرج والجراده[/poem]


الشاعر مبارك بن ناصر ال شافي

ابو ناصر مرحبا والله ومسهلا

اول شي بيض الله وجهك على نقل ذا القصيده الرائعه

ومن شاعر كبير إلا وهو مبارك بن ناصر ال شافي

شاعر وصقار وعلومه كلها غانمه

والله العظيم اني عرفت نظمه قبل لا اقراء اسمه

لله درك على هذا الاختيار الرائع


وسلمي على بو ناصر

تسلم يمينك يا فهد


وقصيده رائعه وموضوعها رائع


وصح لسان قايلها


وناقلها

صح لسان الشاعر مبارك بن ناصر ال شافي على القصيدة الرائعة

وسلمت يمينك اخ فهد على نقلها

تقديري,,

ابو ناصر مرحبا والله ومسهلا

اول شي بيض الله وجهك على نقل ذا القصيده الرائعه

ومن شاعر كبير إلا وهو مبارك بن ناصر ال شافي

شاعر وصقار وعلومه كلها غانمه

والله العظيم اني عرفت نظمه قبل لا اقراء اسمه

لله درك على هذا الاختيار الرائع


وسلمي على بو ناصر

مرحبا ياحمد الله يجعل حظك طيب
وابشر بوصل سلامك لبو ناصر
ولاهنت الله يرحم شيبانك

ابو ناصر


صح لسانك وصح قلبك

اكيد هن هذي قصيدة صقار مايحتاج


لاهنت ولاهان هذاالحضور الغالي



مشهووووور....

مبخوت لاهنت على المرور

صح لسان الشاعر مبارك بن ناصر ال شافي على القصيدة الرائعة

وسلمت يمينك اخ فهد على نقلها

تقديري,,

الله لايهينتس على المرور تحيأتي

ابو ناصر


صح لسانك وصح قلبك

اكيد هن هذي قصيدة صقار مايحتاج


لاهنت ولاهان هذاالحضور الغالي



مشهووووور....

مرحبا ياشايع الله يجعل حظك طيب لاهنت على المرور