القنص خوّةمشاكيل الرجال

[شلاع]

سلام الله عليكم جميعآ.
واليكم اهدي هذه القصيده للشاعر:مشعل عوض العتيبي.راجيآ ان تنال اعجابكم.

هب ذعذاع الصفاري من شمال
.........وانعش الخفاق في نسناس ليل
مابقىلسهيل كود اربع ليال
...........واكثرالعربان ماهمه سهيل
لانشا من يمة القبل ه خيال
...........كن لمع بروقهالمع الصقيل
حس رعاده تلج به الجبال
...........منذر بالخوف والخير الفضيل
هل وبله وانتثرفي كل جال
...........سالت الوديان والشعبان سيل
جاك علمه وانبسط راع الحلال
...........والطيور الها تغاريد وهديل
كن ريضانه تصوت لك تعال
...........ريحهاعقب المطر يبري العليل
والحطب والنار مع صفر الدلال
...........ريح رمث وريح بن وريح هيل
والشراع وجمعةقروم العيال
............ماتوسط بيننا خطو البخيل
والقنص خوة مشاكيل الرجال
............والحرار اللي فعايلهاتهيل
ماحلا لا حركن عقب الزوال
............اربع الجيبات خامسهن دليل
ثم نزلنا وسط روضً توسال
............باذره بيّن مع العشب الحويل
ثم بنيناخيمة المعزاب حال
...............والتهيناذايحط وذايشيل
والعشا والفال يقفاه العقال
...............والوكيل الله ولاغيره وكيل
لاصدفنا عقب شق النور فال
..........خربً ازرق صيدته تشفي الغليل
فرغوا مع قولةالزم باحتمال
...............هاقي بالطير ماهو بالذليل
بكرً ارقط ماعلى فعله جدال
.............قد طرحها فرخ هدّوابه فصيل
الموامي لاقصار ولاطوال
.............والكفوف جلاف والعاتق طويل
والحباري طربة في كل حال
.............عند راع الكيف منظرها جميل
لذّة الدنيا وتاليها الزوال
...........وانت يابن آدم كما عابر سبيل
ـــــــــــــــــــــــــــــــــــــــ
وسلامتكم.

بسم الله الرحمن الرحيم

الله حييه الله حييه ..

شاكرين لك هالمشاركه الجميله ..

صح لسانك ولسان مشعل

قصيدة تجمل راعيها وعساك على القوة ياشلاع

تسلم يالغالي وصح الله لسان ابوعوض وتسلم يدينك

اخوك واخو كل طيب شقران

صح لسان الشاعر والله لايهينك ياشلاع
حسبي الله علي ابليسك .... يعلم الله انك شوقتني وانا توني جاي من المقناص وبيني وبينكم بحور وديار الان.... بس القصيده يشهد الله ان كأني معهم من مرواحهم الي ملفاهم ... أختيار موفق والله لايهينك
أخوك / بحــــــــر
الولايات المتحده الامريكيه

كن ريضانه تصوت لك تعال
...........ريحهاعقب المطر يبري العليل


الله الله .... صــح لــســانـــك