ابيات للشعراء في الطير والمقناص

مسااااااااء الخير اخواني الاعضااااااااااء واخواتي وزوار المنتدى
هذه الابيات لشعرااااء قصدوا في الطير والمقناص وهي عباره عن مقتطفات شعريه
ارجو ان تنال اعجابكم




عزام لامنه طلبني سبوقه=ماقلت ياعزام طلعك على ويش
موكد(ن)طلعه ومثبت لحوقه=ماجا على طلعه غبار(ن)وتشويش
لونها تحته او ان جات فوقه=مرهي عليها من قبل تنفض الريش
مبااااااااارك الهاجري


واطيري اللي مات وقت الهدادي=وانا اتحرى طلعت سهيل وارجيه
ليته على برقا الجناحين غادي=ولا على ذربين الايمان مهديه
محمد بن دشن الهاجري

واطيري اللي مايتاوق لياشاف=لامن وكد بالطلع تل وعطيته
غدتبه اللي غرفها غرف مجداف=من يوم شفت طيارها مارجيته
عبدالرحمن العطااااوي

ياعين عين اللي تنكس على اللوح=بيض الدواغر في المفالي طرحها
اليا علاه في السما لاحها لوح=اما ضربها عرض ولا نطحها
محمد بن مقعد الرشيدي

ماهوب بيتيين عن الصيد مشفوح=ان صادها في الارض ولا قلعها
شاعر مجهول

ياعاشق المغتر تحدى المجاهيم=الفعل خله لاشقر اللون صافي
العطاااااااوي

ماهوب وكرين عشاه الجرادي=من العلف شر(ن) على كف راعيه
محمد بن دشن

ياهل الطيور اللي قليل(ن) هددها=ياليتكم من هالعنا تستريحون
شاعر مجهول

الطير مايعطيك عهد(ن) واماني=اللي ليامن حام سمّوه مختار
ابن عفيشه

ليت غازي ماقنص لفياض عيده=ماقنص لمحقبه ولا وراها
وش يبي بديار نقّال الحديده=ديرة(ن)كسّر وانيته في حصاها
عبدالله الضحيك

يالضحيك الهرج وقف لاتزيده=عندي الاخلاق وصلت منتهاها
الحباري مابقا منها شريده=والشريده شبك(؟؟؟) حماها
ماذبحني كود ناس(ن)مستفيده=والنظام اللي وطاني ماوطاها
غازي الميموني

هيضتنا يامشرفنا الشاعر

مبارك الهاجري




[poet font="Andalus,14,darkblue,normal,normal" bkcolor="" bkimage="http://nadawi.net/vb/images2/43.gif" border="none,9,sandybrown" type=2 line=350% align=center use=ex char="" num="0,black"]
الله على اللي طلع طلع(ن) بعيدي "=" لاوحتله خارم(ن) وقفت وراها
هز سبقه هز والناظر حديدي "=" مبطي(ن) عنها وقلبه مانساها
طارت من خايع(ن) عشبه جديدي "=" يوم شافها الصقار والنادر نواها


الشاهر محمد بن هادي النمران


وشكرا على المجهود الطيب اتى في وقته


يعطيك ألف عافيه












[/poet]

الله لايهينك على المجهود الطيب وبيض الله وجهك

لاهنت وبيض الله وجهك

قرب ماهوب الخميس ذا اللي عقبه وتراي حاز معكم صار لي شهر يعني لو اني حاجز الى اندنوسيا يمديني اروح معكم

فيه كذا بيت لبندر بن منصور بس ما تحضرني الان اجيبها لك

بيض الله وجهك ولاهنت

اخوك الصغير
فهد

اخي مبارك

اعجبني موضوعك وحبيت ان اشاركك ببعض الابيات



للشاعر حمد بن لقرع ال زايد الهاجري


في مدح لطير له واسمه جلاد ويقول:
جلاد مايقفي من الخرب شراد

لاقبل عليها مايبرد طيارة

ماهوب تبع" عند راعيه ماصاد

معذب راعيه بحفر الجحارة


وطيرا" له ايضا" يدعى عماش ويقول فيه:


كبيدي" اشقر وبالصدر نماش

رفض الشليل وبالمداغر ضياحي

هذا واتمنى ان تحوز على رضاكم


تقبل تحياتي/اخوك فهد

اشارك ايضا بقصيده وهي لمحمد بن منصر الغيثاني واذكر منها:


[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
اسهيل بيّن وارتفع من صباحه=قبل الفجر شافو لنجمه تشاعيق

وشدو قطين العد و اخلو مداحه=ما عاد يسقى كون خطوا غبابيق

والطير راعيه تفقــد جناحـــــــه=قرناس صيده لبرق الريش تعليق

قرناس طلع ما يبذّك صياحــــه=يا ماحلا هدّه بذيك السواريــق


[/poet]


وشكرا لكم

يامرحبا يامشعل تراحيب المطر

صح بدنك ولسان النمران

ارجو من الاخوان اللي يردون على الموضوع ايراد بيوت وقصايد لمختلف الشعراء في

الطير والمقناص لكي تنشر على طريقة سلسلة مواضيع

او ينشرها العضو بنفسه

ولكم الشكر

لاهنت يابو محمد

اعلومك طيبه وذكرتني في بيت للشاعر بداح بن عديمه الهاجري

وجودي وجود مضيع الطير ياحماد
..........................................على هارب(ن) قد خمها الطير واخطاها

موضوع..جميل ..

يحضرني بيت ..لسمو الشيخ محمد بن راشد المكتوم..

ياذا المعنى وش خبر ..طيرك الشاهين؟.....قنص طيركم ولاّ....بعدكم تربونه؟؟؟؟؟؟

هذه ابيات متواضعه وهي للاخ محمد بن منصر المري وحبيت اشارك بها :

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
رعاك اللة يالوسم المبكر في الزمان الزين=تخالط عشبه وينبت جميع العشب بانواعه
فياض ريحها ينعش وشوفتها تسر العـين=يغرد طيرها وان طار باقصى الروض ميقاعه
تشوف من القطا فيها يحط الجول والجولين=على جال الغدير العذب مدهاله و مرتـاعــه
وفيها للحباري جرّة الثنتين والثنتين=وهذي جرّة الخرب الكبـير وذاك مقراعـه
يهد الحر والصقار ما يحتاج للشاهين=يشوف الصيد شوف العين ما يحتاج طلاعه

[/poet]

عزام لامنه طلبني سبوقه"
"ماقلت ياعزام طلعك على ويش
موكد(ن)طلعه ومثبت iiلحوقه"
"ماجا على طلعه iiغبار(ن)وتشويش
لونها تحته او ان جات iiفوقه"
"مرهي عليها من قبل تنفض الريش





يا سلام سلم ................





جزل يا مبارك.............

الاخ مبارك الهاجري

كل عام وانت بصحه وسعاده

لاهنت على هذه المقتطفات الرائعه


تقبل تحياتي
....................................... شبيب

مبارك

صح السانك ولسان من قال
والله يعطيكم العافية جميعا
يا زين ذي العلوم
تقبل تحياتي واحترامي وتقديري يالغالي



............................................................ ... تميم القحطاني

الاخ مبارك الهاجري


لاهنت على هالابيات الرائعه


اسلم وسلّم

اخي الغالي مبارك

تشكر ولاهنت على مجهودك

الطيب والرائع وابيات جميله

واتمنى لك التوفيق

تقبل تحياتي