الشنــــــــاذر

الاعزاء جميعا من نداويه وزوار

اسعد الله اوقاتكم

دائما يستخدم الصقاقير الشناذر لطيورهم اذا كان اكلها بسيط او صد عن الصيده او اذا ثقلت نفسه0

لانهم يعتقدون بأن السبب هو الشبيكاء0 والشبيكا غالبا يتخلص منها الطير عندما يشنذره راعيه اذا كان فيه شبيكا 0

وهى خطيره على الطير فى اوقات معينه 0

هنا بعض الاسئله اود الاجابه عليها ممن لديه خبره لنستفيد 0

متى تكون الشناذر خطيره على الطير؟

متى تكون احسن الاوقات لشنذرت الطير؟
(بمعنى ان الافضل وهو بالمربط او بعد ما يجذب )

هل هى ضروريه؟

هل تطويف الطير الذى فيه شبيكا عمليه تكفى عن الشناذر؟

هل وضع الشناذر بشمله افضل ام اعطاءها الطير صرف افضل؟

هل شنذرت الطير قبل رمى الروباجه افضل ام الافضل بعد رميه الروباجه؟

هــــــــــــــذا وللجميع فائق الاحترام

زااااانت اعلومك يابو محمد

الشناذر للطير سيف ذو حدين وليس كل صقار يتمكن منها


وخطر الشناذر على الطير يكون في حالتين في الاغلبيه اذا كان الطير وحش

واذا كان الطير ضعيف

وافضل الاوقات لشناذر الطير يكون في الوقت البارد سواء كان في الصفري يكون هناك

تكييف وماء حتى لايتأثر الطير من حرارة الشناذر

أما الافضليه والمعترف بها يشنذر الطير بعد (الجذب) اذا كان الشناذر ضروري

تطويف الطير لايكفي من الشناذر اذا عف الطير الصيده

الافضل ان توضع الشناذر ويسقى الطير بعدها بقليل من الماااااااء


لايشنذر الطير الابعد الروباااااج حتى لاعلق الشناذر في معلفة الطير


ولك تحياااااااتي يابو محمد

فهد رفاعي اسئله جميله

والله لايهينك على فتح المجال لهذا الموضوع



متى تكون الشناذر خطيره على الطير؟

اذا كان الطير ناقض ... والفروخ دايم تحتفض بالشناذره من غشوميتها لين يطفح الكيل .


متى تكون احسن الاوقات لشنذرت الطير؟

والله يافهد بعض الطيور ماتشنذر بسبب زين نفسيتها ولا تشين ولا يحتاج لا في المربط ولا بعد الجذب وهذه نادره ولكن الافضل هو بعد الجذب للتئكد من نفسية الطير


هل هى ضروريه؟

الطير الي كبده شينه اذا ماعطاها تنزل الشحمه الي على كبده .. اعتقد انه مايفلح .


هل شنذرت الطير قبل رمى الروباجه افضل ام الافضل بعد رميه الروباجه؟

اذا شنذرت الطير ومعه روباجه ماراح يئثر فيه الشناذره بدرجه انه مامعه روابيج .. يعني افضل 100% انه مامعه روابيج على شان يغط الشحم






اخي مبارك الهاجري ماقصر وعطاك المعلومات الصحيحه وهذا من ما فاضت به قريحتي

السلام عليكم

ماقصروا اخواني مبارك وعلي قامو بالمطلوب وزود...

ولكن من باب المشاركه حبيت اشارك بما لدي:

متى تكون الشناذر خطيره على الطير؟

تكون الشناذره خطره على الطير في الحالات الاتيه:

اولا:
عندما يكون الطير ضعيف لان لايستطيع مقاومه الماده الكيميائيه (الشناذر)

ثانيا:
او يكون معه علف لان بعض الصقاقير يدعي طيره واذا عاف امسكه على حمامه او نسير وعطاه منها بعض العلف واذا رجع سقط الشناذره في قانصة فهذا يسبب التهاب حاد.

ثالثا: اذا كان الجو حار فانه يضر الطير وهو ان تشنذر الطير في حوار الصفري وايضا تحجز منه الماء فهذا يضر

الطير , والطيربعد الشناذر قانصتة كانها تولع ضوء لان الشناذر ماده سامه ولو تتذوقها يشب طرف السانك منها.

رابعا: اذا كان الطير وحش لان الوحش يصر عليها من باب الوحوشيه .



اما السوال الثاني:
متى تكون احسن الاوقات لشنذرت الطير؟
(بمعنى ان الافضل وهو بالمربط او بعد ما يجذب )

الاجابه:
يفضل ان لايشنذر الطير بعد شله مباشره لابد ان ينزل من عدته اشوي ((عدت المربط)) ويدعى يومين

ثم يشنذر.ولكن كما قال اخي علي بن سفران بعض الطيور نفسه زين واعلومه غانمه فهذا لاتشنذره ولا

تقربه .وهو نادر

السوال الثالث:

هل هى ضروريه؟

الاجابه:
الشناذره زينه لانك اذا شنذرت طيرك خلاص باذن الله ماعاد عنده اخلاف لو تصك عدته ماعاد عنده اخلاف

ولا هي كل الطير بعضها عله.

السوال الرابع:

هل تطويف الطير الذى فيه شبيكا عمليه تكفى عن الشناذر؟

الاجابة:
الا متى وانا اطوفه ؟؟ اذا كل يوم اطوفه بينزل الطير , ولا ادري متى بعين الحبارى علشان اطوفه, والشناذر

ماعاد تخليك تطوف الطير عشه وهده وان شاء الله انه مايعيف الا ماقل منها.

السوال الخامس:

هل وضع الشناذر بشمله افضل ام اعطاءها الطير صرف افضل؟

الاجابه:
في السابق كانوا يعطونها بشمله بس هالحين يعطونها الطير بدون اي شي وبعض الامرار تنجرح قانصة الطير من بعض الشناذر اللي مايجهز مضبوط والدليل على جرح قانصته او حلقه يظهر مع الشحمه دم و الشمله شغله الطير يتضايق منها بس هي امن اشوي لان الطير مايقدر يصر عليها.





السوال السادس:

هل شنذرت الطير قبل رمى الروباجه افضل ام الافضل بعد رميه الروباجه؟

الاجابه:
بعد مايرمي الطير الروباج.



وتشكرون جميعا واشكركم على طرح مثل هذا الموضوع ولا تخلونا من المواضيع اللي مثل ذا.

الاخ العزيز : مبارك الهاجرى

اشكرك لاطلاعك واجابتك الشافيه

لاهنت لاهنت لاهنت

مع كل تقدير

الاخ العزيز : على بن سفران

لاهنت على الاجابات والمشاركه القيمه0

مع فائق التقديروالاحترام

للرفع والاطلاع لاخواني الاعضاء والزوار