مواصفات الصقــر !!!!

الأعـــزاء جميعـــا

السلام عليكم ورحمة اللـــه وبركاته


هذه القصيده فازت بالمركز الثاني في مهرجان ابو ظبي لعام 2005م في وصف الطير0
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الطير له ميزات ياعاشق الطير = مثايلن للطير دايم مهمات

كلن على قده من أصغير وأكبير = والفعل حظن من بديع السموات

وانا مرادي فالحرار المغاتير = حرن تميز به عن الغير ميزات

من موكرن وسط الجبال المشاهير = جبال فارس له مقر ومحطات

ماهوب تهجينن ولاهو من الجير= ولاهوب مدغوشن ولا فيه شكات

اشعل ظهر والراس لون الطباشير = صدره مسرح والدواغر مضيحات

صافي ووجهه يا صباح التباشير = ماودك تشوفه عيونن كريهات

وعينه اذا شخص تحرابها الخير = عين الشجاع اللي تنومس بهيات

عاري ولاهو من طوال المناسير = أقطم وله فتحات خشم وسيعات

له عاتقن يفرق جماله عن الغير = وأكحوف من فوق الجواهر مظلات

مناكبه عن كل صدره مواخير = بارز نحر فيه الثنادي عريضات

طوالن مواوّيه غرام الصقاقير = ومشددن من ريشته سبع ريشات

جبره فخوذه هجر وكراعه أقصير = كبسن كفوفه والأصابع جليلات

صوايده تشبه لحد البواتير = تضفي سراويله على الكف زافات

شليله ثريا بلون النواوير = لاشرها طاير تقل فيه لمبّات

ماهو خساره فيه دفع الدنانير = يسوى ميات ألوف وألوف وميات

هذا مرادي يالوجيه المسافير = وترى غرام النفس مايشبع الذات

[/poet]

الاخ فهد رفاعي 0

شكرا لك على هذه القصيده المميزهفي وصف الطير -------- تقبل أعجابي 0

ارحب يابورفاعي


عزالله انه اختيار موفق


ووصف خيالي فالطير


صح لسان قايلها وتسلم يد ناقلها



اخوك .. فهد

جميلة ورائعة واختيار موفق

لاهنت يا فهد وسلمت يمينك

وصح لسان شاعرها

أخوك

الاخوان الاعزاء :

عبد الله بن ماجد المنصوري

فهد بن صلبوخ

خالد السبيعي

شكرا لاشادتكم بالقصيده وللعلم فالقصيده لي و شاركت بها فالمهرجان وهذا للتوضيح 0

مع فائق التقدير للجميع

[align=center]ياسلام ياسلام

صح لسانك يا فهد


ومبروك الفوز


وصف رائع للطير

لك خالص تحياتي[/align]